Ijodiy (kasbiy) imtixonlar natijalari 
NATIJALARI

Maxsus kod bo'yicha izlash

2904


Mening sevimli o‘nta kitobim

Abdulla Qodiriy nomli Jizzax davlat pedagogika instituti Tarix fakulteti talabalarining bo‘sh vaqtlarini mazmunli o‘tkazish, ularda kitobga bo‘lgan mehrni yanada oshirish maqsadida tashkil etilgan “Mening sevimli o‘nta kitobim” ko‘rik tanlovining fakultet bosqichi bo‘lib o‘tdi

         Tarix fakulteti talabalarining bo‘sh vaqtlarini mazmunli o‘tkazish hamda ularda kitobga bo‘lgan mehrni yanada oshirish maqsadida 2018 yil 28 may kuni bo‘lib o‘tgan “Mening sevimli o‘nta kitobim” ko‘rik tanlovini fakultet ma’naviy-ma’rifiy ishlar bo‘yicha dekan o‘rinbosari F.Akchaev kirish so‘zi bilan ochib berdi. Shundan so‘ng so‘zga chiqqan tarix o‘qitish metodikasi kafedrasi dotsenti, t.f.n. R.Nurqulova, katta o‘qituvchi G.Razzoqova, bugungi o‘tkazilayotgan ko‘rik tanlovning ahamiyati, kitobxonlik va kitob mutoalasining ijobiy jihatlari, inson tafakkuri rivojidagi o‘rni to‘g‘risida to‘xtalib o‘tdi.

“Mening sevimli o‘nta kitobim” ko‘rik tanlovi 4 ta shart bo‘yicha quyidagi asarlar yuzasidan bo‘lib o‘tdi:

  1. Sh.M.Mirziyoev. Buyuk kelajagimizni mard va olijanob halqimiz bilan birga quramiz.
  2. Amir Temur. Temur tuzuklari.
  3. Alisher Navoiy. Layli va Majnun.
  4. Kaykavus. “ Qobusnoma ”.
  5. Rashidov Sh. Bo‘rondan kuchli: Roman.
  6. Kodirov P. Humoyun va Akbar. (Avlodlar davoni) Tarixiy roman.
  7. A.S.Pushkin. Masart va Saleri, She’riy dramma.
  8. Lev Tolstoy. Anna Karenina
  9. Aleksandr Dyuma. Graf Monte Kristo (If qal’asining mahbusi). Roman.
  10. Aytmatov Ch. Qiyomat. Roman.
  11. (Qo‘shimcha) Ernest Xeminguey. “Chol va dengiz”.

Ko‘rik tanlov shartlari:

1 shart. “Prezident asarlarini o‘rganamiz”.

Perezident asarlari bo‘yicha bilet savollariga (1 bilet x 3 savol) javoblar.

Har bir ishtirokchi navbatma-navbat biletlardagi 3 tadan savolga javob beradi.

2 shart. “Tafakkur sinovi”. O‘qib eshittirilgan jumla yoki hikoya qaysi kitobdan olinganligini topish.

Ishtirokchiga o‘qib eshittirilgan jumla yoki hikoya aniq qaysi bir asarga oidligini topish vazifasi topshiriladi. Ishtirokchi o‘qib eshittirilgan jumla yoki hikoyani topadi va uni izohlab beradi.

3 shart. “Savollarga javoblar”. 10 ta kitobning har biri bo‘yicha alohida savol (jami har bir ishtirokchiga 10 tadan)larga javob berish (sahnada). ishtirokchilar birin-ketin sahnadagi raqamni tanlaydi va raqam ortiga yashiringan asar bo‘yicha tuzilgan savollarga javob beradi.

4 shart. “Kitobxon-kitobxonga”. Ishtirokchilar bu turda navbati bilan o‘zining sevimli asari bo‘yicha bir-birlariga savollar beradi va navbatdagi ishtirokchi unga javob berishi tarzida o‘tkaziladi.

         Ko‘rik tanlovda jami kurslar bo‘yicha 8 nafar talabalar ishtirok etdi. Shulardan:

1.Pardaboev Farrux  –  1-o‘rin;

2.Abdumajidov Shoxrux – 2-o‘rin;

3.Sulaymonov Iskandar – 3-o‘rinni egallab ikkinchi institut bosqichiga ishtirok etish bo‘yicha yo‘llanmani qo‘lga kiritdilar. Ko‘rik tanlov so‘ngida ishtirokchi talabalar fakultet raxbariyati tomonidan faxriy yorlik hamda esdalik sovg‘alari bilan taqdirlandilar.

Shundan so‘ng institut ARM tomonidan 120 nomdagi jami 250 dona  kitoblar taqdimoti  ham talabalarda katta qiziqish uyg‘otdi.

 

Tarix fakulteti ma’naviy-ma’rifiy

ishlar bo‘yicha dekan o‘rinbosari:                                                       F.Akchaev