Kitob millat ko‘zgusi(mi?)…

 Jizzax davlat pedagogika institutida bo‘lib o‘tgan tadbir ana shunday nomlandi …

Oliygohning Ma’naviyat targ‘ibot markazi majlislar zalida O‘zbekiston Respublikasi prezidenti Sh. Mirziyoev tomonidan ilgari surilgan beshta muhim tashabbusning biri “Yoshlar ma’naviyatini yuksaltirish, ular o‘rtasida kitobxonlikni keng targ‘ib qilish bo‘yicha tizimli ishlarni tashkil etish” bo‘yicha chora-tadbirlar doirasida   o‘tkazilgan davra suhbati “MENGA  SABOQ  BERGAN  KITOB”  shiori osti bo‘lib o‘tdi.

Ijtimioiy fanlar kafedrasi tashabbusi bilan tashkillashtirilgan  davra suhbatida Jizzax davlat pedagogika instituti  yoshlar bilan ishlash bo‘yicha prorektori  S.Nazarqosimov,  Ijtimoiy fanlar kafedrasi mudiri B. Ochilova, O‘zbek adabiyoti kafedrasi dotsenti  Yu. Karimova,  Ijtimoiy fanlar kafedrasi dotsenti  B.Toshboev, Ijtimoiy fanlar kafedrasi o‘qituvchilari Sh. Axrorova, S.Karimovlar bilan birgalikda institutimizning barcha fakultetlaridan bilimli, faol talabalar ishtirok etishdi. Unda so‘zga chiqqanlar kitobxonlik madaniyatini shakllantirish, yoshlar o‘rtasida kitob mutoalasi, zamonaviy elektron kutubxonalar  va mavjud muammolar to‘g‘risida o‘z fikr mulohazalarini bildirib o‘tishdi.

Davra suhbati so‘ngida  eng faol ishtirok etgan talaba yoshlar  estalik sovg‘alari bilan taqdirlandilar.

Jizzax davlat pedagogika instituti axborot xizmati