Tarix

Tarix fakulteti dekani

Abduholiqov Safar

Faoliyati: 2015 yil 15 avgustdan

Telefon: 0(372) 226-40-58
Faks:  0(372) 226-59-94
Email:


Tarix mutaxassisligi 1995 yil «O’zbek tili va adabiyoti» fakul’teti qoshida alohida guruh, so’ngra bo’lim etib tashkil etilgan. 1999-2000 o’quv yildan boshlab Tarix mustaqil fakultet sifatida faoliyat ko’rsata boshlagan. Unga dastlab dotsent A.Botirov bo’lim boshlig’i (1995-1999 yillardan), so’ngra dotsent E.Xolbo’tayev (1999-2006 yillar), dotsent A.Xotamov (2006-2008 yillar), o’qituvchi Z.Xolboyev (2008 yil sentyabrdan 2009 yil yanvar) yillarda dekan sifatida rahbarlik qilgan. 2009-2010 yillarda yillarda fakultetni dotsent B.M.Mirkomilov boshqargan. Hozirgi kunda fakultetga Goziyev Siroj Xoshimovich rahbarlik qilmoqda.

Fakultetda ikkita yo’nalish bo’yicha kadrlar tayyorlanmoqda..

– 5140600 – Tarix.

– 5141500 – Milliy istiqlol g’oyasi, huquq va ma’naviyat asoslari.

Bugungi kunda fakultetda 14 ta o’quv xonasi, ko’chma muzey hamda ma’naviyat xonalari faoliyat ko’rsatmoqda. Fakultetda hozirda to’rtta kafedra faoliyat olib bormoqda.

Ular quyidagilar:

  1. «Ijtimoiy fanlar» kafedrasi – kafedra mudiri. f.f.d. B.Ochilova.
  2. «Tarix o`qitish metodikasi» kafedrasi – kafedra mudiri dots. Amanullayev A.
  3. «Milliy istiqlol g’oyasi huquq va ma’naviyat asoslari» kafedrasi –kafedra mudiri dots. G`oziyev S

Tarix fakultetida hozirgi kunda jami 663 ta talaba tahsil olmokda. Ulardan 157 talaba grant, 506-talaba shartnoma to’lov asosida tahsil olishadi. Talabalarning 519 tasi o’g’il bolalar, 144 tasi qizlardan iborat bulib, 309 ta talaba tarix yunalishida, 354 talaba Milliy istiqlol g’oyasi, xuquq va ma’naviyat asoslari yunalishida tahsil olishmoqdalar.

Bugungi kunda fakultet bitta (13 ta kompyuter) xonasi 17 ta o’kuv xonasi, Ma’naviyat xonasi, Ko’chma muzey hamda kafedralar joylashgan xonalardan iborat bazaga ega. Fakultet qoshida 4 ta kafedra faoliyat ko’rsatmokda. O’zbekiston tarixi (kafedrasi mudiri t.f.n. dos. M.Pardayev), Umumiy tarix (kafedrasi mudiri vazifasini bajaruvchi t.f.n. dos. A.Boltayev), Ijtimoiy fanlar (kafedrasi mudiri. f.f.d. B.Ochilova), Milliy istiqlol g’oyasi huquq va ma’naviyat asoslari (kafedrasi mudiri vazifasini bajaruvchi, o’qituvchi T.Hamroqulov) kafedralaridan iborat bulib, ushbu kafedralarda fakultet talabalariga 60 dan ortiq professor-o’qituvchilar fan asoslaridan ta’lim berishmokdalar. Ularning uchtasi fan doktori, 20 dan ortig’i fan nomzodi, dotsent va qolganlari katta o’qituvchi va o’kituvchilardir fakultet o’kituvchilaridan 3 tasi doktorlik ishini himoya qilish arafasida. Tarix fakultetida fan asoslaridan tahsil berayotganlardan t.f.d. prof F.A.Axmedshina, falsafa fanlari doktori B.M.Ochilova, O’zbekistonda xizmat ko’rsatgan fan arbobi R.R.Nurqulova hamda t.f.n. dotsentlar B.Mirkomilov, M.Pardayev, A.Pardayev, B.Boltayev, A.Xolmurodov, f.f.n. dotsentlar F.Mamatqulov, Z.Bozorboyeva, A.Xotamov, J.Norbekov, M.Xoshimxonov kabi olimlarimiz hamda A.Aripov, I.Abdusaidova, Z.Qosimova, S.Nazarqosimov, Yo.Turopov, F.Toshboyev, B.Toshboyev, B.Ergasheva, Z.Mirkomilova, N.Mirkomilova, Z.Xolboyev, A.Majidov kabi tajribali o’qituvchilar faoliyat ko’rsatishmoqda.

