Ma’naviy-ma’rifiy ishlar bo’limi

Bo’lim boshlig’i: Xushnazarov Farxod Norbo’tayevich
Telefon: 226-35-91
E-pochta: fkushnazarov_1979@umail.uz
A’zolari:    uslubchi: Shirinboyev Asliddin
uslubchi: Qudratov Begzod
                 sport zallari mudiri: O’ngalov Furqat
                 madaniyat saroyi direktori: Xolboyev Asliddin
O’zbekiston Respublikasi Prezidenti I.A.Karimovning 1998 yil 24-iyuldagi «Ma’naviy-ma’rifiy islohotlarni yanada chuqurlashtirish  va uning samaradorligini oshirish chora – tadbirlari  to’g’risida»gi Farmoni hamda O’zbekiston Respublikasi Prezidentining 2006 yil 25-avgustdagi “Milliy g’oya va targ’ibot va ma’naviy-ma’rifiy ishlar samaradorligini oshirish to’g’risida”gi 451-sonli Qarori institutda ma’naviy-ma’rifiy ishlarni yo’lga qo’yishda  asosiy yo’nalish qilib olingan. Zero mamlakatimizning mustaqilligini ta’minlash, amalga oshirilayotgan islohotlarni yanada takomillashtirish va uning samaradorligini oshirish sharoitida yosh avlodni, shu jumladan, talabalarni har tomonlama yetuk, davr talablariga javob bera oladigan, yangi tipdagi  yuqori malakali mutaxassis, shu bilan bir qatorda  ma’naviy-ma’rifiy, ahloqiy-ruhiy, siyosiy va jismoniy jihatdan barkamol, Vatanga, el-yurtiga sadoqatli kishilar qilib tarbiyalash bugungi kunning eng dolzarb  vazifalardan biridir.

  Institutida ma’naviy-ma’rifiy ishlar O’zbekiston Respublikasi Prezidenti farmonlari, Oliy Majlis va Vazirlar Mahkamasi qarorlari, shuningdek,  «Ta’lim to’g’risida»gi Qonun va «Kadrlar tayyorlash milliy dasturi»da belgilangan zamonaviy bilim va ixtisoslik malakalarini berishni davr talablari darajasiga ko’tarish, ularda erkin fuqaro ma’naviyatini, ozod inson shaxsini shakllantirishga qaratilgan.

Prezident I.Karimovning asarlarida  ham yoshlar masalasi o’zining atroflicha keng va chuqur ifodasini topgan. Ayniqsa, mamlakatimiz talaba-yoshlarining siyosiy ongini, madaniyatini, sezgirligi va  xushyorligini yanada oshirish, jamiyatda sodir bo’layotgan o’zgarishlarga, voqyea-hodisalarga, islohotlarga faol munosabatni tarbiyalash, hozirjavob bo’lishlik hamda xalqimiz va Vatanimiz taraqqiyotiga tahdid solayotgan turli ko’rinishdagi ekstremistik oqimlar ta’siridan ularni himoya qilishga qaratilgan ma’naviy-axloqiy tarbiya davlat siyosatining asosiy, ustivor yo’nalishi deb  e’tirof etilgan.

         Prezident farmonlari, Vazirlar Mahkamasi Qarorlari, OO’MTV va XTVning  buyruqlarini bajarish yuzasidan ma’naviy-ma’rifiy  bo’limning 2013-2014 o’quv yili uchun tuzilgan tadbirlar  rejasi asosida qo’yidagi  ishlar amalga oshirildi. Ushbu ish reja 8 bo’lim, 74 banddan iborat bo’lib, unda butun o’quv yili davomida professor-o’qituvchilar va talabalar bilan o’tkazadigan tadbirlar aks etgan. Tadbirlarimizning ma’lum qismi respublikamizda joriy qilingan bayramlar, tarixiy sanalar, davlatimiz ramzlari qabul qilingan kunlar, insonparvarlik, vatanparvarlik, milliy istiqlol g’oyalarini targ’ib qilish, taniqli fan, san’at va madaniyat arboblari bilan uchrashuvlarga bag’ishlanadi.

