E’LON!!!

O‘zbekiston Respublikasi Vazirlar Mahkamasining 2021-yil 2-martdagi №78-F sonli Farmoyishiga asosan joriy yilning 23 aprel kuni Jizzax davlat pedagogika institutida “Ta’limda zamonaviy axborot texnologiyalari” mavzusida Xalqaro ilmiy-amaliy anjuman o‘tkazish va ilmiy maqolalar to‘plamini chop etish  rejalashtirilgan.

 Anjumanga quyidagi sho‘balar bo‘yicha maqolalar qabul qilinadi:

  1. Kredit modul tizimida axborot texnologiyalaridan foydalanish
  2. Ta’limda raqamli dunyo imkoniyatlari
  3. Sun’iy intellekt va robototexnika
  4. Xorijiy tillarni o‘rganishda axborot texnologiyalarining o‘rni
  5. Dasturlash asoslarini o‘qitish, muammolar va yechimlar
  6. Ijtimoiy-gumanitar fanlarni o‘qitishda zamonaviy innovatsion axborot texnologiyalaridan foydalanish

Bu ilmiy maqolalar to‘plamiga professor-o‘qituvchilar, stajor-tadqiqotchilar, aspirantlar va magistrantlarning ilmiy ish natijalari, tezis, makolalar, shuningdek talabalar tomonidan BMI mazmuni aks etgan maqolalar qabul qilinadi. Barcha maqolalar Google Scholar bazasiga indeksatsiya qilinadi!

Maqolalarga qo‘yiladigan talablar:

Maqola hajmi to‘liq 5 betgacha, 1,5 intervalda (chapdan 2,5 sm, yuqoridan 2,5 sm, quyidan 2,5 sm, o‘ng tomondan 2,5 sm, varaq bichimi A4 formatda, 210x297mm), Microsoft Word muharririda, matnlar Times New Roman, 14 o‘lchamli shriftda. Mavzu bosh harflarda qoraytirilib, varaqning o‘rtasiga yoziladi, keyingi qatorlarga muallifning ismi-sharifi, ilmiy darajasi yoki ilmiy unvoni, ish joyi qavs ichida, kursiv holatda yoziladi, konferensiya sho‘basi, telefon raqami va annotatsiya ko‘rsatiladi, saqlashda sho‘ba raqami va muallif familiyasi yoziladi. (Masalan: 1.Axmedov.docx).

Maqola matni ilmiy, texnik va stilistik tahrir qilingan bo‘lishi kerak. Shu bilan birga, tashkiliy qo‘mita maqolani taqrizga taqdim etishi va taqriz natijalari asosida maqolani chop etish masalasi bo‘yicha tegishli qarorga kelishi mumkin.

Maqoladagi ma’lumotlar, faktlar va statistikalarning to‘g‘riligiga mualliflar mas’uldir. Maqolada albatta jadval (chizma yoki rasm)lar manbalari aniq ko‘rsatilishi, qisqartma so‘zlarga izoh berilishi lozim. Maqola ichidagi havolalar “[1]” kabi tartibda belgilanadi. Maqola so‘ngida foydalanilgan adabiyotlar foydalanish ketma-ketligi bo‘yicha yozilishi kerak. Yuqoridagi talablarga javob bermaydigan maqolalar tashkiliy qo‘mita tomonidan ko‘rib chiqilmaydi va to‘plamga kiritilmaydi.

Barcha ro‘yxatdan o‘tgan konferensiya ishtirokchilari elektron manziliga tezis va to‘lovlar tasdiqlangandan so‘ng 6 ish kunidan so‘ng ro‘yxatdan o‘tganligi haqidagi axborot jo‘natiladi, ayrim sabablar bilan axborot jo‘natilmay qolsa, tashkiliy qo‘mita bilan bog‘laning. Maqolalar o‘zbek, ingliz va rus tillarida qabul qilinadi.

Har bir ishtirokchi uchun halqaro standartlar asosida qatnashuvchi sertifikati va to‘plamning elektron varianti bepul taqdim etiladi.

Ma’sullar: Jomurodov Do‘stmurod, Ergashev Tolibjon

-ma’lumot uchun tel: +99893-291-20-12, +99899-525-67-99

-materiallarni telegramm orqali: @Dustmurod  yoki  +99899-525-67-99 raqamiga,

e-mail orqali: conference2021@internet.ru manziliga yuborish mumkin.

Anjumanning ishchi tili: o‘zbek, rus va ingliz

Muddat: Anjuman uchun taqdim etiladigan materiallar 2021 yilning 15 aprel kuniga qadar qabul qilinadi, tezislar to‘plami bosma va elektron   ko‘rinishda chop etiladi.

Har bir taqdim etilgan maqola uchun 50 000 (ellik ming) so‘m to‘lanadi.

To‘lov uchun plastik karta raqami: 8600 0210 2582 7687 (Jomurodov Do‘stmurod)

To‘lovni tasdiqlash uchun to‘lov to‘g‘risidagi ma’lumot (skrinshot) yuborishingiz so‘raladi;