Milliy g’oya, ma’naviyat asoslari va huquq ta’limi

ТАРИХИ

 

         Ўзбекистонда демократик жамият қуриш назарияси ва амалиёти кафедраси Ўзбекистон Республикаси Олий ва Ўрта махсус таълим вазирлиги қарори асосида 1998 йил сентябр ойида ташкил этилди. У “Сиёсатшунослик ва ҳуқуқ асослари” кафедраси базасида тузилиб, унга фалсафа фанлари номзоди, доцент Э. Холбўтаев мудир этиб тайинланди. Э. Холбўтаевнинг тарих ва ҳуқуқшунослик факультети декани лавозимига ўтганлиги муносабати билан  1999 йилнинг сентябр ойидан бошлаб кафедрага фалсафа фанлари номзоди, доцент Ғозиев С. мудир этиб сайланди.

         “Миллий истиқлол ғояси, ҳуқуқ ва маънавият асослари” кафедраси Ўзбекистон Республикаси Вазирлар Маҳкамасининг 2001 йил 16 августдаги № 343-сонли қарори билан ташкил этилди.

         2003 йил факультетнинг таклифи билан янги кафедра “Миллий истиқлол ғояси, ҳуқуқ ва маънавият асослари” деб аталди. Унга фалсафа фанлари номзоди, доцент А. Ҳатамов бошчилик қилди.

         2005 йил ноябр ойида институт илмий Кенгашининг қарори билан “Миллий истиқлол ғояси, ҳуқуқ ва маънавият асослари” кафедраси қайта ташкил этилди ва унга танлов йўли билан  фалсафа фанлари номзоди, доцент М. Ҳошимхонов мудир этиб сайланди.

         Бугунги кунда кафедрада фалсафа фанлари номзоди, доцент М/Ҳошимхонов, фалсафа фанлари номзоди, доцент С. Ғозиев, фалсафа фанлари номзоди, доцент Ж. Норбеков, сиёсий фанлари номзоди А. Саидқосимов, катта ўқитувчилар О. Аннақулов, Т. Ҳамрақулов, ўқитувчилар А. Арипов, Ф. Шодиев, П. Муҳаммадиев, Э. Маллаева, А. Мамажонов, А. Миркомилов, Ғозиев З, О. Жўраев, Ҳ. Бўриева,  Р. Соатов, Н. Мусинов, У. Норбеков, Ж. Суванқулов ва кабинет мудири Ж. Шодиевлар фаолият олиб бормоқдалар.

         Кафедра ўқув фанлари “Миллий истиқлол ғояси: асосий тушунча ва тамойиллар”, “Ҳуқуқшунослик ва Ўзбекистон Республикаси Конституциясини ўрганиш”, “Мутахассислик фанлар” ҳамда  магистратура талабаларига “Миллий истиқлол ғояси”, “Ўзбекистон республикаси Конституциясини ўрганиш”, “Дунё динлар тарихи” фанлардан машғулотлар олиб борилмоқда. Фанлар бўйича кафедрада стендлар, турли адабиётлар ва дарсликлар, услубий адабиётлар, кўргазмали қуроллар мавжуд. Кафедрада ўқув фанларидан электрон дарсликлар, маърузалар мавжуд, кафедра ўқув фанларидан ДТСларга мувофиқ келувчи маърузалар лотин ёзувида тўлиқ ишлаб чиқилган. Кафедра проф-ўқитувчилари томонидан 1998 йилдан 26 та монография, 32 та ўқув қўлланма, 40 та услубий дастур ва тавсияномалар, 35 та рисола, 350 дан ортиқ илмий оммабоп мақолалар чоп этилган. Кафедра мудири, доц. М. Ҳошимхонов томонидан 6 та монография, 25 дан кўпроқ китоблар – илмий-услубий қўлланмалар чоп этилган.

         Кафедрада Жиззах шаҳар педагогика коллежи ва Сайилжойи академик лицейи филиаллари ташкил этилган ва услубий педагогик жиҳатдан ёрдам берилади. Кафедра Ўзбекистон Республикаси Фанлар Академияси, ЎзМУ ва ТошПУлари билан илмий, педагогик ҳамкорлик шартномалари тузган. Кафедра томонидан 2004-2005, 2005-2006 ўқув йилларда бир қанча “Ўзбек давлатчилиги тарихи”, “Миллий менталитет ва маънавият” мавзуларида Республика илмий назарий, шунингдек, “Ёшлар онгига миллий истиқлол ғоясини сингдиришда ижтимоий – гуманитар фанларнинг вазифалари” институт миқёсида эса “Миллий тафаккур ва мустақиллик” мавзуларида 5 та илмий- амалий анжуман ўтказилди.

         Кафедрада “Ҳуқуқ ва бурч” ва “Миллий ғоя тарғиботчиси” тўгараклари ишлаб турибди, унга ўқитувчилар П. Муҳаммадиев ва Н. Мусинов, У. Норбеков, раҳбарлик қилмоқда. Кафедра аъзолари “Ҳуқуқий ва ахлоқий меросимиз хазинасидан” рукни асосида ўзларини мавзулари асосида изланишлар олиб бормоқдалар. “Миллий ғоя” йўналиши бўйича кафедранинг метадологик муаммоси “Ёшлар онгига миллий ғояни сингдириш ва маънавий меросга илмий ёндашув” мавзусида тадқиқот олиб борилмоқда.

         2016 йил августдан бошлаб кафедра мудири вазифасида доцент C. Ғозиев фаолият олиб бормоқда.

Ko'rishlar soni(244)