sss
800 qizga OTMda o‘qish uchun grant

Qiyin ijtimoiy ahvoldagi, kam ta’minlangan, nogironligi bor a’zosi bo‘lgan oilalar qizlariga 800 ta alohida kvota ajratiladi. Bu 800 ta o‘rin faqat davlat granti asosida ajratilmoqda. Bu borada Mahalla va oilani qo‘llab-quvvatlash vazirligi bilan hamkorlikda ro‘yxat shakllantiriladi hamda tegishli nizom tayyorlanmoqda.

So‘x tumanida istiqomat qiluvchi bitiruvchilariga OTMlarga kirishda alohida 500ta davlat granti kvotasi berilgani haqida xabar bergan edik.

Respublika oliy ta’lim muassasalariga kirish uchun abituriyentlar amaldagi muddatda 15 iyundan 15 iyulgacha (shu kuni ham):

👉Yagona interaktiv davlat xizmatlari portali;

👉 Davlat test markazining rasmiy veb-sayti;

👉 Davlat xizmatlari markazlari orqali onlayn ro‘yxatdan o‘tkaziladi.

Bunda abituriyentlarga uydan chiqmagan holda mobil telefon (kompyuter) yordamida onlayn ro‘yxatdan o‘tish imkoniyati yaratiladi.

Oliy ta’lim muassasalariga qabul ko‘rsatkichlari ta’lim yo‘nalishlari va o‘qitish tili kesimida DTM hamda muayyan oliy ta’lim muassasasining rasmiy veb-saytlarida e’lon qilinadi.