Axborot-resurs markazi

Jizzax davlat pedagogika instituti axborot-resurs markazi

Men shunga aminmanki – kitobsiz  taraqqiyotga,

yuksak ma`naviyatga erishib     bo`lmaydi. 

 Kitob o`qimagan odamning ham,   millatning

ham  kelajagi   yo`q.

 

                                                                                                                         SH.M.Mirziyoyev

   Mamlakatimizda  yosh avlodning ma`naviy va intellektual ehtiyojini qondirish, milliy qadriyatlarimizga hurmat ruhida tarbiyalashda kitobning o`rni va ahamiyatini yanada oshirish bo`yicha keng ko`lamli ishlar amalga oshirilayotganligi Respublika hukumati tomonidan axborot-kutubxona sohasiga jiddiy e`tibor qaratilayotganligidan dalolat beradi.  

 

O’zbekiston  Respublikasi Prezidentining     “Kitob mahsulotlarini chop etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targ’ib qilish bo’yicha kompleks  chora -tadbirlar dasturi to`g`risida”  2017 yil 13 sentyabrdagi   PQ-3271-sonli qarorining qabul qilinishi bugungi kun kutubxonalari zimmasiga birmuncha mas’uliyat yukladi.

Abdulla Qodiriy nomidagi Jizzax davlat pedagogika instituti axborot-resurs markazining asosiy maqsadi ana shu qaror ijrosini to`liq ta`minlashdan iborat bo`lib, ilmga chanqoq  yoshlarni axborot – resurs markaziga keng jalb etish orqali ularni milliy g’oyaga sodiq, barkamol insonlar etib tarbiyalashdan iboratdir.

Jizzax davlat pedagogika instituti 1974-yilda tashkil topgan bo’lib, shu yili kutubxona o’z  faoliyatini boshlagan. Dastlabki yillarda kutubxona 1789 ta kitob fondiga ega bo’lib, 1437 ta kitobxonga xizmat ko’rsatgan. Kutubxona 4 ta bo’limda faoliyat olib borgan.

Hozirgi kunda axborot–resurs markazida jami 40 ta xodim xizmat  ko’rsatmoqda, ulardan 19 nafari oliy ma’lumotli. Ayni paytda axborot –resurs markaziga  oliy  ma’lumotli mutaxassis R.T.Ishnazarova rahbarlik qilmoqda.

 

 

2018 yil yakuniga qadar  аxborot–resurs markazining  jami kitob   2887 дона  yangi adabiyotlar bilan boyitildi. Ayni paytda ARMning  jami fondi 148078 nusxaga etkazildi. SHundan:

 

Yil davomida kitobxonlar soni  8935  nafarni tashkil etdi. Yil davomida qatnovlar soni- 178703 tа, berilgan adabiyotlar –  642659  tаgа etkazildi

 

  ARMdagi jami o`rindiqlar soni 276 tani tashkil etadi.            Axborot-resurs markazida hozirgi kunda jami  83 ta kompyuter, 3 ta skaner, 2 ta printer, 4 ta (3/1) printer, 1 ta “Artel” rusumli televizor, 1 ta videoproektor  2 dona magnit doskasi  mavjud. ARMdagi barcha kompyuterlar INTERNET va ZIYONET ta`lim tarmoqlariga ulangan.

Axborot – resurs markazi o’quv yili va yillik ish rejalari asosida faoliyat olib boradi. Shuningdek 2019-yil–“Faol investisiyalar va ijtimoiy rivojlanish yili” davlat dasturi ijrosini ta’minlash maqsadida Uslubiyat bo’limi tomonidan  tegishli faoliyat dasturi ishlab chiqildi.

 

 

ARMda kitobxonlarga xizmat ko’rsatishning turli shakllari yo’lga qo’yilgan. Jumladan, yalpi  hamda  guruhli xizmat ko’rsatish borasida ommaviy, ma’naviy-ma’rifiy tadbirlar tashkil etib borildi. Adabiy kechalar, kitobxonlar konferensiyalari, davra suhbatlari, yangi adabiyotlar taqdimoti kabi tadbirlar shular jumlasidandir. Masalan: “Mening sevimli o`nta kitobim” ma`naviy-ma`rifiy tanloviga doir davra suhbatlari,     “2017-2021 yillarda O`zbekiston Respublikasini rivojlantirishning beshta ustuvor yo`nalishi bo`yicha Harakatlar strategiyasining mazmun-mohiyati”,  “Yangi adabiyotlar sizlar uchun”, 1-kurs talabalari bilan “Suhbat-ekskursiya”, “Оnа tili- millat ko`zgusi” kabi tadbirlar fikrimiz dalilidir.

