Institut qoshidagi akademik litseylar

«Sayiljoy» akademik litseyi


Jizzax Davlat Pedagogika Instituti qoshidagi «Sayiljoy» akademik litseyi O’zbekiston Respublikasi Oliy va O’rta maxsus ta’lim Vazirligining 30-aprel 2001 yil №96 sonli buyrug’i bilan tashkil etilgan. 
«Sayiljoy» akademik litseyida 4 ta o’qitish yo’nalishi bo’yicha 39 ta guruhda o’quv mashg’ulotlari olib boriladi. Hozirgi kunda litseyda 1205 nafar o’quvchi ta’lim olmoqda. 
Akademik litseyda 89 nafar malakali o’qituvchilar o’quvchilarga ta’lim berib kelmoqdalarda. Jumladan, ularning 2 nafari ilmiy darajali xodimlar, 19 nafari bosh o’qituvchilar, 10 nafari yetakchi o’qituvchilardir. 2008 yilda liseyning 8 nafar yosh mutaxassislari, 2009 yilda esa 8 nafari magistr darajasini oldilar. Akademik lisey o’qituvchilarining o’rtacha yoshi 30 yoshni tashkil etadi. Lisey ma’muriyati vasiy oliy o’quv yurtlari hisoblangan Jizzax Davlat Pedagogika Instituti va Jizzax politexnika instituti bilan hamkorlikni yo’lga qo’ygan. Viloyatdagi oliy o’quv yurtlaridagi turdosh kafedralar bilan hamkorlik shartnomalari imzolangan bo’lib, liseyda «Tabiiy fanlar», «Xorijiy tillar», «Aniq fanlar» va «Ijtimoiy gumanitar fanlar» kafedralarining filiallari tashkil etilgan. 
Barcha o’quv xonalari zamon talablari asosida jihozlangan. 3 ta informatika mavjud bo’lib, internet tarmog’iga ulangan. Fizika, kimyo, biologiya o’quv xonalari Janubiy Korea hukumati krediti asosida olingan jihozlar bilan jihozlangan bo’lib, o’quvchilar fanlardan laboratoriya mashg’ulotlarida to’liq foydalanib, o’z bilimlarini oshirib kelmoqdalar. Mashg’ulotlar rejaga asosan o’tkazib kelinmoqda. Temurov Saxob (fizika), G’ulomov G’ofir (Kimyo), Bakirova Dilorom va Normatova Marxabo (Biologiya) lar tomonidan barcha laboratoriya ishlarini bajarish yo’riqnomalari tayyorlangan. 
Akademik litseyda ma’naviyat va ma’rifat xonasi jihozlangan. Ma’naviyat va ma’rifat xonasida Respublika va viloyat nashriyotlaridan chop etilayotgan ro’znomalar va jurnallardan o’qituvchi hamda o’quvchilar foydalanib kelishadi. Akademik litseyda yoshlar o’rtasida jinoyatchilikning oldini olish bo’yicha Shahar ichki ishlar bo’limi, prokurotura hamda maxalla faollari bilan birgalikda muntazam ravishda suhbatlar o’tkazib kelinmoqda. 
Akademik litseyda o’quvchilarning jismonan baquvvat, sog’lom bo’lishlari uchun yetarli darajada sport anjomlari bilan ta’minlangan 2 ta sport zali mavjud. O’quvchilarning bo’sh vaqtlarini mazmunli o’tkazish uchun sportning voleybol, basketbol, shahmat, shahshka, yengil atletika to’garaklari tashkil etilgan. Akademik litseyda 200 o’rinli talabalar turar joyi mavjud.

Ko'rishlar soni(548)