Xorijiy abituriyentlar uchun

 Jizzax davlat pedagogika institutiga imtihonlarsiz, suhbat asosida o‘qishga kirib, bakalavr darajasini olishni istaysizmi?

O‘zbekistondagi eng nufuzli institutlardan birida o‘qishni qo‘ldan boy bermang va hoziroq ro‘yxatdan o‘ting!

  • Xorijlik talabalar bepul va zamonaviy sharoitdagi yotoqxona bilan ta’minlanadi
  • Xohish va qiziqishga ko‘ra sport to‘garaklari va klublarida faol qatnashish mumkin
  • Institut kutubxonasida millionlab turdagi qiziqarli kitoblar mavjud
  • Dam olish va individual mashg‘ulotlar uchun qulay «Yoshlar shaharchasi» barpo etilgan

Batafsil ma’lumot uchun savollaringizni Jizzax davlat pedagogika institutining ko‘rsatilgan telefon raqamlariga yoki elektron pochta manziliga yuborishingiz mumkin.

 

Jizzax davlat pedagogika instituti haqida bilib qo‘yishingiz ma’qul bo‘lgan ma’lumotlar

 46 yillik tarixga ega ushbu institut sizning kelajakdagi maqsadlaringizga erishishingizda albatta yordam beradi

  • Jizzax davlat pedagogika instituti 1974-yil 26-iyulda tashkil topgan bo‘lib, hozirgi kunda institutimizda 10 ta fakultet, 32 ta kafedra mavjud
  • Institutimizda 27 bakalavriat yo‘nalishi kunduzgi bo‘limida 8000 ming nafar, 11 bakalavriat yo‘nalishi sirtqi bo‘limida 3361 nafar, 18 ta magistratura mutaxassisligi bo‘yicha 291 ta magistrant tahsil olib kelmoqda
  • 524 nafar Professor o‘qituvchilar o‘zlarida bor bilimni talabalarga ulashib kelmoqda

Qolaversa, institutda faollar zali, АRM, kutubxona, oshxona, talabalar turar joyi va sport maydonchalari ham ta’lim oluvchilar ixtiyorida.

 

Jizzax davlat pedagogika instituti ko‘plab xorijiy oliy ta’lim muassasalari bilan aloqalarni yaxshi yo‘lga qo‘ygan va bu hamkorlik rivojlanishda davom etadi

Chet el oliy ta’lim muassasalari bilan hamkorlikdagi ikki tomonlama diplom olish imkoniyati sizni albatta qiziqtirib qo‘yadi

  • Belarussiya davlat pedagogika universiteti bilan “3+1” qo‘shma dasturi asosida ikki tomonlama diplom olish imkoniyati
  • Baranovich davlat universiteti bilan “2+2” qo‘shma dasturi asosida ikki tomonlama diplom olish imkoniyati

Bundan tashqari, Moskva davlat pedagogika universiteti, Boshqirdiston davlat pedagogika universiteti, Boshqirdiston davlat universiteti, Rossiya yadro tadqiqotlari ilmiy markazi, Norvich (Buyuk Britaniya), Taraz davlat pedagogika universiteti (Qozogʼiston), Sankt-Peterburg Botanika ilmiy markazi ilmiy-tadqiqot instituti, Shimkent universiteti, INSHEA, Tula davlat pedagogika universiteti va Tomsk davlat universiteti kabi bir qator xorijiy OTMlar bilan xalqaro hamkorlik o‘rnatilgan.