Ta`lim sifatini nazorat qilish bo`limi

Bo’lim boshlig’i: Abduraimov Sherali Saydikarimovich

Manzil: Jizzax shaxri, Sh.Rashidov shox ko’chasi 4- uy, Jizzax davlat  pedagogika instituti .

Tel: 0(372) 226-13-57

Faks: 226-59-94

                                  e-mail: tdpu.sherali@mail.ru

A.Qodiriy nomidagi JDPI Ta’lim sifatini nazorat qilish bo’limi boshlig’i Abduraimov Sherali Saydikarimovichning

pedagogik faoliyati haqida

MA’LUMOTNOMA

1981 yil 30 iyunda Toshkent viloyati Bo‘ka tumanida tavallud topgan.

Jizzax davlat pedagogika institutini 2003 yil tamomlab bakalavr darajasiga, Nizomiy nomidagi Toshkent davlat pedagogika universitetida 2006 yil magistr darajasiga ega bo‘lgan.

2006-2011 yillar Toshkent davlat pedagogika universiteti «Kasb ta’limi metodikasi» kafedrasida o‘qituvchi, 2011-2013 yillar Kasb ta’limi fakulteti ma’naviy-ma’rifiy ishlar bo‘yicha dekan muovini lavozimlarida o‘z faoliyatini olib borgan.

2014-2017 yillar universitet doktoranturasida tahsil olib, 2017 yil «Kasb ta’limi o‘qituvchilarini tayyorlash sifatini ta’minlashda tarmoqlararo integratsiyaning pedagogik imkoniyatlarini takomillashtirish» mavzusida doktorlik dissertatsiyasini muvaffaqiyatli himoya qilgan hamda Pedagogika fanlari bo‘yicha falsafa doktori (PhD) ilmiy darajasiga ega bo‘lgan.

2017-2020 yillar Toshkent davlat pedagogika universitetida Sirtqi (maxsus sirtqi) bo‘lim boshlig‘i lavozimida faoliyat olib borgan.

2020 yil mart oyidan A.Qodiriy nomidagi Jizzax davlat pedagogika instituti Ta’lim sifatini nazorat qilish bo’limi boshlig’i lavozimida faoliyat olib bormoqda.

Uning muallifligida 70 dan ortiq ilmiy ishlar nashr etilgan. Jumladan, 1 ta o‘quv qo‘llanma, 3 ta monografiya, 12 ta metodik qo‘llanma, 3 ta intelektual mulk agentligi patent guvoxnomasi, 15 dan ortiq respublika va 5 ta nufuzli xorijiy jurnallarda ilmiy maqolalar, 20 dan oshiq respublika miqiyosidagi va 10 dan ortiq xorijiy davlatlarda o‘tkazilgan konferensiyalarda o‘z ma’ruzalari bilan ishtirok etgan.

2016 yil Rossiya Federatsiyasining Qozon shahrida bo‘lib o‘tgan «Kachestvo visshego i professionalnogo obrazovaniya v postindustrialnuyu epoxu: sushnost, obespechenie, problemi» mavzusidagi Xalqaro konferensiyada o‘z ma’ruzasi bilan ishtirok etib, «Eng yaxshi ilmiy maqola» nominatsiyasi bo‘yicha I o‘ringa sazovor bo‘lgan. Bundan tashqari Moskva, Sankt-Peterburg shaharlarida ilmiy tadqiqot ishining muhokamasi yuzasidan ilmiy konferensiyalarda ishtirok etgan.

2017 yil may oyida Xitoy davlatining Sian shahridagi Sian pedagogika universitetida bo‘lib o‘tgan «Buyuk ipak yo‘lidagi davlatlarning ta’lim tizimi hamkorligini rivojlantirish» mavzusidagi Xalqaro konferensiyada va universitetlararo hamkorlik memorandumini imzolashda hamda uni amalga oshirishda faol ishtirok etgan.

Murojaat qilish


Bo’lim bosh mutaxassisi: Qosimov Rustam Abdimannonovich

Manzil: Jizzax shaxri, Sh.Rashidov shox ko’chasi 4- uy, Jizzax davlat  pedagogika instituti

Tel: 0(372) 226-13-57

Faks: 226-59-94

                                    e-mail: rustam@umail.uz

 

A.Qodiriy nomidagi JDPI Ta’lim sifatini nazorat qilish bo’limi bosh mutaxassisi Qosimov Rustam Abdimannonovichning faoliyati haqida

MA’LUMOTNOMA

1989 yil 16 yanvarda Jizzax viloyati G’allaorol tumanida tavallud topgan.

