Italiyalik fizik olim Milan davlat universiteti professori Djiunki Djovanni (Giunchi Giovanni) Jizzax davlat pedagogika institutida  

         Italiyalik taniqli fizik olim  Milan davlat Universitetining professori Djiunki Djovanni  20 noyabr kuni Jizzax Davlat pedagogika institutiga tashrif buyurdi. Jizzax Davlat pedagogika instituti rektori A. Xolbekov professor Djiunki Djovanniga Mamlakatimizda oliy ta’lim sohasini rivojlantirish, yuqori malakali kadrlash tayyorlash borasida amalga oshirilayotgan tizimli ishlar, ilm-fan va ishlab chiqarish sohasi o‘rtasidagi integratsiyani kengaytirish bo‘yicha amalga oshirilayotgan chora tadbirlar, xorijiy oliy ta’lim muassasalari institutning  hamkorlik munosabatlari,   ta’lim jarayoniga innovatsion tehnologiya va metodlarni jalb qilish borasidagi amalga oshirilayotgan ishlar to‘g‘risida ma’lumot berdi. Professor Djiunki Djovanni institut rahbariyatiga samimiy minnatdorlik bildirib, mamlakatimizda  ta’lim tarbiya tizimining sifat va samaradorligini oshirishga qaratilgan islohotlarga yuqori baho berib, kelajakda Milan davlat universiteti  va Jizzax Davlat pedagogika instituti o‘rtasida hamkorlikni o‘rnatishga qaratilgan  ikki tomonlama shartnoma imzolash xususida kelishib oldilar.  Shuningdek, professor Djovanni kelgusida institutning fizika yo‘nalishida dars beruvchi o‘qituvchi va magistrlarning ilmiy tadqiqot ishlariga yaqindan ko‘mak berishga tayyor ekanligini, fizika sohasida ilmiy salohiyatli yuqori malakali kadrlar yetishtirishga munosib hissa qo‘shishini ta’kidlab o‘tdi.

          Tashrifning ikkinchi kuni institutning Axborot resurs markazida faxriy mehmon Djiunki Djovanni institut fizika yo‘nalishi talabalari va professor-o‘qituvchilariga “Innovatsion texnologiyalar” fanidan  “MgB2 o‘ta-o‘tkazgichlar va ularning xossalari” mavzusida masster klass o‘tkazdi. Professor Djiunki Djovani tomonidan o‘tkazilgan dars mashg‘ulotlari institut talabalarida katta qiziqish va ta’surotlar o‘yg‘otmoqda. Yaqin kunlar ichida Milan davlat universitetining faxriy prfessori D. Jovanni institut talablariga masofaviy ta’lim asosida online dars mashg‘ulotlarini olib borishini ham ma’lum qildi.  Bu kabi tashriflar samarasi yakin yillar ichida  Jizzaxlik yoshlarning Milan davlat universitetida ilmiy tadqiqot ishlarini himoya qilishiga va Milanlik olimlar bilan samarali tadqiqot ishlarini amalga oshirilishiga ham zamin hozirlaydi. Eslatib o‘tamiz Jizzax Davlat pedagogika instituti shu bugunga qadar 10 ta xorijiy davlat oliy ta’lim muassasalari bilan bundan avval esa, 19 oktyabr kuni Tula davlat pedagogika universiteti bilan shartnoma va me’morandum imzolagan edi. Endigi 11 – shartnoma  Milan davlat universiteti bilan imzolanmoqda. Ajab emaski,  bir kun kelib, Italiyada ham Jizzaxlik olimlar  professor Djovanni singari master klasslar va ma’ruzalar o‘qisa…..   Zero, hamkorliksiz ilm fanda taraqqiyotga erishib bo‘lmasligini davrimizning o‘tkir muammolari ham ko‘rsatmoqda.

  Shahrimizda  bo‘lib turgan mehmon  Jizzax viloyatining tarixiy, madaniy va madaniy obidalari va diqqatga sazovor joylar bilan tanishtirilmoqda.

 

Institut matbuot kotibi