Skip to main content

Abituriyentlar uchun Oliy ta’lim muassasasiga qabul jarayoni

Abituriyentlar uchun Oliy ta’lim muassasasiga qabul jarayoni

“TILNI O‘QITISH VA O‘RGANISHDA XXI ASR KO‘NIKMALARI – III XALQARO ANJUMAN”

Jizzax davlat pedagogika institutida 2022 yil 20 May kuni Chet tillar fakulteti Ingliz tili o`qitish metodikasi kafedrasi tomonidan  “Tilni o‘qitish va o‘rganishda XXI asr ko‘nikmalari” mavzusida  III xalqaro miqyosida ilmiy-amaliy anjuman bo‘lib o‘tdi.   Konferensiyada Amerika Qo‘shma Shtatlaridan, Buyuk Britaniyadan, Turkiyadan  va Respublikamizdagi oliy ta’lim muassasalaridan jumladan, Nizomiy nomidagi Toshkent davlat pedagogika universiteti, Samarqand davlat chet tilllari instituti, O`zbekiston Milliy Universiteti, O`zbekiston davlat Jahon tillari universiteti, Toshkent Irrigatsiya va qishloq xo`jaligini mexanizatsiyalash instituti, Toshkent to`qimachilik va yengil sanoat institutidan sohaning yetuk olimlari, professorlar, pedagog-o‘qituvchilar, doktorantlar, magistrlar ishtirok etishdi.

Konferensiya ishini Jizzax davlat pedagogika instituti Oquv ishlari prorektori B.To`xtamishev ochib berdi. B.To`xtamishev o`z nutqida har bir tilning millat taraqqiyotida tutgan o`rni, o`zbek tilining huquqiy maqomi, chet tillarini chuqur oʼrganish oʼquvchi-yoshlarning zamonaviy bilimga ega boʼlishi va professional koʼnikmalarni egallashining asosiy omili va sharti ekanligi, Jizzax davlat pedagogika institutining xalqaro hamkorlik aloqalari, kelgusidagi rejalar va istiqbollar haqida to`xtalib o`tdi.

Shundan so‘ng mavzu yuzasidan Jizzax davlat pedagogika instituti Chet tillar fakulteti dekani f.f.d. professor A.Mamatov, Buyuk Nizomiy nomidagi Toshkent davlat pedagogika universiteti professorlari G.Mahkamova, A.Mamadaliyev, Samarqand davlat chet tilllari instituti professori G`.Mirsanov, Britaniya Portsmud Universiteti professori Dr.Lin Zheng, Turkiyaning Nejmiddin Erbakan universiteti professori Dr.Tuba Yilmaz, Amerika Qo‘shma Shtatlari George Washington universiteti tadqiqotchisi Furqat Sharipov, Toshkent to`qimachilik va yengil sanoat institute dotsenti DSc F.Ikromxonova Toshkent Irrigatsiya va qishloq xo`jaligini mexanizatsiyalash institute dotsenti PhD M.Ruzmetovalar ma’ruza qildilar.

Konferensiya ishi 4 sho‘bada ko‘rib chiqildi:

  1. Tilshunoslik, adabiyotshunoslik va madaniyatlararo muloqot masalalari
  2. XXI asrda chet tilini o‘qitish metodikasi
  3. Tilni o‘qitish va o‘rganishda XXI asr ko‘nikmalari
  4. Chet tilini o‘rganishning pedagogik va psixologik asoslari

Konferensiya so‘nggida taqdim etilgan materiallar asosida XXI asrda tilni o‘qitish va o‘rganishning ko‘nikmalari, metodlari va psixologik asoslarini o‘rganish asosida yo`l xaritasi ishlab chiqish va bosqichma-bosqich amalga oshirish yuzasidan takliflar bildirildi.