Talabalarni qiziqtiradigan savollarga javoblar

1-savol.  Talabalar to‘lov shartnoma pullarini to‘lash muddati qachongacha?

S.Nazarqosimov, Yoshlar bilan ishlash prorektori

– Institut rektorining buyrug‘i bilan shartnoma pullarini to‘lash muddati 2020 yil  15-may sanasigacha belgilangan.

2-savol. Talabalar tomonidan to‘langan shartnoma pullarini tushganligini qanday aniqlash mumkin?

S.Nazarqosimov, Yoshlar bilan ishlash prorektori

– To‘lov shartnoma pullarini amalga oshirilganligi to‘g‘risidagi ma’lumot www.jspi.uz institut sayti hamda marketing bo‘limining 72 226  62 40 raqami orqali aniqlashingiz mumkin.

3-savol. Shartnoma asosida tahsil oladigan talabalarning stipendiyalari qachon plastik kartaga tushadi?

S.Nazarqosimov, Yoshlar bilan ishlash prorektori

– 2020 yil 15-may sanasigacha shartnoma asosida tahsil oladigan talabalarning stipendiyalari plastik kartaga tushadi.

4-savol. Yakuniy davlat attestatsiyalarida uzrli sabablarga ko‘ra ishtirok eta olmagan talabalarga qayta topshirishga imkoniyatlar yaratiladimi?

 

S.Nazarqosimov, Yoshlar bilan ishlash prorektori

 

– Respublika miqyosida karantin cheklovlari to‘liq yakunlangach yakuniy davlat attestatsiyalarini uzrli sabablarga ko‘ra topshira olmagan talabalar uchun yakuniy davlat attestatsiya komissiyalari faoliyati tashkil etiladi. Biroq modul tizimida ishlayotgan talabalar YaDA topshirish imkoniyati bo‘ladi. Ma’lumot uchun, yakuniy davlat attestatsiya komissiyalari raislari bir kalendar yili uchun tasdiqlanadi.

5-savol. 2020/2021 o‘quv yili uchun talabalar o‘qishini ko‘chirish jarayoni qanday tartibda o‘tkaziladi?

S.Nazarqosimov, Yoshlar bilan ishlash prorektori

 

– 2020/2021 o‘quv yiliga respublika oliy ta’lim muassasalariga talabalar o‘qishini ko‘chirish quyidagi tartibda amalga oshiriladi:

O‘qishini ko‘chirish uchun zarur bo‘lgan xujjatlar (kursni tamomlaganligi to‘g‘risida buyruqdan ko‘chirma, shartnoma pullarini to‘liq to‘laganligi to‘g‘risida ma’lumotnoma)

2020 yilning 15 iyulidan 5 avgustiga qadar hujjatlar qabul qilinadi (hujjatlarni onlayn tarzda topshirish imkoniyati yaratiladi);

6 avgustdan 30 avgustga qadar arizalar ko‘rib chiqilib qaror qabul qilinadi.

Hozirgi kundagi karantin tadbirlari sababli o‘qishni ko‘chirish jarayonlari muddatlarida o‘zgarishlar bo‘lgan taqdirda institutning rasmiy sayti (www.jspi.uz) va telegramm kanali @jdpi orqali e’lon beriladi.

6-savol. Qo‘shni davlatlardan o‘qishi ko‘chirilgan fuqarolar o‘qigan kurslaridan quyi kurslarga tavsiya etilmoqda. Mazkur holat to‘g‘rimi?

S.Nazarqosimov, Yoshlar bilan ishlash prorektori

– Respublika oliy ta’lim muassasalariga talabalar o‘qishini ko‘chirishda namunaviy o‘quv rejalaridagi umumkasbiy va ixtisoslik (mutaxassislik) fanlari bo‘yicha farqlar 4 tadan oshganda muayyan kursga o‘qishni ko‘chirishga ruxsat etilmaydi va shunga ko‘ra talabaga o‘qishini quyi kursda davom ettirish tavsiya etilishi mumkin.