Tarix fakultetida faoliyat kursatayotgan: B.M.Ochilova «Hozirgi davr: gepolitik maqsadlar va mafkuraviy kurash». T.Fan. 2009, «Milliy – ma’naviy yuksalishida meros, qadriyatlar va vorisiylik» T.istiqlol. 2009 y F.f.n. dotsent Xoshimxonov M: «Umumta’lim maktablari va akademik liseylarda Abdulla Qodiriy, Abdulhamid Cho’lpon, Abdurauf Fitrat asarlarini o’rganish» T. 2006 yil. Boborahim Mashrab hayoti va ijodiy faoliyati» Toshkent 2007 y. «Ma’naviyat Lug’ati» Toshkent 2007 y, «Milliy uyg’onish va Abdulla Oripov sheriyati T. 2007 y.,» «Mashrabi mo’tabar O’zim» (I-II-III jilddan iborat).

T.f.n. dotsent A.Boltayev: «Mirzacho’l-Jizzax: o’tmishi va buguni» T.2007 y.

T.f.n. dotsent M.Pardayev: «Qiziltepa tarixidan lavhalar» T. 2006 y.

Kabi olimlarimiz allaqachon o’zlarining e’lon qilgan monografiya va ilmiy tadqiqotlari bilan Respublika ilm ahli o’rtasida nomlari tanish.

Jizzax vohasi tarixini o’rganishda O’zbekiston tarixi kafedrasi mudiri, dotsent M.Pardayev va shogirdlari; F.Toshboyev, X.Xolboyev, I.Ubaydullayevlar samarali mehnat qilmoqdalar.

Tarix fakultetida xar bir kafedra qoshida fan to’garaklari faoliyat ko’rsatmokda bu borada olib borilgan ilmiy izlanishlarning natijasi professor F.A.Axmedshina rahbarligida iqtidorli talabalarning ilmiy izlanishlarini to’plam sifatida 2006-2007-2008 o’quv yillarida nashr qilinganligida ko’ramiz.

Fakultet professor – o’qituvchilaridan dos. B.Mirkomilov, F.Mamatqulovlar va talabalarimiz viloyat kamolot yoshlar ijtimoiy harakati bilan hamkorlikda «Yoshlarmiz haqida o’ylarimiz» Toshkent 2009 yil to’plamida o’z maqolalari bilan qatnashdilar.

Fakultet professor-o’qituvchilaridan dos. M.Pardayev 2007 yil Fransiyada, 2009 yil Yaponiyada, o’qituvchi S.Nazarqosimov esa 2007, 2009 yillarda Xitoyda malaka oshirishda bo’lib qaytganlar.

Fakultet talabalarining yutuqlari ham anchagina, talaba Jobborov Farrux «Tarix» fanidan, Xo’janazarova Dildora «Huquqshunoslik» fanidan 2005-2006 o’quv yilida Respublika Fan olimpiadalarida faxrli 2-o’rinni egallagan bo’lsalar, talaba Maxmudov Obloqul Respublika notiq talabalar tanlovining 2005 yil bosqichining mutloq g’olibi bo’lgan. O’tgan yillar maboynida iqtidorli talabalardan Nosirov Bunyod, Mirkomilova Nilufar va G’oziyev Ziyodullalar «Navoiy» nomli davlat stipendiyasini olishga muyassar bulishgan bo’lsalar, 2005 yilda Xo’janazarova Dildora, 2006 yilda esa Ochilov Xurshid «Navoiy» nomli Davlat stipendiyasini olishga sazovor bo’lishgan.

