“Yangi adabiyotlar sizlar uchun” nomli adabiyotlar ko‘rgazmasi va “Ta’lim muassasalarining axborot-resurs markazlari faoliyatida zamonaviy texnologiyalar asosida axborot xizmatlari ko‘rsatishni takomillashtirish” mavzusida o‘quv-amaliy seminar bo‘lib o‘tdi

 Joriy yilning 31 yanvar kuni Jizzax davlat pedagogika instituti axborot- resurs markazida O‘zbekiston Respublikasi birinchi Prezidenti I.A.Karimovning buyuk siymosini xotirlash hamda O‘zbekiston Respublikasi Prezidentining 2017 yil 12 yanvardagi F-4789 –sonli farmoyishining ijrosini ta’minlash maqsadida “Yangi adabiyotlar sizlar uchun” nomli adabiyotlar ko‘rgazmasi va “Ta’lim muassasalarining axborot-resurs markazlari faoliyatida zamonaviy texnologiyalar asosida axborot xizmatlari ko‘rsatishni takomillashtirish” mavzusida o‘quv-amaliy seminar bo‘lib o‘tdi. Mazkur seminar institut axborot- resurs markazi va Akademik litsey va kasb-hunar kollejlari bilan ishlash bo‘limi  hamkorligida tashkil etildi.   Tadbirda axborot- resurs markazi xodimlari,  Jizzax viloyat televideniyasi, Akademik litsey va kasb- hunar kollejlari bilan ishlash bo‘limi xodimlari hamda AL va KHK axborot-resurs markazi rahbarlari qatnashdilar.

1

            Tadbirni institut ARM direktori R. Ishnazarova  kirish so‘zi bilan ochib berdi. So‘ngra, O‘zbekiston Respublikasi birinchi Prezidenti I.Karimovning buyuk siymosini xotirlash maqsadida u kishining mustaqil O‘zbekiston hayotida tutgan o‘rni to‘g‘risidagi videolavha namoyish etildi.

2

            Shundan so‘ng, Akademik litsey va kasb- hunar kollejlari bilan ishlash bo‘limi boshlig‘i A.Rahmatullaev viloyatdagi ta’lim muassasalari axborot-resurs markazlarining institut axborot- resurs markazlari bilan hamkorlik munosabatlari to‘g‘risida to‘xtalib, “O‘zbekiston Respublikasi Prezidentining 2017 yil 12 yanvardagi F-4789 –sonli farmoyishining ijrosini ta’minlash to‘g‘risida”gi  Oliy va o‘rta maxsus ta’lim vazirligining 2017 yil 16 yanvardagi 19-sonli buyrug‘ining ijrosini  ta’minlash borasida kitob mutolaasi va kitobxonlik madaniyatini oshirish hamda targ‘ibot qilish bugungi kundagi asosiy vazifamiz ekanligini ta’kidladi.

3

            Tadbirda ARM xodimasi S.Isroilova “ARMlarning bibliografiya ishlarini zamonaviy texnologiyalar asosida tashkil qilish” to‘g‘risida,  ARM muhandis -dasturchisi A. Karomatov “ARMda zamonaviy texnologiyalar asosida axborot xizmatlarini joriy etish masalalari” to‘g‘risida ma’ruza qildi. Ishtirokchilar o‘zlarini qiziqtirgan savollarga javob oldilar va ARMda ARMAT, NVDA va  KVANT dasturlarining ish faoliyati bilan  yaqindan tanishdilar.

4

             “Yangi adabiyotlar sizlar uchun” adabiyotlar ko‘rgazmasida viloyatdagi Akademik litsey va kasb-hunar kollejlari o‘qituvchi-o‘quvchilari, institut professor- o‘qituvchilari hamda talabalari ishtirok  etishdi.