Milliy g’oya, ma’naviyat asoslari va huquq ta’limi kafedrasi

 O‘zbekistonda demokratik jamiyat qurish nazariyasi va amaliyoti kafedrasi O‘zbekiston Respublikasi Oliy va O‘rta maxsus ta’lim vazirligi qarori asosida 1998 yil sentyabr oyida tashkil etildi. U “Siyosatshunoslik va huquq asoslari” kafedrasi bazasida tuzilib, unga falsafa fanlari nomzodi, dotsent E. Xolbo‘tayev mudir etib tayinlandi. E. Xolbo‘tayevning tarix va huquqshunoslik fakulteti dekani lavozimiga o‘tganligi munosabati bilan  1999 yilning sentyabr oyidan boshlab kafedraga falsafa fanlari nomzodi, dotsent G‘oziyev S. mudir etib saylandi.

“Milliy istiqlol g‘oyasi, huquq va ma’naviyat asoslari” kafedrasi O‘zbekiston Respublikasi Vazirlar Mahkamasining 2001 yil 16 avgustdagi № 343-sonli qarori bilan tashkil etildi.

2003 yil fakultetning taklifi bilan yangi kafedra “Milliy istiqlol g‘oyasi, huquq va ma’naviyat asoslari” deb ataldi. Unga falsafa fanlari nomzodi, dotsent A. Hatamov boshchilik qildi.

2005 yil noyabr oyida institut ilmiy Kengashining qarori bilan “Milliy istiqlol g‘oyasi, huquq va ma’naviyat asoslari” kafedrasi qayta tashkil etildi va unga tanlov yo‘li bilan  falsafa fanlari nomzodi, dotsent M. Hoshimxonov mudir etib saylandi.

Bugungi kunda kafedrada falsafa fanlari nomzodi, dotsent M/Hoshimxonov, falsafa fanlari nomzodi, dotsent S. G‘oziyev, falsafa fanlari nomzodi, dotsent J. Norbekov, siyosiy fanlari nomzodi A. Saidqosimov, katta o‘qituvchilar O. Annaqulov, T. Hamraqulov, o‘qituvchilar A. Aripov, F. Shodiyev, P. Muhammadiyev, E. Mallayeva, A. Mamajonov, A. Mirkomilov, G‘oziyev Z, O. Jo‘rayev, H. Bo‘riyeva,  R. Soatov, N. Musinov, U. Norbekov, J. Suvanqulov va kabinet mudiri J. Shodiyevlar faoliyat olib bormoqdalar.

Kafedra o‘quv fanlari “Milliy istiqlol g‘oyasi: asosiy tushuncha va tamoyillar”, “Huquqshunoslik va O‘zbekiston Respublikasi Konstitutsiyasini o‘rganish”, “Mutaxassislik fanlar” hamda  magistratura talabalariga “Milliy istiqlol g‘oyasi”, “O‘zbekiston respublikasi Konstitutsiyasini o‘rganish”, “Dunyo dinlar tarixi” fanlardan mashg‘ulotlar olib borilmoqda. Fanlar bo‘yicha kafedrada stendlar, turli adabiyotlar va darsliklar, uslubiy adabiyotlar, ko‘rgazmali qurollar mavjud. Kafedrada o‘quv fanlaridan elektron darsliklar, ma’ruzalar mavjud, kafedra o‘quv fanlaridan DTSlarga muvofiq keluvchi ma’ruzalar lotin yozuvida to‘liq ishlab chiqilgan. Kafedra prof-o‘qituvchilari tomonidan 1998 yildan 26 ta monografiya, 32 ta o‘quv qo‘llanma, 40 ta uslubiy dastur va tavsiyanomalar, 35 ta risola, 350 dan ortiq ilmiy ommabop maqolalar chop etilgan. Kafedra mudiri, dots. M. Hoshimxonov tomonidan 6 ta monografiya, 25 dan ko‘proq kitoblar – ilmiy-uslubiy qo‘llanmalar chop etilgan.

Kafedrada Jizzax shahar pedagogika kolleji va Sayiljoyi akademik litseyi filiallari tashkil etilgan va uslubiy pedagogik jihatdan yordam beriladi. Kafedra O‘zbekiston Respublikasi Fanlar Akademiyasi, O‘zMU va ToshPUlari bilan ilmiy, pedagogik hamkorlik shartnomalari tuzgan. Kafedra tomonidan 2004-2005, 2005-2006 o‘quv yillarda bir qancha “O‘zbek davlatchiligi tarixi”, “Milliy mentalitet va ma’naviyat” mavzularida Respublika ilmiy nazariy, shuningdek, “Yoshlar ongiga milliy istiqlol g‘oyasini singdirishda ijtimoiy – gumanitar fanlarning vazifalari” institut miqyosida esa “Milliy tafakkur va mustaqillik” mavzularida 5 ta ilmiy- amaliy anjuman o‘tkazildi.

Kafedrada “Huquq va burch” va “Milliy g‘oya targ‘ibotchisi” to‘garaklari ishlab turibdi, unga o‘qituvchilar P. Muhammadiyev va N. Musinov, U. Norbekov, rahbarlik qilmoqda. Kafedra a’zolari “Huquqiy va axloqiy merosimiz xazinasidan” rukni asosida o‘zlarini mavzulari asosida izlanishlar olib bormoqdalar. “Milliy g‘oya” yo‘nalishi bo‘yicha kafedraning metadologik muammosi “Yoshlar ongiga milliy g‘oyani singdirish va ma’naviy merosga ilmiy yondashuv” mavzusida tadqiqot olib borilmoqda.

2017 yildan boshlab kafedra mudiri vazifasida dotsent M. Saidov faoliyat olib bormoqda.

Ko'rishlar soni(4 760)