Yoshlar ongiga «Milliy istiqlol g’oyasini singdirishda ijtimoiy gumanitar fanlarning vazifalari» mavzusida Respublika ilmiy amaliy konferensiyasining 2006 yil 13-14 aprel kunlari «Tarix» fakultetida bo’lib o’tishining o’zi ilmiy salohiyatini va ma’naviy yetuklikni oshirishda katta ahamiyat kasb etadi.

– Fakultet talabalaridan 2008 yil Abulqosimov Umid «Kelajak ovozi» tanlovida faxrli 1-o’rinni egallagan.

– Ijtimoiy fanlar kafedrasi katta o’qituvchisi S.Nazarqosimov 2009 o’quv yilida Respublikada eng faol ma’naviyat murabbiysi tanlovi g’olibi.

– Fakultetimizda to’rtta kafedra mavjud bo’lib, ularning tarixi alohida alohida qilib ko’rsatildi.

1.«Umumiy tarix» kafedrasi institut rektori buyrug’iga asosan 1999 yil 1 sentyabrdan tashkil etildi. Kafedra tashkil etilgan paytda uning tarkibida dotsent B.M.Mirkomilov (kaf mudiri), prof. F.Axmedshina, katta o’kituvchilardan T.Umirov, X.Mavlonova, o’qituvchilardan S.Kistaubayev, laborant Sh.Xamrayevlar bor edi.

Kafedra quyidagi fanlar buyicha O’rta asrlar tarixi, Yangi va Eng yangi tarix, Tarix o’qitish uslubi, Yangi va Eng yangi tarix tarixshunosligi, Markaziy Osiyo tarixi, Osiyo-Afrika mamlakatlari tarixi eng yangi tarixi, Tarix o’qitish metodikasi, Tarix o’qitishning zamonaviy texnologiyalari, Arab halifaligi, Jaxon xalqlari ozodlik uchun kurashi, Buyuk geografik kashfiyotlar kabi fanlardan o’zbek va rus guruxlariga dars bermoqda.

2001-2002 o’quv yilidan bitiruvchilarga «Gender muammolari» bo’yicha maxsus kurs o’qitilmoqda.

Kafedraga keyingi yillarda yangi a’zolar qabul qilindi. Bular, dos. A.Boltayev 2009 yil yanvar oyidan, o’q. A.Alimov 2008 yil noyabr oyidan boshlab faoliyat yuritmoqdalar.

Hozirda kafedrada ishlayotgan professor-o’qituvchilar jamoasida: A.Boltayev – t.f.n.dos. Kafedra mudiri v/b, B.Mirkomilov – t.f.n. dotsent, F.Axmedshina – t.f.d. professor, T.Umirov – o’qituvchi, F.Toshboyev – katta o’qituvchi, A.Alimov – o’qituvchi, N.Mirkomilova – o’qituvchi, D.Eshbekova -o’qituvchi, Anvar Majidov – o’qituvchi, Akbar Majidov – o’qituvchi, S.Bagisheva – o’qituvchi, X.O’ralova – o’qituvchi, Z.Xujabekova – lobarant.

«Umumiy tarix» kafedrasining ko’pchilik soatlarini pedagogik amaliyot va Bitiruv – Malakaviy ishlar tashkil qiladi. Kafedradagi mavjud bitiruv malakaviy ishlarga rahbarlik qilish uchun prof. F.Axmedshina, dos. B.Mirkomilovlar jalb etilgan.

Kafedra o’qituvchilari o’z pedagogik va ilmiy salohiyatini oshirish borasida ilmiy-tadqiqotlarni olib bormoqda.