O’zbekiston Respublikasi Prezidenti Islom Karimovning asarlariga tayangan holda talaba-yoshlarda yuksak ma’naviy fazilatlarni kamol toptirish, milliy istiqlol g’oyalarini shakllantirish, boy madaniy merosimiz, tarixiy an’analarimiz, umuminsoniy qadriyatlarimizga hurmat, ona Vatanga muhabbat, Istiqlol g’oyalariga sadoqat ruhida tarbiyalashga alohida e’tibor berib kelinmoqda. Talaba-yoshlar ongiga milliy istiqlol g’oyasi quyidagi usullar va vositalar orqali singdirilmoqda:

1. Prezident Islom Karimov asarlarining taqdimoti orqali.

2. Bahs-munozaralar va insho tanlovlari orqali.

3. Test olish va ularni tahlil qilish orqali.

4.  Savol-javoblar o’tkazish va uni tahlil qilish orqali.

5.  Berilgan savollarga yozma javoblar olish va uni tahlil qilish orqali.

6.  Elektron darsliklardan foydalanish orqali.

7.  Vatanimiz bo’ylab sayoxatlar uyushtirish va ulardan olgan taassurotlar orqali.

8.  Talablarning kino va teatrlardan olgan taassurotlari orqali.

9.   Fan arboblari, ijodkorlarning suhbatlari orqali.

10. O’tmish  boy madaniy merosimizni o’rganish orqali.

Ma’naviy-ma’rifiy tadbirlarga institut professor-o’qituvchilari xuquq tartibot xodimlari, mahalla faollari, ota-onalar, jamoat tashkilotlari jalb etilmoqda.  Institutda Jizzax shahridagi ko’pgina tashkilotlar bilan xamkorlik qilish uchun shartnomalar tuzildi. Jumladan: Viloyat Adliya boshqarmasi, IIB, prokuratura va muzeylar bilan shartnomalar tuzildi. Shuningdek institut jamoat tashkilotlari O’zLeDP, Milliy tiklanish demokratik partiyasi, “Mahalla”, “Xayriya” jamg’armasi va boshqa tashkilotlar bilan ham yoshlarni ma’naviy-ma’rifiy va ahloqiy tarbiya yo’nalishida turli tadbirlar o’tkazib bormoqda.

         Ijtimoiy-gumanitar fanlar va maxsus kurslarni o’qitish jarayonida yoshlarni g’oyaviy qurollantirishga e’tibor qaratilmokda. Xuquqbuzarlik va jinoyatchilikni oldini olish maksadida talabalarning bo’sh vaqtlarini mazmunli o’tkazishga e’tibor qaratilmoqda. Institut «Ma’naviyat va ma’rifat» bo’limi o’z faoliyatini «Kamolot» yoshlar ijtimoiy xarakati boshlang’ich tashkiloti, Xotin-qizlar kengashi, Kasaba uyushmasi, Ibn Sino salomatlik markazi,  Madaniyat saroyi, Axborot resurs markazi, Talabalar Kenagashi, Murabbiylar Kengashi, Oqsoqollar Kengashi  va “Talaba”sport klubi bilan xamkorlikda dastur ishlab chiqib va shu dastur asosida ish yuritish bilan boshladi.

Birinchi kurs talabalarini institutdagi mavjud shart-sharoitga ko’niktirish ishlarini samarali tashkil etildi. “Birinchi kurs maktabi” tadbiri yuqori saviyada tashkil etildi.

Talabalar ustoz-murabbiylarni biriktirildi, ular uslubiy materiallar bilan ta’minlandi.

Ta’lim muassasasi hamda talabalar turar joylaridagi “Ma’naviyat va ma’rifat” xonalarini jihozlandi.

– Ma’naviyat xonalari Respublika Ma’naviyat targ’ibot markazi tomonidan ishlab chiqilgan tavsiyanoma asosida jihozlandi;

– Ma’naviyat xonalari ko’rgazmali va targ’ibot vositalar, uslubiy, ilmiy, badiiy adabiyotlar bilan ta’minlandi, xonalarning moddiy va uslubiy ta’minotini mustahkamlandi;

 – gazeta va jurnallarning davriyligini ta’minlandi, axborot-resurs markazining ma’naviy-ma’rifiy sohaga oid yangi adabiyotlar bilan boyitilib, talabalarning o’qib-o’rganishlari uchun shart-sharoitlar yaratildi.

