Skip to main content

Abituriyentlar uchun Oliy ta’lim muassasasiga qabul jarayoni

Abituriyentlar uchun Oliy ta’lim muassasasiga qabul jarayoni

Rus tili va adabiyoti fakulteti

 

Rus tili va adabiyoti fakulteti

Fakultetda 2 ta kafedra mavjud:

– Rus tili va uni o‘qitish metodikasi;
– Rus adabiyoti va uni o‘qitish metodikasi;

Rus tili va adabiyoti fakulteti dekani

Hasanov Eldar Rinatovich

Faoliyati: 2020-yil avgustdan

Telefon: +99893 304 13 65

Email: rus.lit.jspi@mail.ru

Qabul vaqti: Chorshanba, payshanba 09:00–16:00

Rus tili va adabiyoti yo‘nalish sifatida 1974-yilda o‘zbek tili va adabiyoti fakulteti negizida tashkil etilgan. 1977-1978 o‘quv yilidan boshlab esa rus tili va adabiyoti yo‘nalishi fakultet sifatida faoliyat yurita boshladi. Rus tili va adabiyoti fakulteti 1998 yildan 2020 yil avgust oyigacha Chet tillar fakulteti tarkibida bo‘lgan. 2020-yil avgust oyida Oliy va o‘rta maxsus ta’lim vazirligi buyrug‘i bilan Rus tili va adabiyoti fakulteti qayta tashkil etildi. Fakultetda 42 nafar professor-o‘qituvchilar faoliyat ko‘rsatmoqda, jumladan 1 nafar professor, 1 nafar fan nomzodi, 8 nafar dotsent, 8 nafar katta o‘qituvchilar va 24 nafar stajor. Hozirgi kunda fakultetda 800 dan ortiq talaba va 35 nafar magistrant tahsil olmoqda.

Rus tili va adabiyoti fakultetida «Debyut», «Iqtidorli talabalar markazi», «Notiqlik mahorati sirlari», “Rus tili o‘qituvchisi ustaxonasi” ilmiy-uslubiy to‘garaklar ishlab qelmoqda. Ular faoliyati talabalarning kasbiy faoliyatini yanada rivojlantirish, ularning madaniy va axloqiy o‘sishini yaxshilashga qaratilgan. Talabalarning ijodiy ishlari respublika va xalqaro miqyosda o‘tkazilgan konferensiya to‘plamlarida, jurnallarda, qolaversa, bir qancha gazetalarda chop etilgan.


Shu kungacha fakultet talabalari ko‘plab yutuqlarga erishib kelmoqda. 2 nafar talaba-yoshlar “Navoiy” nomidagi davlat, 1 nafar talaba Zulfiya nomidagi stipendianti bo‘lgan, 1 nafar talaba O‘zbekiston Yozuvchilar uyushmasi a’zosi. “Yosh kitobxon” tanlovining joriy yildagi respublika bosqichiga Musulmonova Xilola yo‘llanmani qo‘lga kiritgan. 2022 yil may oyida Oliy ta’lim muassasalarining bakalavr ta’lim yo‘nalishi talabalari o‘rtasida «Yangi O‘zbekistonni o‘zimiz, o‘z qo‘llarimiz bilan bunyod etamiz!» shiori ostida esselar tanlovining respublika bosqichida ishtirok etgan fakultetning 3-bosqich talabasi Yelena Navro‘zova «Ona tilim-joni dilim» nominatsiyasi bo‘yicha diplom bilan taqdirlandi.
Fakultetda “Niqob” nomli talabalar teatr-studiyasi faoliyat yuritib, har yili ikkitadan spektakl tayyorlash yo‘lga qo‘yilgan. “Unikumlar” nomli “Zakovat” intellektual jamoasi tashkil qilingan. “Adrenalin” nomli quvnoqlar va zukkolar jamoasi ham tashkil qilingan bo‘lib, bugun ko‘plab yutuqlarga erishib kelmoqda.