“KREDIT MODUL TIZIMI”

Jizzax davlat pedagogika instituti Chet tillar fakulteti Ingliz tili amaliy kursi kafedrasi tomonidan 26 May kuni soat 10:00 da “INTERNATIONAL CREDIT MOBILITY” – “Kredit Modul Tizimi”

mavzusida seminar- trening tashkillashtirildi. Ushbu seminar- treningni Chet tillar fakulteti dekani A.Mamatov ochib berdi. U o‘z ma’ruzasida Kredit modul tizimining Oliy ta’limdagi o‘rni, kredit modul tizimining afzalliklari, modul kredit tizimi esa talabaning oliy o‘quv yurtida samarali bilim olishini aniqlab beruvchi standartlashtirilgan baholash tizimi ekanligi haqida to‘xtalib o‘tdi.

Shundan so‘ng seminar-treningni Ingliz tili amaliy kursi kafedrasi katta o‘qituvchisi Jabborova Anora Ingliz tili amaliy kursi kafedrasida kredit modul tizimiga tayyorgarlik rejalari aks etgan “International Credit Mobility” mavzusidagi taqdimoti bilan  davom ettirdi. U o‘z taqdimotida kredit modul tizimi, kredit modul tizimi asosida o‘qitilayotgan respublika va xorijdagi OTMlarning tajribalari va Ingliz tili amaliy kursi kafedrasida kredit modul tizimini tashkil etishning taxminiy rejasi bilan tanishtirib o‘tdi.

                                                                                                                                                                                     Jabborova Anora

                                                                                                                                                                                     Ingliz tili amaliy kursi kafedrasi katta o‘qituvchisi