Nizomiy nomidagi Toshkent davlat pedagogika universitetini 2013 yil tamomlab bakalavr darajasiga, Nizomiy nomidagi Toshkent davlat pedagogika universitetida 2016 yil magistr darajasiga ega bo‘lgan.

2016-2019 yillar Jizzax viloyati xalq ta’limi xodimlarini qayta tayyorlash va ularnining malakasini oshirish institute “Ijtimoiy-iqtisodiy fanlar” kafedrasida o’qituvchi,

2019 yil oktyabr oyidan A.Qodiriy nomidagi Jizzax davlat pedagogika instituti “Ta’lim sifatini nazorat qilish bo’limi” bosh mutaxassisi lavozimida faoliyat olib bormoqda.


 

Jizzax davlat pedagogika instituti “Ta’lim sifatini nazorat qilish” bo‘limi O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi to‘g‘risidagi nizomda belgilangan qoidalarga asosan quyidagi asosiy vazifa va funksiyalardan kelib chiqqan holda ish yuritadi.

  1. Ta’lim tizimida o‘quv-tarbiya jarayonlari, professor-o‘qituvchilar tarkibi, kadrlar tayyorlash va ularning malakasini oshirish sifatini nazorat qilish bo‘yicha davlat siyosatini amalga oshirish sohasida:

– talabalar va tinglovchilar bilimlarining O‘zbekiston Respublikasi davlat ta’lim standartlari, davlat talablari va malaka talablariga muvofiqligini tizimli ravishda tahlil qilish;

– pedagog kadrlarga lavozim va malaka toifalarini berish uchun normativ-huquqiy hujjatlar loyihalarini ishlab chiqish;

– pedagog kadrlarga malaka toifalarini berish jarayonini tashkil etish jadvallarini tuzish va tasdiqlash;

– ta’lim sohasidagi boshqaruv organlari hamda mahalliy ijro etuvchi hokimiyat organlarining pedagog kadrlarga mos ravishda lavozim va malaka toifalarini berishni tashkil qilish va o‘tkazish borasidagi faoliyatini muvofiqlashtirish va nazorat qilish;

– pedagog kadrlarga lavozim va malaka toifalarini berish davriyligi haqidagi ma’lumotlar bazasini shakllantirish;

– pedagog kadrlarga lavozim va malaka toifalari berishni tashkil etish;

– lavozim va malaka toifalariga ega bo‘lgan pedagog kadrlarga belgilangan namunadagi malaka toifalariga oid sertifikatlar berish;

– pedagog kadrlarning nazorat sinovlari natijasi bo‘yicha lavozim va malaka toifalariga oid sertifikatlar berilganligi to‘g‘risidagi ma’lumotlarni Davlat inspeksiyasining rasmiy veb-saytida e’lon qilib borish;

– kadrlar tayyorlash sifatini nazorat qilishda ish beruvchilarning ta’lim muassasalarida kadrlar tayyorlash sifati bo‘yicha takliflari asosida mutaxassislik malaka talablarini takomillashtirish bo‘yicha takliflar ishlab chiqish;

– davlat ta’lim standartlari, davlat talablari va malaka talablarini, shuningdek ular asosida ta’limning barcha turlari bo‘yicha ishlab chiqilgan o‘quv reja va dasturlarini ekspertizadan o‘tkazish;

– ta’lim muassasalarida o‘quv-tarbiya hamda kadrlar tayyorlash sifati monitoringini tashkil etish va amalga oshirish;

– uzluksiz ta’lim tizimida tashkil etiladigan fan olimpiadalari, bellashuvlar va turli ko‘rik-tanlovlarni xolis va adolatli o‘tkazilishini nazorat qilish, natijalarini tahlil etish;

– ta’lim sifatini baholash sohasida xalqaro hamkorlikni yo‘lga qo‘yish;

2.Idoraviy mansubligi va tashkiliy-huquqiy shaklidan qat’i nazar, ta’lim muassasalarini attestatsiya va davlat akkreditatsiyasidan o‘tkazish sohasida:

– O‘zbekiston Respublikasi Oliy va o‘rta maxsus ta’lim vazirligi, O‘rta maxsus, kasb-hunar ta’limi markazi hamda Xalq ta’limi vazirligi bilan birgalikda ta’lim sifatini nazorat qilish va ta’lim muassasalari faoliyatini baholash mezonlarini ishlab chiqish;

– ta’lim sifati nazorati hamda attestatsiya jarayonida qo‘llaniladigan nazorat materiallarini ishlab chiqish, maxfiyligini saqlash bo‘yicha chora-tadbirlar kompleksini amalga oshirish;