Oliy va o’rta maxsus ta’lim vazirligining 2011 yil 27 iyuldagi “Respublika oliy ta’lim muassasalarida odob-axloq qoidalarini joriy etish to’g’risida”gi 4/3-sonli Hay’at qaroriga asosan institutga moslashtirilgan qo’llanma mavjud bo’lib, ushbu qo’llanmani 7000 nusxada ko’paytirilib, institut professor-o’qituvchilariga, hamda talabalarga tarqatildi. Axborot va Muloqot soatlarida barcha akademguruhlarda “Oliy ta’lim muassasasining “Odob-axloq qoidalari” to’g’risida”gi kitobi taqdimoti o’tkazildi. Taqdimotda mazkur kitob barcha bo’lim va bandlari o’rganib chiqildi. Institutda odob-ahloq qoidalariga amal qilinishi va o’rganilishini samarali tashkil etish maqsadida institutning ma’naviy-ma’rifiy ishlar bo’yicha prorektori boshchiligida ishchi guruh tuzilib fakultetlar kesimida har bir akademik guruhlarda talabalarning “Qoidalar” bilan tanishganlik darajasi o’rganilib, mazkur qoidalar yuzasidan test olingan, shuningdek institutning barcha fakultetlarida o’tkazilgan ota-onalar yig’ilishlarida Qoidalar joriy etilganligi va uning mazmun-mohiyati to’g’risidagi tushunchalar ota-onalarga yetkazildi. Bundan tashqari talabalarning muomila madaniyati, kiyinish madaniyati, xulq-atvorini shakllantirish maqsadida har chorakda bir marotaba talabalar o’rtasida davra-suhbatlari o’tkazib kelindi.

           Ijtimoiy-ma’naviy muhitni sog’lomlashtirish bo’yicha institutda professor-o’qituvchilar va talabalar o’rtasida hamjihatlik yaxshi yo’lga ko’yilgan. Talabalar bilan muntazam ravishda institut rektori hamda raxbarlar ishtirokida “Ochiq eshiklar kuni” uchrashuvlar tashkil etildi.

         O’zbekiston Respublikasi Vazirlar Mahkamasining farmoyishi ijrosi hamda O’zbekiston Respublikasi Oliy va o’rta maxsus ta’limi vazirligining 2013 yil 7 martdagi “Ta’lim muassasalarida obodonlashtirish va ko’kalamzorlashtirish oyliklari hamda umumxalq xayriya xasharini tashkil etish to’g’risida”gi 72-sonli buyrug’i ijrosini ta’minlash maqsadida 2013 yil 16-17 mart kunlari umumxalq hayriya xashari o’tkazildi. O’tkazilgan xashar davomida institutdan 456 nafar professor-o’qituvchi va ishchi xodimlar hamda 4856 nafar talabalar faol ishtirok etishdi.

       Institut jamoasi o’rtasida ig’vogarlik, shikoyatbozlik, mahalliychilik, qarindosh-urug’chilik kabi salbiy holatlar kuzatilmadi.

       Institut ichki nazorat va monitoring bo’limi Nizomiga muvofiq, 2012-2013 o’quv yili birinchi yarim yilligi bo’yicha bo’lim qoshida tashkil etilgan jamoatchilik kengashi a’zolari ishtirokida talabalar o’rtasida ijtimoiy so’rovnomalar o’tkazildi.

       Tarbiyaviy ishlarni tashkil etishning muhim mexanizmlari: “Axborot guruhi”, “Notiqlar” va “Munozara” debat klublari, “Ibn Sino” salomatlik ma’rifat maskani faoliyatini samarali yo’lga qo’yildi.

       Quyidagi turli tanlov va musobaqalar (badiiy, san’at, ijodiy, sport)da talabalar ishtiroki ta’minlanib, ularda sovrindor bo’lgan talabalar to’g’risida ma’lumotlar bazasini shakllantirildi hamda ularni ma’naviy-ma’rifiy ishlarga faol jalb etish tadbirlarini amalga oshirildi. Jumladan: Xalqaro; Respublika; Fond forum; “Kelajak ovozi”; “Mehr nuri”; “Kamolot ta’lim grantlari”; “Barhayot an’analar”; “Zulfiya” mukofoti; “Nihol” sovrini; “O’zbekiston belgisi”; Ma’naviy-ma’rifiy yo’nalishda ilmiy-tadqiqot ishlarini tashkil etish bo’yicha;

– olimlar va ilmiy-tadqiqotchilarni ma’naviy-ma’rifiy ishlar jarayoniga ilmiy-amaliy jihatdan jalb etish;

– barkamol shaxsni tarbiyalashga qaratilgan tadqiqot ishlari natijalarini tarbiya jarayoniga joriy etib borish;

– ma’naviy-ma’rifiy ishlarning dolzarb masalalariga bag’ishlab ilmiy-amaliy konferensiyalar o’tkazish hamda ilmiy jurnal va gazetalarda maqolalar e’lon qilib borish.

Ko'rishlar soni(251)