Shu jumladan:

Mirkomilov Baxtiyor 40 dan ortiq ilmiy ishlar muallifi. Uning ilmiy ishlari O’zbekiston tarixi, tarix o’qitish muammolariga bag’ishlangan. Jumladan, «Из истории хлопководства Туркестана», Broshyura, Moskva. 1988 g. «Tarix darslari orqali o’quvchilar ongiga milliy g’oyani shakllantirish metodlari» Metodik tavsiyanoma (Jizzax, 1998), «Ma’naviyat ildizlari» (hammuallif. Tosh, 2002), «Haq olinur berilmas» (muharrir, Toshkent 2003) shuningdek «Xalq farovonligi» Jizzax-2004, «Spitamen jasorati» Jizzax-2006, «Tarix darslarida o’quvchilarda vatanga sadoqat va burchni tarbiyalash», (Jizzax 2006 ) «Vatan tarixi darslarida Tumarisning qaxramonligi» (Jizzax-2006), «Yoshlarimiz ilmli va tarbiyali bo’lishsin» T.2009 y, «Jahon tarixini o’rganish jarayonida talabalarda badiiy qadriyatlarga qiziqishni shakllantirish» T. 2009 g, «Методы и педагогические эффекты в формировании у студентов интереса к художственным ценностям в процессе изучения истории средних веков». Журнал. Наука и жизнь Казахстана. №3. 2009г, «Задания и работы, предлагаемые студентам в процессе формирования интереса к худажественным ценностям требования к ним» «Наука и жизнь Казахстана» № 4, 2009 г стр. 177-179, Изпользование исполнителыкого искусства как элемента народный педагогики в эстетическом веспитании молодёжи «Uzluksiz ta’lim» jurnal № 5. 2009 yil, 83-87 betlar. «Jahon tarixini o’rganish jarayonida talabalarda badiiy qadriyatlarga qiziqishni shakllantirish» Monografiya. T.2010. va boshqa bir qator mavzulardagi Respublika ilmiy-nazariy konferensiyalarida ilmiy maqolalar bilan qatnashgan.

Uning «Из истории хлопководства Туркистана» – Moskva – 1986 y. 1,0 b.t., «Turkiston mustamlaka xamkorligi davrida» – Toshkent -1989 y. 1,0 b.t., «Ma’naviyat ildizlari» (o’quv qo’llanma xamkorlikda). Toshkent-2001 yil 2-b.t., «Tarix o’qitish metodikasi» (Ma’ruzalar matni) Jizzax-2003. 3,0 b.t. va 40-dan ortiq ilmiy va metodik maqolalar mavjud. U 1999 yildan 2009 yilga qadar Kafedra mudiri lavozimlarida ishlab keldi. Hozirda fakultet dekani lavozimida ishlamoqda.

Prof. F.A.Axmedshina «Ozarbayjon SSRning ittifoqdosh respublikalar bilan iqtisodiy aloqalari» (1946-1980 yillar) mavzusida doktorlik dissertasiyasini 1991 yilda yoqlagan. Ko’plab monografiya va ilmiy-metodik maqolalar avtoridir. 10 dan ortiq Bitiruv malakaviy va magistrlik ishlariga rahbarlik qilmoqda. Respublikada «Gender tengligi» darsligining ham mualliflaridan biri sanaladi. Shu bilan birgalikda iqtidorli talabalar bilan ishlash borasida ham ko’plab ishlar amalga oshirilmoqda. Masalan, Qadimgi dunyo tarixi fanidan shu kunga qadar 3 ta to’plam chiqarildi.

O’qituvchi T.Umirov 1998 yilda aspiranturani tomomlagan. «Sirdaryo va Jizzaxdagi qirg’izlarning etnik tarixi» mavzusida nomzodlik dissertasiyasi ustida ish olib borayapdi. Shu yilning oxirida nomzodlik dissertasiyasini oxiriga yetkazish niyatida.

