sss
“ O‘zbekistonda ingliz tili o‘qituvchilarining yangi avlodi” mavzusidagi xalqaro ilmiy-amaliy seminar.

“El-yurt umidi” jamg‘armasi  bitiruvchilarining

“ O‘zbekistonda ingliz tili o‘qituvchilarining yangi avlodi” mavzusidagi xalqaro ilmiy-amaliy seminari

Ingliz tili butun dunyoda bo‘lgani kabi, O‘zbekistonda ham universal tilga aylanganligi sababli, O‘zbekiston ta’lim tizimida ingliz tilini chet tili sifatida o‘qitish tizimini takomillashtirish vazifasini o‘z zimmasiga oldi. O‘zbekiston Respublikasi Birinchi Prezidentining  2012 yil 10 dekabrda qabul qilingan 18/75 sonli “Chet tillarini o‘rganish tizimini yanadarivojlantirish chora-tadbirlari to‘g‘risida”gi qarori O‘zbekiston ta’lim muassasalarida ingliz tilini xorijiy til sifatida o‘qitishning rivojlanishiga katta hissa qo‘shmoqda. Ushbu farmon ijrosini ta’minlash maqsadida biz Jizzax davlat pedagogika instituti 2020 yil 20-noyabrsoat 14:30 da “ O‘zbekistonda ingliz tili o‘qituvchilarining yangi avlodi” mavzusida xalqaro onlayn seminar tashkil qilmoqchimiz.

Ma’lumki, O‘zbekiston 2018 yil 25-setyabrda O‘zbekiston Respublikasi Vazirlar Mahkamasi huzurida “ El-yurt umidi” jamg‘armasini tashkil etdi. Ushbu jamg‘armaning maqsadi xorijda mutaxassislarni tayyorlash va vatandoshlar bilan muloqotga yo‘naltirilgan.2019  yilda oliy o‘quv yurtlarining  42 ta ingliz tili o‘qituvchilari “El-yurt umidi” jamg‘armasi  “ Malaka oshirish” dasturi bo‘yicha stipendiya sohiblari bo‘lib, 2019 yil 30-iyuldan 2019-yil 30-avgustgacha Buyuk Britaniyaning Norvich tillarni o‘qitish itstitutida ( NILE) malaka oshirdi.

Ushbu jamg‘arma bitiruvchilari  sifatida biz  Respublikamiz ta’lim tizimini rivojlantirishga o‘z hissamizni qo‘shmoqchimiz va rejalashtirilgan ushbu onlayn seminar yuqoridagi maqsadlarga erishish uchun debocha bo‘ladi.

 

Seminardan ko‘zlangan maqsad:

  • Ingliz tilini o‘rganish va o‘qitishda qo‘llaniladigan yangi innovatsion pedagogik texnologiyalardan foydalanishni keng targ‘ib qilish va ingliz tilini o‘qitish tizimini rivojlantirishga hissa qo‘shish;
  • Ingliz tilini o‘rganish va o‘qitishda yangi innovatsion pedagogik texnologiyalarni qo‘llash omillari va kelajakdagi hamkorlik masalalari;
  • Erishilgan tajribani ulashish;

Kutilayotgan natijalar:

  • Chet tilini o‘qitish va o‘rganish tizimida qonunlar va qarorlarni amalga oshirish, shuningdek ingliz tilini o‘qitish metodikasidagi muammolarni bartaraf etish;
  • Ingliz tili o‘qituvchilarining bilim va ko‘nikmalarini rivojlantirishga hissa qo‘shish;

 

Seminar hamkorlari:

  • Buyuk Britaniyaning O‘zbekistondagi vakolatli elchixonasi
  • “El-yurt umidi” jamg‘armasi
  • Oliy ta’lim vazirligi
  • Norvich tillarni o‘qitish itstituti ( NILE)

 

Ushbu xalqaro onlayn  ilmiy-amaliy seminar “ ZOOM” platformasida  bir kun 2  soat mobaynida o‘tqaziladi.