Zukko kitobxonlar intyellyektual o‘yini

“Kamolot” yoshlar ijtimoiy harakati viloyat Kengashi tomonidan joriy yilning 10 aprel kuni Jizzax Davlat pedagogika institutida, Jizzax Politexnika institutining “Yosh bilimdonlar” hamda Jizzax Davlat pedagogika institutining “Zukkolar” jamoalari o‘rtasida “Zukko kitobxon” intellektual o‘yini tashkil etildi.

kam3Musobaqada “Kamolot” yoshlar ijtimoiy harakati Jizzax viloyat Kengashi raisi O.Shukurov so‘zga chiqib, “Zukko kitobxon” intellektual o‘yini yoshlarni dunyoqarashi va fikrlash doirasini kengaytirish, ma’naviy barkamol shaxs bo‘lib voyaga yetishishlariga ko‘maklashish, ularni kitob o‘qishga bo‘lgan qiziqishlarini yanada oshirish hamda o‘zbek va jahon adabiyotining sara asarlariga mehr uyg‘otish maqsadida tashkil etilganligi xaqida gapirib o‘tdi. So‘zi so‘ngida jamoalarga omad tilagan holda musobaqani ochiq deb e’lon qildi.kam2

“Zukko kitobxon” intellektual o‘yinida ishtirok etgan yoshlar soni jami 200 nafarni tashkil etdi.

Jamoalar;

  1. Islom Karimovning-Yuksak ma’naviyat-engilmas kuch
  2. O‘tkir Xoshimovning-Ikki eshik orasi
  3. Artur Konan Doylning-Sherlok Xolms va doktor Uatsonning sarguzashtlari
  4. Antuan de Sent-Ekzyuperining-Kichkina shahzoda
  5. Abdulla Qahhorning-Muhabbat
  6. Abdulla Qodiriyning-O‘tkan kunlar
  7. Mixail Lermontovning-Zamonamiz qaxramoni
  8. Ernest Xeminguyeyning-Chol va dengiz
  9. Asqad Muxtorning-Chinor
  10. Paulo Koeloning-Alkimyogar asarlaridan iborat kitoblarni mutolaa qilgan holda ishtirok etdilar.

Xakamlar hay’ati tomonidan baxolangan natijalarga ko‘ra, Jizzax Politexnika institutining “Yosh bilimdonlar” jamoasi 6 ball, Jizzax Davlat pedagogika institutining “Zukkolar” jamoasi 10 ball to‘pladi va g‘oliblikni qo‘lga kiritdi. G‘olib jamoa “Zukko kitobxon” intellektual o‘yinining Respublika bosqichida ishtirok etishga yo‘llanma oldi.

“Zukko kitobxon” intellektual o‘yini yakunida “Kamolot” yoshlar ijtimoiy harakati viloyat Kengashi tomonidan esdalik sovg‘alar, faxriy yorliqlar va qimmatbaho sovg‘alar bilan taqdirlandi.