Maktabgacha va boshlang‘ich ta’lim fakultet

Boshlang’ich ta’lim pedagogikasi fakulteti dekani

7

Usmanov Nizamiddin Utaevich

Faoliyati: 2015 yildan:
Telefon: 8(372) 226-26-70
Faks:8(372) 226-59-94
Email:rabbimov60@inbox.uz


Fakultet 1974 yili o’zbek tili va adabiyoti fakultetining bo’limi sifatida ish boshladi. 1976-84 yillar mobaynida fakultetga dotsent X.Jurayev, 1984-1989 yillar dotsent B.T.Toshmurodov, 1989-1997 yillar dotsent H. Meliyev, 1997-2012 yillar esa professor To’raqulov X.A. , 2012 – 2014 yillar dotsent M.T. Rabbimov, 2014 – yil sentyabr oyidan  Ahmedov Furqat Qo’ldoshevich rahbarlik qilib kelmoqda.

Hozirgi kunda Boshlang’ich ta’lim pedagogikasi fakultetida 5111700 – Boshlang’ich ta’lim va sport tarbiyaviy ish yo’nalishi bo’yicha 946 nafar talaba tahsil olayotgan bo’lib, ulardan 312 nafari davlat granti asosida, 634 nafari esa, to’lov-shartnoma asosida tahsil oladi. Fakultetda 3 ta kafedra faoliyat ko’rsatib kelmoqda. Bular: “Boshlang’ich ta’lim nazariyasi va amaliyoti” kafedrasi, “Umumiy pedagogika” kafedrasi va “Umumiy psixologiya” kafedralari bo’lib, ularda 66 nafar professor-o’qituvchilar faoliyat ko’rsatib kelmoqda.

Fakultetda 6 nafar fan doktori va 15 nafar fan nomzodlari bor. So’nggi 3 yilda fakultetning ilmiy salohiyati 25 % dan 35 % ga o’sdi.

Fakultet tasarrufidagi 3 ta kafedrada ustuvor yo’nalishlar belgilangan bo’lib, kafedralarning professor-o’qituvchilari shu yo’nalishlar doirasida ilmiy-tadqiqot hamda ilmiy-uslubiy ishlar olib bormoqdalar. Jumladan, Boshlang’ich ta’lim nazariyasi va amaliyoti kafedrasining ilmiy-tadqiqot faoliyatining ustuvor yo’nalishi: “Boshlang’ich sinflarda o’qitiladigan fanlarning dolzarb muammolari va ularning ilmiy-uslubiy asoslari”, Umumiy psixologiya kafedrasining ilmiy-tadqiqot faoliyatining ustuvor yo’nalishi: “Psixologiya fanining dolzarb muammolari va psixologlarning kasbiy sifatlarini yuksaltirish”, Umumiy pedagogika kafedrasining ilmiy-tadqiqot faoliyatining ustuvor yo’nalishi: “Ta’lim tarbiya jarayonida xalq pedagogikasidan foydalanish” deb nomlangan.

Fakultetning professor-o’qituvchilari ishtirokida so’nggi 3 yilda 3 ta darslik yaratildi: Pedagogika (pedagogika nazariyasi va tarixi, I qism. – Toshkent: Fan va texnogiyalar nashriyoti, 2010. – 436 bet.); Pedagogika  (pedagogika nazariyasi, didaktika, II qism. – Toshkent: Fan va texnogiyalar nashriyoti, 2011. – 280 bet.); Pyedagogika (pyedagogika nazariyasi va tarixi – Toshkyent: Noshr nashriyoti, 2011. – 456 byet.).  Ushbu darsliklarning mualliflari professor X.A. To’raqulov, dosent N.U.Usmonov “Yilning eng yaxshi darsligi va o’quv adabiyoti muallifi” respublika tanlovining g’olibi deb topildi va Oliy va o’rta maxsus, Xalq ta’limi vazirliklari hamda “Iste’dod” jamg’armasining I darajali diplomi bilan taqdirlandi (qayd raqami 002). Ushbu diplom Oliy va o’rta maxsus ta’lim Vaziri B.Yu.Xodiyev tomonidan 12-yanvar 2013 yilda topshirildi.

Fakultetda ijobiy an’anaga aylangan “Fan, ta’lim, amaliyot” majmuasi bo’yicha har yili professor-o’qituvchilar va iqtidorli talabalarning ilmiy-uslubiy to’plamlari chop etilmoqda. So’nggi uch yil mobaynida majmuaning 4-6 chiqishi chop ettirildi. Unga professor-o’qituvchilar bilan birgalikda iqtidorli talabalarning ilmiy ishlar natijalari kiritilgan.