– ta’lim muassasalarini attestatsiyadan o‘tkazish uchun jalb etiladigan ekspertlarni tanlash, o‘qitish va o‘qitish yakunlari bo‘yicha ushbu ekspertlarni saralab olish mexanizmini ishlab chiqish va takomillashtirish;

– ta’lim muassasalarini attestatsiyadan o‘tkazish jadvallarini ishlab chiqish va tasdiqlash;

– ta’lim muassasalarini attestatsiya va davlat akkreditatsiyasidan o‘tkazish jarayonini muvofiqlashtirish va nazorat qilish;

– ta’lim sifati monitoringi, attestatsiya o‘tkazish jarayonida aniqlangan kamchiliklarni o‘z vaqtida bartaraf etilishini nazorat qilish;

– attestatsiya natijalariga ko‘ra, ta’lim muassasalarini davlat akkreditatsiyasidan o‘tkazish;

– davlat akkreditatsiyasidan o‘tgan ta’lim muassasalarining reestrini yuritish;

– ta’lim muassasalarini attestatsiyadan o‘tkazish jarayoni va natijalariga doir masalalar bo‘yicha ekspert xulosalari, hisobotlar, tahliliy materiallar tayyorlash;

– idoraviy mansubligidan va tashkiliy-huquqiy shaklidan qat’i nazar, ta’lim muassasalarini tashkil etish (qayta tashkil etish, tugatish) hamda ularning maqomini qayta ko‘rib chiqish bo‘yicha tegishli xulosalar tayyorlash;

3.O‘quvchilar, talabalar va tinglovchilar bilimlarining O‘zbekiston Respublikasi davlat ta’lim standartlari, davlat talablari va malaka talablariga muvofiqligini tahlil qilish, ta’lim muassasalari reytingini aniqlash sohasida:

– o‘quvchilar, talabalar va tinglovchilar bilimlarini aniqlash maqsadida nazorat materiallarini ishlab chiqish;

– nazorat ishlarini o‘tkazish, natijalarni tahlil qilish, ta’lim sifatiga ta’sir ko‘rsatgan omillarni aniqlash, shu jumladan ta’lim muassasalarida umumta’lim fanlari va kasbiy fanlar bo‘yicha tanlab olish asosida bitiruvchilarning ta’lim tayyorgarligi darajasi va o‘qitish sifati monitoringini o‘tkazish orqali ta’lim sifatiga ta’sir etuvchi omillarni aniqlash;

– o‘quvchilar, talabalar va tinglovchilar o‘rtasida ta’lim sifatini oshirish, davlat ta’lim standartlari, davlat talablari va malaka talablarini bajarish darajasini o‘rganishga qaratilgan intellektual ko‘rik-tanlovlar, musobaqalarni tashkil etish;

– ta’lim va kadrlar tayyorlash sifati monitoringini olib borish va nazorat qilish bo‘yicha tashkiliy-huquqiy va metodik ko‘rsatmalarni ishlab chiqishni tashkil etish;

– zamonaviy axborot-telekommunikatsiya texnologiyalariga asoslangan holda ta’lim va kadrlar tayyorlash sifati monitoringini olib borish;

– ta’lim muassasalarida o‘qitish va kadrlar tayyorlash sifatini o‘rganish maqsadida ijtimoiy so‘rovlarni o‘tkazish;

ta’lim sifatini baholash natijalari bo‘yicha tahliliy ma’lumotlar tayyorlash;

– ta’lim sifatini baholash natijalari asosida ta’lim va kadrlar tayyorlash sifatining umumiy holati bo‘yicha ta’lim muassasalari reytingini aniqlash;

  1. O‘zbekiston Respublikasi Vazirlar Mahkamasining Nodavlat ta’lim muassasalari faoliyatini litsenziyalash komissiyasining ishchi organi sifatida nodavlat ta’lim muassasalariga litsenziyalar berish sohasida:

– talabgorlarning litsenziya berish to‘g‘risidagi arizalarini qabul qilish va ko‘rib chiqishni tashkil etish;

– talabgorlarning arizalarini ko‘rib chiqish natijalari bo‘yicha ekspert xulosasini tayyorlash;

– talabgorlarning arizalarini ko‘rib chiqish natijalari haqida talabgorlarga ma’lumot berish;

– ijobiy ekspert xulosalari asosida litsenziyalarni rasmiylashtirish va nodavlat ta’lim muassasalariga berish;

5.Xorijiy mamlakatlarda berilgan ta’lim to‘g‘risidagi hujjatlarni tan olish va nostrifikatsiyalash (ekvivalentligini aniqlash)ni tashkil etish sohasida:

