Tasviriy san’at va muhandslik grafikasi kafedrasi

Kafedra 2001 yil 12-iyunda institut Ilmiy    Kengashining qarori bilan tashkil etildi.  Kafedrada dastlabki o’quv yilida 2 katta o’qituvchi (P.Xudoyberdiyev, A.Umirov) va 3 o’qituvchi (K.Yusupov, T.Oltmishev va O.Narziyev) bilan ish boshladi. Kafedraga katta o’qituvchi P.Xudoyberdiyev mudirlik qildi. 2003-2004 o’quv yiliga kelib talabalar soni  ko’payganligi bois professor-o’qituvchilar  safiga  o’qituvchilari  X.Sangirov va U.Abdirazzoqovlar kelib qo’shildi.

           2004-2005 o’quv yiliga kelib,  kafedra “Ishlab chiqarish asoslari” kafedrasi bilan birlashtirilib,  “Tasviriy san’at va ishlab chiqarish asoslari” deb nomlandi. Dosent R.Umarov kafedra mudiri etib tasdiqlandi.Shu yili  kafedraga “Kitob grafikasi” magistri B.O’taboyev, “Amaliy san’at” kasbiy ta’lim magistri O. Boymirzayeva va “Tasviriy san’at, chizmachilik va mehnat” o’qituvchisi R.Esanovlar ishga qabul qilindi.

         2007-2008 o’quv yilida kafedraga T.N.Qori – Niyoziy nomidagi O’zPFITI kunduzgi bo’lim doktoranturasi bitiruvchisi,  pedagogika fanlari nomzodi Kamolitdin Zoyirov kafedra dosenti lavozimiga ishga taklif etildi.

         2009 yil  Institut ilmiy Kengashining №1(23.09.2009 y.)-sonli qarori bilan kafedra qayta tashkil etilib, “Tasviriy san’at va muhandislik grafikasi” deb nomlandi. Dosent K.A.Zoyirov kafedra mudiri  etib tayinlandi. Kafedra  katta o’qituvchilar: P.Xudoyberdiyev, A.Umirov, X.Sangirov, o’qituvchilar: T.Oltmishev, O.Boymirzayeva, R.Esonov,  B.O’taboyevlardan iborat tarkibda tasdiqlandi.

         Ayni vaqtda kafedrada 9 nafar professor-o’qituvchi ta’lim-tarbiya olib bormoqdalar. Shundan 2 nafari fan nomzodi, dosent, 3 nafari katta o’qituvchi va 4 nafari o’qituvchilardir. Kafedrada 20 ta o’quv fani bo’yicha ta’lim-tarbiya olib borilishi bilan birgalikda  ilmiy tadqiqot ishlari ham olib borilmoqda. Kafedra professor-o’qituvchilari tomonidan  badiiy-grafik ta’lim muammolari bo’yicha 100 dan ortiq ilmiy-uslubiy ishlar nashr etilgan. Jumladan  20 dan ko’proq o’quv-uslubiy qo’llanma va uslubiy tavsiyanomalar tayyorlangan. 9 marta Xalqaro(Moskva(2005), Almati(2006), Minsk(2007), Samarkand (2008), Chistopol(2009)   ilmiy-nazariy konferensiyalarda ma’ruza materiallari chop etilgan. Kafedra professor-o’qituvchilari  “Uzluksiz ta’lim tizimida badiiy-grafik ta’limning shakl, metod va vositalarini takomillashtirish” mavzusi doirasida  ilmiy-tadqiqot ishlarini olib bormoqdalar. Jumladan, dosent K.A.Zoyirov, katta o’qituvchilar Pardaboy Xudoyberdiyev,  Abdinazar Umirov va o’qituvchi Ro’zimurod Esonovlar  badiiy-grafik ta’lim va kompyuter grafikasi ta’limi muammolari bo’yicha dissertasiya tadqiqotlari olib bormoqdalar.

         Kafedra qoshida “Rassomchilikr” va “Dizayner” to’garagi faoliyat ko’rsatmoqda. To’garakning faol a’zolaridan 2011 o’quv yilida 2- bosqich talabasi Shohida Mahkamova  “Chizma geometriya va chizmachilik” fani bo’yicha, 3-bosqich talabasi Asqar G’afforov “San’at tarixi  va nazariyasi” fani bo’yicha  Respublika Talabalar fan olimpiadasida faxrli III o’rinlarni, 2012 yilda 3-bosqich talabasi Murod Abduzoirov “Tasviriy san’at fanlari va uni o’qitish metodikasi” fani bo’yicha Respublika Talabalar fan olimpiadasida faxrli 2-o’rinni egallab Oliy va o’rta maxsus ta’lim vazirligining diplomlari bilan taqdirlandilar.

            2015 yilda 3-bosqich talabasi Shahlo Ropieva faxrli 3-o’rinni egallab, 3-darajali diplom bilan taqdirlandi.

Ko'rishlar soni(504)