Fakultetga qarashli o’quv xonalari zamonaviy o’quv jihozlari bilan talab darajasida ta’minlangan. Jumladan, fakultetda 1 ta kompyuter sinfi mavjud bo’lib, u internet tarmog’iga ulangan. O’nta o’quv xonalari videoproyektor va uchta o’quv xonasi zamonaviy televizorlar bilan ta’minlangan. Bu esa, professor-o’qituvchilar va talabalarning dars jarayoniga hamda ilmiy-tadqiqot ishlarini olib borishiga ko’maklashmoqda.

Fakultetda iqtidorli talabalar bilan olib borilgan ishlar o’z samarasini ko’rsatmoqda. Natijada,  fan to’garaklarining faol a’zolaridan 3 nafar talaba Alisher Navoiy nomidagi Davlat stipendianti sovrindori bo’ldi. Ular:

Xolmo’minova Bahora (20.10.2010, №36, guvohnoma O’zbekiston Respublikasi Oliy va o’rta maxsus ta’limi Vazirligining 2010 yil 20 oktyabridagi 406-sonli buyrug’i bilan berilgan) .

Zulfiqorov Ixtiyor (25.09.2012, №40, guvohnoma O’zbekiston Respublikasi Oliy va o’rta maxsus ta’limi Vazirligining 2012 yil 24 sentyabridagi 382-sonli buyrug’i bilan berilgan)

Yo’ldoshev Farhod (4.10.2013, №3/46, guvohnoma O’zbekiston Respublikasi Oliy va o’rta maxsus ta’limi Vazirligining 2013 yil 30 sentyabridagi 366-sonli buyrug’i bilan berilgan).

So’nggi uch yilda  fakultetda  4 ta darslik,  16 ta o’quv qo’llanma,  4 ta monografiya, 42 ta o’quv-uslubiy qo’llanma chop etilgan. Fakultet professor-o’qituvchilari Respublika miqyosidagi, Oliy attestasiyasi komissiyasi tasarrufiga kiruvchi jurnallarda 82 ta ilmiy maqolalar,  Respublika va mintaqa miqyosidagi ilmiy-amaliy konferensiyalarda 270 dan ortiq ilmiy maqola va tezislar, Xalqaro jurnal va xalqaro konferensiyalarda 30 dan ortiq ilmiy tadqiqot ishlari bilan ishtirok etgan.

So’nggi uch yilda fakultetda faoliyat yuritayotgan quyidagi o’qituvchilar o’zlarining nomzodlik dissertasiyalarini himoya qildilar: 14.12.2010 yilda umumiy pedagogika kafedrasi stajyor tadqiqotchi-izlanuvchisi Jumanazarova Dilnoza Umrzoqovna o’z muddatida “Xalq dostonlari asosida o’quvchilarni ma’naviy-axloqiy tarbiyalashning pedagogik asoslari” mavzusida, 24.05.2011 yilda umumiy psixologiya kafedrasi o’qituvchisi Atamurodova Rohila Qarshiyevna 13.00.02 – Ta’lim va tarbiya nazariyasi va metodikasi ixtisosligi bo’yicha “O’quvchilarda yuksak tuyg’ularni shakllantirishning ilmiy pedagogik va metodik xususiyatlari (adabiy ta’lim jarayonida shoir A.Oripov ijodini o’rgatish misolida)” mavzusida, 02.12.2011 yilda boshlang’ich ta’lim nazariyasi va amaliyoti kafedrasi o’qituvchisi Ibragimova Fazilat Erkinovna 10.02.02.-Milliy tillar (O’zbek tili) ixtisosligi bo’yicha “Badiiy matnda ellipsis va antiellipsis” mavzusida, 16.12.2011 yilda umumiy pedagogika kafedrasi o’qituvchisi To’raqulova Iroda Xolbo’tayevna 13.00.01 – Pedagogika nazariyasi va tarixi ixtisosligi bo’yicha “Talabalarning ma’naviy – immunologik tarbiyasini takomillashtirish texnologiyalari (Pedagogika turkumidagi fanlarni o’qitish misolida)” mavzusida nomzodlik dissertatsiyasini muvaffaqiyatli himoya qildilar.

Ko'rishlar soni(314)