Tasviriy san'at va mehnat ta'limi

Tasviriy san’at va mehnat ta’limi fakulteti dekani

Кушаков Абдумумин Ахматович

Faoliyati: 2014 yil 2 sentyabrdan:
Telefon: 8(372)
Faks:8(372) 226-59-94
Email:


Fakultet institut ochilgan davrda, ya’ni 1974 yilda matematika Fakulteti tarkibida bo’lgan.
1977 yilning aprel oyida bu ikki Fakultet mustaqil ravishda o’z faoliyatini boshladilar.

Fakultetni turli yillarda S.R.Fayziyev, B.Sultonov, S.Sidiyarov, A.Nomozov, G.Qudratov, X.To’raqulovlar boshqarganlar. 1997 yildan boshlab mazkur Fakultetni i.f.n. dotsent S.Usmonov boshqarmoqda. Fakultet tashkil topgan vaqtda “Umumiy texnika fanlari” va “Umumiy fizika” kafedralari bo’lgan bo’lsa, bugungi kunda Fakultetda uchta kafedra mavjud. Unda 40 ga yaqin professor-o’qituvchilar, 10 ga yaqin texnik xodimlar talabalarga ta’lim-tarbiya berish jarayonida xizmat qilmoqdalar. Fakultetda shu yillar davomida 7 nafar professor, fan doktorlari, 20 dan ortiq fan nomzodlari va dotsentlar faoliyat ko’rsatdi. Ulardan U.Nishonaliyev, N.Shodiyev, B.Berkinov, R.Ubaydallayev, Xo’jaboyev, X.To’raqulov, O’.Tolipov singari yetuk olimlarni faxr bilan eslash mumkin.

Fakultet kunduzgi bo’limini hozirgacha 2200 va maxsus sirtqi bo’limini 2000 dan ortiq talaba tugatgan.

2007 yildan boshlab Fakultet “Fizika-matematika” Fakulteti tarkibidagi bo’lim sifatida faoliyat ko’rsatdi.

O’zbekiston Respublikasi Xalq ta’limi Vazirligining 2011 yil 30-maydigi 02-1550 sonli xati hamda institut Ilmiy Kengashining 2011 yil 23-martdagi 6-sonli qaroriga asosan “Fizika-matematika” Fakulteti tarkibidan ajralib, “Tasviriy san’at va mehnat ta’limi” Fakulteti sifatida faoliyat ko’rsatmoqda. Fakultet dekani Rabbimov Muzraf Tuxtaevich.

Bugungi kunda Fakultet jamoasi  O’zbekiston Respublikasining “Ta’lim to’g’risida”gi Qonun va “Kadrlar tayyorlash milliy dasturi”, DTS talablari asosida ish olib bormoqda. Fakultetda  470 dan ortiq talaba ta’lim olmoqda. Fakultetda bugungi kunda byudjetdan tashqari pul topish uchun turli to’garaklar va kurslar ishlab turibdi. Fakultetdagi “Yosh duradgor”, “Bichish-tikish va konstruksiyalash”, “Oziq-ovqat va maishiy xizmat”, “O’ymakorlik” to’garaklariga yuqori malakali o’qituvchi va ustalar rahbarlik qilmoqda. To’garaklarda 50 dan ortiq talaba doimiy ravishda shug’ullanadilar. Fakultetda ta’limni ishlab chiqarish bilan bog’lash maqsadida “Ishlab chiqarish amaliyoti” Makrkazi tashkil etilgan.

Fakultet qoshida 2001 yil o’quv yilidan boshlab “Tasviriy san’at va muhandislik grafikasi” kafedrasi ish boshladi. Bu kafedrada 5 ta professor-o’qituvchi talabalarga ta’lim bermoqda.

Fakultetni bitirib chiqqan talabalar mehnat ta’limi o’qituvchisi va tasviriy san’at va muhandilik grafikasi o’qituvchisi mutaxassislik diplomini olishadi.

Shuningdek, bitiruvchi kurs talabalariga duradgorlik, o’ymakorlik, bichish-tikish va oziq-ovqat tayyorlash ustasi nomli sertifikatlar berilmoqda.

Hozirgi kunda Fakultet tarkibida faoliyat ko’rsatayotgan “Ishlab chiqarish amaliyoti markazi”ni takomillashtirish maqsadida mavjud 3 ta kafedra hamkorligida maishiy xizmat yo’nalishida avtomobilllarga xizmat ko’rsatish va avtomobilь haydovchilarini tayyorlash yo’nalishida hamda yog’ochga va metallga ishlov berish yo’nalishlarida naqqoshlik, o’ymakorlik, rassomlik va dizayn yo’nalishida iqtidorli talabalarni jalb qilgan holda o’quv-amaliy shaxobchalarni ochish mo’ljallanmoqda. Bu esa kelajakda talabalarimizning maishiy xizmat korxonalarida ishlashiga avtomobilьlarga xizmat ko’rastish ustasi va haydovchilik guvohnomasini olishiga duradgor, chilangar, naqqosh, o’ymakor, rassom, kichik dizaynchi hunarga ega bo’lishida imkoniyat yaratadi.

Avtomobil yo’nalishi bo’yicha ta’lim olayotgan talabalarga shafyorlik guvohnomalari ham berilmoqda.

Ko'rishlar soni(241)