ARMda 12-17 noyabr kunlari  “INFOLIB UZBEKISTAN” Мilliy axborot-kutubxona haftaligi doirasida O`zbek tili va adabiyoti fakul`teti bilan hamkorlikda “Jadidlar-tariximiz targ`ibotchilari” mavzusida tadbir tashkil  etildi. SHuningdek, hafta davomida “Mening sevimli o`nta kitobim” tanloviga qo`yilgan “Bo`rondan kuchli”, “Layli va Majnun” asarlarini o`rganishga doir adabiy-badiiy kechalar, Xalqaro talabalar kuniga bag`ishlangan “Talabalik-oltin davrim”, “Maktabgacha ta`lim: kecha va bugun”, “Kitoblar-asrlar jarchisi” kabi tadbirlar o`tkazildi. Bu tadbirlarda viloyat OAV xodimlari ham ishtirok etdilar va haftalik to`grisidagixabarlar televideniye orqali kens yoritib borildi. Bunday  targ`bot  tadbirlari  ARMning  talabalar  turar  joyi  tarmog`ida ham tashkil etildi.

ARMda kitobxonlarga axborot–bibliografik ma’lumotlarni etkazish  borasida “Kafedra-kutubxona-talaba” hamkorligi yo’lga qo’yilgan bo’lib, bu hamkorlik doirasida “Kafedralar kuni”,  “Axborotlar kuni”,  “Mutaxassislar kuni” kabi tadbirlar ham reja asosida olib borildi.

 Shuningdek, ARMda “Kutubxona axborot kengashi”  tuzilgan bo’lib,  kengash a’zolari tomonidan ichki bo’limlar  faoliyati reja asosida tahlil etib borildi. Shu bilan birga yilning har choragida Respublika axborot- kutubxona faoliyatini muvofiqlashtiruvchi Idoralararo kengashiga hamda viloyat axborot- kutubxona markaziga bajarilgan ishlar yuzasidan ma`lumotlar taqdim etib borildi.

Axborot – resurs markazida quyidagi ichki bo’limlar faoliyat olib boradi:

Fanlararo o’quv–uslubiy majmualar bo’limi 42 o’rinli bo’lib, umumiy fondi- 4752 ta. Bo’limda O.Ashirova va M.Bobonazarovalar xizmat ko’rsatadi.

Xizmat ko’rsatish bo’limining umumiy fondi 112343 ta bo’lib, 4 nafar xodim kitobxonlarga xizmat ko’rsatadi.

 Ijtimoiy – gumanitar fanlarga ixtisoslashgan o`quv xonasi 42 o’rinli bo’lib, 11784 ta  kitob fondiga ega. Mazkur bo’lim ijtimoiy-gumanitar fanlarga ixtisoslashgan.  Bo’limda Darvisheva Sayyora va  Bo`riyeva Gulnozalar faoliyat olib boradi.

 Tabiiy va aniq fanlarga ixtisoslashgan o`quv xonasi  42 o’ringa  mo’ljallangan. Bo’limda aniq fanlarga doir adabiyotlar jamlangan bo’lib, ular  3141 tani tashkil etadi.  Mazkur bo’limda Danyarova Mohira va S. Suvanqulovalar  xizmat ko’rsatadi.

  Ilmiy – uslubiy bo’limda bitiruvchi kurs talabalarining malakaviy bitiruv ishlari hamda magistrlik dissertatsiyalari saqlanadi. Bo’limning umumiy fondi  13038 ta bo’lib, SHerqulova Nilufar va Nematova Gulhayolar  faoliyat olib boradi.

  Bibliografiya bo’limi ARM fondini kataloglashtirish, kitobxonlarning axborot-bibliografik so’rovlariga javob berish, mavzuli kartotekalar yuritish, ma’naviy-ma’rifiy tadbirlar tashkil etish kabi ishlarni amalga oshiradi. Bo’lim ishlarini  M. Bobonazarova, D. Rustamovalar tashkil etib boradi.

 Davriy nashrlar bo`limida so`ngi besh yillikdagi oynoma va ro`znomalar  saqlanadi.Bo`imda D.Fayzullayeva xizmat ko`rsatadi.

Badiiy adabiyotlar bo’limida 5852 nusxadagi adabiyotlar mavjud bo’lib, bo’limda SH. Rashidova, M. Irgasheva  kitobxonlarga xizmat ko’rsatadilar.Bo`lim   30 o`ringa mo`ljallangan.

Institut Talabalar turar joyi tarmog`ining kitob fondi  1753 tаni tashkil etib, 15 o`ringa mo`ljallangan. Bo`limda N. Usmonova faoliyat olib boradi.

Tasviriy san`at va mehnat ta`limi fakul`tetida tashkil etilgan ARM tarmog`ining umumiy fondi 2000 dan ziyod bo`lib, bo`limda Po`latova M. va Oripovalar xizmat ko`rsatadi.

