XALQARO  KONFERENSIYA

XALQARO  KONFERENSIYA

“Ipak Yo‘li” Xalqaro Turizm Universiteti Xitoydagi Beijing International Studies University (BISU) hamkorligida 2020 yil 21-22 dekabr kunlari xorijiy tillarni o‘qitishga bag‘ishlangan “ 10th International Conference of Foreign Language Teaching and Applied Linguistics” 10-chi xalqaro konferensiyani tashkillashtirdi.

Ushbu xalqaro konferensiyaning 21 dekabr kuni ochilish marosimi bo‘lib o‘tdi. Ipak yo‘li Xalqaro turizm universiteti prorektori, professor Azamat Akbarov konferensiyaning asosiy tashkilotchisi sifatida moderatorlik qildi. Konferensiyada jahon universitetlarining yetuk professor-o‘qituvchilari va yurtimizning turli OTMlarida faoliyat ko‘rsatayotgan professor-o‘qituvchilar o‘z ma’ruzalari bilan ishtirok etishdi. Jumladan, Azamat Akbarov – “Silk Road” International University of Tourism, Uzbekistan
Bridget Goodman – Nazarbayev University, Kazakhstan
Ekaterina Isaeva – Perm State University, Russia
Ersoy Topuzkanamış – Balikesir University, Turkey
Mahdieh Jahangir – Arizona State University, USA
Mayamin Altae – Qatar University, Qatar
Reima Al-Jarf – King Saud University (KSU), Saudi Arabia
Rita Brdar-Szabó – Loránd Eötvös University, Hungary
Somali Gupta – Govt.V.Y.T.P.G. Autonomous College, India
Wang Lei – Beijing International Studies University, China.

Jizzax davlat pedagogika instituti vakili sifatida Chet tillar fakulteti Ingliz tili amaliy kursi kafedrasi dotsenti v.b. Jabborova Anora “The Role of Flipped Learning in Language Teaching” mavzusidagi ma’ruzasi bilan ishtirok etdi. A.Jabborova o‘z ma’ruzasida chet tilini o‘qitishda “flipped learning”, “flipped teaching”, “flipped classroom” tushuncha va texnikalarining ahamiyati, ushbu o‘qitish turida talaba va o‘qituvchining roli, afzalliklari haqida ma’lumot berib o‘tdi.

Bundan tashqari,  Jabborova Anora Erasmus+ Milliy ofisi O‘zbekistondagi vakolatxonasining Oliy ta’lim ekspertlari milliy guruhi a’zosi sifatida Erasmus+ NEO tomonidan tashkillashtiriladigan konferensiya va seminarlarda o‘z ma’ruzalari va taqdimotlari bilan ishtirok etib kelmoqda. Jumladan, 2020 yil 15 dekabr kuni  Erasmus+ dasturi Milliy va xalqaro ekspertlar guruhi a’zolari ishtirokida O‘zbekistonda «Oliy ta’limni rivojlantirish istiqbollari» mavzusida konferensiya o‘tkazildi.
Unda Ta’lim sifatini nazorat qilish davlat inspeksiyasi, Oliy va o‘rta maxsus ta’lim vazirligi, Yevropa Ittifoqining O‘zbekistondagi Delegatsiyasi vakillari, oliy o‘quv yurtlar xodimlari va professor-o‘qituvchilari ishtirok etishdi. Tadbirni kirish so‘zi bilan ochib bergan Ta’lim inspeksiyasi boshlig‘i Ulug‘bek Tashkenbaev so‘nggi yillarda ta’lim tizimini isloh qilish davlat siyosatida hal qiluvchi va dolzarb masalalardan biriga aylanib borayotganini ta’kidlab, bu borada amalga oshirilayotgan ishlar haqida ma’lumot berdi. Tadbir davomida, shuningdek, Yevropa Ittifoqining O‘zbekistondagi delegatsiyasi rahbari vazifasini bajaruvchi Fransua Bejo O‘zbekistonda oliy ta’lim tizimining bugungi kundagi holati borasida o‘z fikrlari bilan o‘rtoqlashib, sohani yanada yaxshilash bo‘yicha o‘z tavsiyalarini bildirib o‘tdi.
Shu bilan birgalikda, Abduraxmanova A.K. – O‘zbekistondagi Erasmus+ Milliy ofisi koordinatori, Oliy ta’lim ekspertlari Kudaybergenov J.Sh. – Toshkent shahridagi Yodju texnika instituti rektori, Usmonova N.B. – Toshkent axborot texnologiyalari universiteti , Jabborova A.J. – Jizzax davlat pedagogika instituti , Vixrov I.P. – Toshkent pediatriya instituti vakillari tomonidan Erasmus+ dasturining O‘zbekistondagi faoliyati, O‘zbekiston oliy ta’lim sohasida kredit tizimiga o‘tish, oliy ta’lim tizimini raqamli avlodga moslashtirish, masofaviy ta’lim jarayonida xorijiy tajribalardan foydalanish, Yevropa oliy ta’lim tizimining keyingi rivojlanish bosqichlari, pandemiya davrida universitetda ta’lim berish kabi masalalar bo‘yicha ham ma’ruzalar qilindi.

Jabborova Anora ushbu konfereniyada “Masofaviy ta’lim jarayonida xorijiy tajribalardan foydalanish (Jizzax davlat pedagogika instituti misolida)” mavzusidagi ma’ruzasi bilan ishtirok etdi. A.Jabborova o‘z ma’ruzasida Jizzax davlat pedagogika institutida masofaviy ta’lim jarayoni, xorijiy tajribalarning qo‘llanilishi, MOODLE va HEMIS platformalarining afzalliklari haqida ma’lumot berib o‘tdi.