Bu yil ham maktabni avvalgi yillarda tugatgan abituriyentlardan test sinovlarida ishtirok etishi uchun pul olinadi.

Xabaringiz bor, o‘tgan yilidan boshlab avvalgi yillarda tugatgan abituriyentlardan test sinovlarida ishtirok etishi uchun yarim «minimalka» miqdorida (101 ming so‘m) to‘lov undirish yo‘lga qo‘yilgan edi. O‘tgan yili ushbu tizim orqali abituriyentlardan 70 mlrd so‘mdan ko‘proq mablag‘ tushgani xabar qilingan edi.

Joriy yilda bu to‘lov 111,5 ming so‘m bo‘ladi. Taxminan 700 ming atrofida «eski abituriyentlar» hujjat topshirishi kutilmoqda.