O’qituvchi F.Toshboyev 2001 yildan kafedrada ishlaydi. «O’rta Sirdaryo buyi chorvadorlarining etnik tarixi» mavzusida nomzodlik dissertasiyasi ustida ish olib borayapti. Shu kunga qadar uning ko’plab maqola va tezislar bilan Respublika miqyosida chiqishlar qilgan, hamda chet el jurnallarida ham maqolalar chop ettirmoqda.

Hozirgi kunda kafedramizning yosh o’qituvchilari ham dissertasiya mavzularini tasdiqlatgan va ilmiy rahbarlar tayinlangan. Tadqiqotchilar o’z rahbarlari bilan birgalikda dissertasiya mavzulari yuzasidan izlanishlar olib bormoqdalar.

Dos. A.Amanullayev  hozirgi vaqtda  «Tarix o`qitish metodikasi» kafedrasi mudiri vazifasini bajarib kelmoqda.

«Tarix o`qitish metodikasi» kafedrasi o’tgan davr mobaynida fakultet va institutning ijodiy xayotida faol qatnashmoqda. Talabalarga ilm-fan sirlarini o’rgatmoqda.

Xususan:

– A.Valiyev – «O’zbekistonning milliy tiklanishi sharoitida aholini ijtimoiy himoyalash»

– Z.T.Xolboyev – «Ustrushonaning antik va o’rta asrlardagi mudofaa devorlari (arxeologik manbalar asosida)»

– G.Razzoqova – «Xorazmda xalfachilik san’atining paydo bo’lishi va taraqqiyot tarixi»

– I.H.Ubaydullayev – «Ustrushona – rivojlangan o’rta asrlarda (yozma va arxeologik manbalar asosida)»

– B.Ergasheva – «Ustrushona xalqlarining zargarlik san’ati tarixidan»

– G’.Xamroyev – «Jizzax vohasining ilk o’rta asr kulollik idishlari tarixiy manba sifatida»

– R.Yarmatov – «Pedagog kadrlarni tayyorlash jarayonida bo’lajak o’qituvchi shaxsini tarbiyalash va rivojlantirish»

– G.Mo’minova – «Jizzax vohasi xalqlarining urf – odat va marosimlari»

Kafedra O’zRFA, tarix instituti, Ya.G’ulomov nomidagi arxeologiya ilmiy tekshirish institutlari bilan ilmiy – pedagogik hamkorlik shartnomalarini tuzgan. Kafedra professor – o’qituvchilari Respublika va viloyat ommaviy axborot vositalarida dolzarb masalalar bo’yicha doim ishtirok etadi. Respublika va xalqaro miqyosida o’tkaziladigan konferensiyalarda ishtirok etadi. Kafedra professor – o’qituvchilari rejaga ko’ra maqsadli malaka oshirishda bo’ladi va tadqiqotlar olib boradi. Vazirlar Mahkamasi, Oliy va o’rta maxsus va Xalq ta’limi vazirligi hamda institut buyruqlari asosida belgilangan vazifalar ijrosi kafedrada to’liq yo’lga qo’yilgan. Kadrlar tayyorlash milliy dasturi asosida 12 bosqichli vazifalar belgilangan va ijrosi to’liq nazoratga olingan. 2009 yilning 7 dekabridan 27 dekabrigacha kafedra mudiri.

M.X.Pardayev Yaponiyaning Kioto shahrida xalqaro ilmiy amaliy konferensiyada ishtirok etgan.

3.O’zbekistonda demokratik jamiyat qurish nazariyasi va amaliyoti kafedrasi O’zbekiston Respublikasi Oliy va O’rta maxsus ta’lim vazirligi qarori asosida 1998 yil sentyabr oyida tashkil etildi. U «Siyosatshunoslik va huquq asoslari» kafedrasi bazasida tuzilib, unga falsafa fanlar nomzodi, dotsent E.Xolbo’tayev mudir etib tayinlandi. E.Xolbo’tayevning tarix va huquqshunoslik fakulteti dekani lavozimiga o’tganligi munosabati bilan 1999 yilning sentyabr oyida kafedraga falsafa fanlar nomzodi, dotsent S.G’oziyev mudir etib saylandi.