 Elektron darsliklar bo’limi tarkibida 2 ta o`quv zali mavjud. Bo’lim boshlig’i Irgasheva Gulchehra. Mazkur bo’limning umumiy fondi 13205 ta electron resurslardan iborat.

Kitobxonlarga qulayliklar yaratish maqsadida axborot-resurs markazida 6 ta ixtisoslashgan  o`quv zali  tashkil etildi. Bular: AKTdan mustaqil foydalanish zali,  badiiy adabiyotlar zali, ilmiy tadqiqotchilar uchun elektron o`quv zali, aniq fanlarga ixtisoslashgan o`quv zali,  xorijiy adabiyotlar zali, ijtimoiy –gumanitar fanlarga ixtisoslashgan o`quv zali.

Axborot –resurs markazida soha xodimlarining malaka oshirishiga ham alohida e`tibor qaratilmoqda.  Joriy yilning may oyida xodimlardan ikki nafafari Oliy  va o`rta maxsus ta`lim vazirligi huzuridagi Ta`lim muassasalarida elektron ta`limni joriy etish  markazida kasb  malakasini oshirdi. Ayni paytda markazda malaka oshirgan xodimlar soni 17 nafarga etdi.

   Axborot–resurs markazi xodimlarining kasbiy mahorati bo`yicha o`tkazilgan “Axborot-kutubxona muassasasining eng yaxshi mutaxassisi-2018” Respublika tanlovida   axborot–resurs markazi kutubxonachisi D.Rustamova qatnashdi.

Bugungu kunda ARMda axborot-resurs markazlarining avtomatlashtirilgan tizimi-ARMAT dasturi muntazam ishlamoqda. ARMAT dasturiga  bibliografik yozuvlar va talabalar to`g`risidagi ma`lumotlar  kiritilib borilmoqda. Ayni paytda ARMAT dasturiga -39930 dan ziyod adabiyotlarning bibliografik yozuvlari kiritildi.

      Iinstitut talabalarining mustaqil bilim olishlariga kengroq imkoniyatlar yaratish maqsadida A.Navoiy nomidagi O`zbekiston milliy kutubxonasiga jamoaviy a`zolik to`g`risida  shartnomaning imzolanishi orqali foydalanuvchlar jahon ilmiy-ta`limiy ma`lumotlar bazasi: TOMSON REUTERS, Springer, EBSCO information services, Oxford University Press, Cambridge University Press, ProQuest, EAST VIEW, ELIBRARYdan foydalanish  imkoniyatlariga ega bo’ldilar. 2018  yildа mаzkur mа’lumot bazalaridаn barcha ilmiy izlanuvchilar va  talabalar erkin foydalanishlari yo’lga qo’yildi.  Jumladan, xalqaro ma`lumotlar bazasi – EBSCO , “ELINE press”dаn foydalanuvchilar soni ham tobora  оrtmoqda. Ayni paytda ARM kitobxonlari www.natlib.uz, shuningdek, www.ziyonet, www.fikr.uz, www.kitob.uz, www.lex.uz  kabi saytlardan ham foydalanmoqdalar.

 Shuningdek, axborot-resurs markazida institutda  tahsil oladigan jismoniy imkoniyati cheklangan talabalar uchun maxsus axborot xizmatlari tashkil etilgan. Jumladan, bunday talabalar uchun maxsus NVDA dasturidan foydalanish imkoniyati yaratilganShu bilan birga,  bunday talabalar uchun viloyat ko`zi ojizlar kutubonasidan  Brayl  usulida chop etilgan o`quv adabiyotlarni olib kelish yo`lga qo`yilgan.

Axborot–resurs markazi “Sharq ziyokori”, “O’qituvchi”, “Adolat”, “Fan va texnologiya”, “O’zbekiston Milliy kutubxonasi” “Moliya va iqtisod»kabi nashriyotlar  bilan shartnomalar tuzib, zarur darslik, o’quv qo’llanmalar hamda badiiy adabiyotlar xarid qilib, fondni muntazam  ravishda boyitib bormoqda. Shu bilan birga ARMda davriy nashrlarning yillik obunasi ham yo`lga qo`yilgan.

 Bugungi texnik taraqqiyot asrida kutubxona sohasiga avtomatlashtirish va telekommunikatsiya vositalarining joriy etilishi axborot-resurs markazining foydalanuvchisiga tez va sifatli axborot xizmati ko’rsatishni taqozo etadi. Ana shunday davr talablaridan kelib chiqib, institut axborot-resurs markazi jamoasi kitobxonlarga axborot xizmatlari ko’rsatishning zamonaviy usullarini o’z faoliyatida tadbiq etish ustida ish olib bormoqdalar.

 

Institut  ARM direktori:                                    R. Ishnazarova

 

 

 

 

Ko'rishlar soni(2 588)