– O‘zbekiston Respublikasi Oliy va o‘rta maxsus ta’lim vazirligi, Xalq ta’limi vazirligi, Adliya vazirligi hamda boshqa manfaatdor vazirliklar va idoralarning vakillaridan iborat tarkibda tegishli ta’lim yo‘nalish (mutaxassislik)lari bo‘yicha xorijiy mamlakatlarda berilgan ta’lim to‘g‘risidagi hujjatlarni tan olish va nostrifikatsiyalash (ekvivalentligini aniqlash) bo‘yicha ekspertizadan o‘tkazuvchi ekspert komissiyasini (keyingi o‘rinlarda Ekspert komissiyasi deb ataladi) shakllantirish va uning ishini tashkil etish;

– talabgorlardan xorijiy mamlakatlarda berilgan ta’lim to‘g‘risidagi hujjatlarni tan olish va nostrifikatsiyalash (ekvivalentligini aniqlash) uchun zarur bo‘lgan ta’lim to‘g‘risidagi va boshqa hujjatlarni qabul qilib olish;

– ta’lim to‘g‘risidagi hujjatlarni nostrifikatsiyalash (ekvivalentligini qayd etish) jarayoni uchun barcha zarur hujjatlar mavjudligini aniqlash va materiallarni Ekspert komissiyasiga yuborishni tashkil etish;

– Ekspert komissiyasi tomonidan nostrifikatsiyalash (ekvivalentligini qayd etish) uchun taqdim etilgan ta’lim to‘g‘risidagi hujjatni ekspertizadan o‘tkazish natijasiga ko‘ra xulosa tayyorlanishini tashkil etish;

– Ekspert komissiyasining xulosasi haqida talabgorga ma’lum qilish;

– xorijiy davlatlarda ta’lim olganlik to‘g‘risidagi hujjatlar tan olinganda va nostrifikatsiyalash (ekvivalentligini qayd etish) amalga oshirilganda talabgorga davlat namunasidagi guvohnomalar rasmiylashtirilishini tashkil etish;

6.Respublika hududida xorijiy ta’lim muassasalarining ta’lim faoliyatini yuritish huquqiga ruxsatnomalar berish uchun taqdim etilgan hujjatlarni ekspertizadan o‘tkazish sohasida:

– respublika hududida xorijiy ta’lim muassasalarining ta’lim faoliyatini yuritish huquqiga ruxsatnomalar berish uchun taqdim etilgan hujjatlarni qabul qilib olish;

– respublika hududida xorijiy ta’lim muassasalarining ta’lim faoliyatini yuritish huquqiga ruxsatnomalar berish uchun taqdim etilgan hujjatlarni ekspertizadan o‘tkazish;

– pedagog kadrlar ta’minoti, moddiy-texnik baza, o‘quv-laboratoriya jihozlari va boshqa texnik vositalarni ta’lim dasturini amalga oshirish uchun etarliligi yuzasidan ekspert xulosasini tayyorlash;

7.Ta’lim va ilmiy-tadqiqot muassasalari tomonidan beriladigan rasmiy hujjatlarga apostil qo‘yish sohasida:

– apostil qo‘yish uchun murojaatlar va tegishli hujjatlarni qabul qilish hamda ro‘yxatdan o‘tkazish;

– apostil qo‘yish to‘g‘risidagi murojaatni ko‘rib chiqish;

– apostil qo‘yish to‘g‘risidagi murojaatni ko‘rib chiqish natijalari haqida ariza beruvchiga ma’lumot berish.

Jizzax davlat pedagogika instituti “Ta’lim sifatini nazorat qilish” bo‘limi quyidagi vazifalarni amalga oshiradi:

– Jizzax davlat pedagogika instituti attestatsiyasining o‘tkazilishini, uning sifatli va samarali tashkil qilinishini muvofiqlashtirish va nazorat qilish;

Jizzax davlat pedagogika instituti attestatsiyadan o‘tkazish jarayonida Davlat inspeksiyasi va ta’lim sohasidagi hududiy boshqaruv organlari o‘rtasidagi o‘zaro hamkorlikni muvofiqlashtirish;

Jizzax davlat pedagogika instituti attestatsiyadan o‘tkazish jarayonida bo‘lim tomonidan o‘tkaziladigan ichki attestatsiya jarayonini muvofiqlashtirish;

Jizzax davlat pedagogika institutida ta’lim va kadrlar tayyorlash monitoringini olib borish va sifatini nazorat qilish jarayonida tashkiliy ishlarni amalga oshirish.