Milliy istiqlol g’oyasi, huquq va ma’naviyat asoslari kafedrasi O’zbekiston Respublikasi Vazirlar Mahkamasining 2001 yil 16 avgustdagi № 343-sonli qarori bilan tashkil etildi.

2003 yil fakultetning taklifi bilan yangi kafedra «Milliy istiqlol g’oyasi, huquq va ma’naviyat asoslari» deb ataldi. Unga dos. A.Hatamov boshchilik qildi.

2005 yil noyabr oyida institut ilmiy Kengashining qarori bilan «Milliy istiqlol g’oyasi, huquq va ma’naviyat asoslari» kafedrasi qayta tashkil etildi va unga tanlov yo’li bilan falsafa fanlar nomzodi dos. M.Hoshimxonov mudir etib saylandi.

2007 yil avgust oyidan 2009 yil fevral oyiga qadar A.Oripov kafedra mudiri vazifasini bajaruvchi lavozimida xizmat qildi. 2009 yil fevral oyidan T.Hamraqulov kafedra mudiri vazifasini bajarib kelmoqda.

Bugungi kunda kafedrada falsafa fanlari nomzodlari J.Norbekov va M.Xoshimxonov, katta o’qituvchilar I.Abdusaidova, A.Aripov, Z.Qosimova, O.Annaqulov, o’qituvchilar F.Shodiyev, P.Muhammadiyev, E.Mallayeva, A.Saidqosimov, O.Jo’rayev, Z.G’oziyev, T.Hamraqulov, A.O’ralov, D.Abdurasulova, A.Mamajonov, H.Bo’riyeva, M.Qosimov, J.G’ofurov, A.Mirkomilovlar va kabinet mudiri R.Soatovlar faoliyat olib bormoqda. Kafedramiz o’qituvchisi A.Saitqosimov 2009 yil 17 dekabr kuni «Davlat va Jamiyat qurilish Akademiyasi» da «Siyosatshunoslik» ixtisosligi bo’yicha fan nomzodi darajasini olish uchun himoyaga chiqdi.

Kafedra o’quv fanlari «Milliy istiqlol g’oyasi: asosiy tushuncha va tamoyillar», «Huquqshunoslik va O’zbekiston Respublikasi Konstitusiyasini o’rganish», Mutaxassislik va ixtisoslik fanlardan mashg’ulotlar olib bormoqda. Fanlar bo’yicha kafedrada stendlar, turli adabiyotlar va darsliklar, uslubiy adabiyotlar, ko’rgazmali qurollar mavjud. Kafedra o’quv fanlaridan elektron darsliklar va ma’ruza matnlari mavjud, kafedra o’quv fanlaridan Davlat ta’lim standartlariga muvofiq keluvchi ma’ruzalar lotin yozuvida to’liq ishlab chiqilgan. Kafedra professor-o’qituvchilari tomonidan 1998 yildan buyon 10 ta monografiya, 8 ta o’quv qo’llanma, 15 ta uslubiy dastur va tavsiyanomalar, 5 ta risola, 120 dan ortiq ilmiy ommabop maqolalar chop etilgan.

Kafedraning Jizzax shahar pedagogika kolleji va Sayiljoy akademik liseyida filiallari tashkil etilgan va uslubiy jihatdan yordam beriladi. Kafedra O’zbekiston Respublikasi Fanlar Akademiyasi I.M.Mo’minov nomidagi falsafa va huquq instituti, O’zMU va TashPUlari bilan ilmiy, pedagogik hamkorlik shartnomalari tuzgan. Kafedra tomonidan 2004-2005, 2005-2006, 2008-2009 o’quv yillarda bir qancha «O’zbek davlatchiligi tarixi», «Milliy mentalitet va ma’naviyat» mavzularida Respublika ilmiy nazariy, shuningdek, «Yoshlar ongiga milliy istiqlol g’oyasini singdirishda ijtimoiy-gumanitar fanlarning vazifalari» institut miqyosida esa «Milliy mafkura va mustaqillik» va «Milliy g’oya: muammolar va muloxazalar» mavzularida 6 ta ilmiy-amaliy anjuman o’tkazildi.

Kafedrada «Huquq va burch» to’garagi ishlab turibdi, unga o’qituvchi P.Muhammadiyev rahbarlik qilmoqda.

Kafedra professor-o’qituvchilari Prezidentimiz olib borayotgan siyosat, Oliy Majlis Qonunchilik palatasi, Senat qonun va qarorlarini, hukumatimiz farmoyishlarini talabalar, shuningdek, viloyatimiz tumanlari, shahar aholisi o’rtasida keng targ’ib-tashviq qilishda o’zlarining bilim va tajribalarini ayamasdan faoliyat ko’rsatmoqdalar.

Kafedraning bugungi muammosi yosh avlodni milliy g’oyaning tub ildizi, mohiyat va mazmunini yoritishda, uni yoshlar ongi va tafakkuriga singdirishdan iborat.

4.«Ijtimoiy fanlar» kafedrasi Jizzax Davlat pedagogika tarix fakultetida yirik va ilmiy pedagogik salohiyatga ega bo’lgan jamoalardan biri hisoblanadi. Mazkur kafedra 1987 yili «Falsafa» kafedrasi deb nomlanib tashkil topgan. 1992-1997 yillar davomida kafedra «Falsafa va huquq», 1997-1999 yillarda «Falsafa va odobnoma», 2000 yildan «Falsafa va ma’naviyat asoslari» deb, 2005 yildan «Ijtimoiy fanlar» kafedrasi deb yuritilmoqda.

Kafedrani bugungi kunda falsafa fanlari doktori B.Ochilova boshqarib kelmoqda.

B.Ochilova 1990 yilda «Milliy an’anaviy marosimlar va shaxsning ijtimoiylashuvi» mavzusida nomzodlik va 2005 yilda «Ajdodlar merosiga ixlosmandlik va shaxs ma’naviy – ahloqiy kamoloti» mavzusidagi doktorilik dissertasiyasini himoya qilgan. 2009 yili «Istiqlol» nashriyoti tomonidan olimaning «Milliy – ma’naviy yuksalishda meros, qadriyatlar va vorisiylik» nomli monogrfiyasi chop etildi.

Hozirgi kunda kafedrada A.Xotamov, Z.Bozorboyeva, F.Mamatqulov, E.Xolbo’tayev, Sh.Ikromov, S.Nazarqosimov, Yo.Turopov, A.Amanlayev, B.Toshboyev, S.Kistauboyev, Z.Mirkomilova, M.Ergasheva, S.Jasanova, N.Tangirov, X.Ashirmatov, T.Axmedov, Sh.Muminova, J.Tojiboyevalar faoliyat yuritishmoqda.

Kafedra o’quv fanlari «Falsafa», «Etika-estetika», «Mantiq», «Madaniyatshunoslik», «Falsafa tarixi va nazariyasi», «Sosiologiya», «Siyosatshunoslik va O’zbekistonda demokratik jamiyat qurish nazariyasi va amaliyoti», «Shaxs va jamiyat», «Ma’naviyat asoslari va dinshunoslik».

Kafedra ilmiy salohiyati yuqori bo’lib 1 ta fan doktori, 6 ta fan nomzodi dotsent, 4 ta katta o’qituvchi, 5 ta o’qituvchi ilmiy pedagogik faoliyatda bo’lib, 2000 – 2009 yillar davomida 4 ta monografiya, 12 ta o’quv qo’llanma, 7 ta risola, 15 ta uslubiy tavsiya, 27 ta o’quv dasturi, 180 dan ortiq ilmiy maqollalar nashr ettirdi.

Kafedra ilmiy yo’nalishi – mustaqil O’zbekiston taraqqiyotining falsafiy muammolari.

Kafedraning uslubiy yo’nalishi – ta’lim jarayoniga innovasion texnologiyalarni tadbiq etishning uslubiy masalalari.

Ko'rishlar soni(170)