Jizzax davlat pedagogika instituti Tabiiy fanlar fakulteti Gegrafiya o‘qitish metodikasi kafedrasi tomonidan respublika ilmiy-amaliy konferensiya bo‘lib o‘tdi

O‘zbekiston Respublikasi xalq ta’limi vazirligining 2017 yil 24 fevraldagi 03-02/1-3 1502-sonli xatiga muvofiq shu yilning 27-28-aprel kunlari Jizzax davlat pedagogika institutida “Geografiyaning mintaqaviy muammolari” mavzusidagi ilmiy-amaliy konferensiyasi bo‘lib o‘tdi. Ilmiy anjumanga tayyorgarlik ko‘rish va o‘tkazish bo‘yicha institut rektorining buyrug‘i chiqarildi va chora-tadbirlar rejasi ishlab chiqildi hamda rejada ko‘rsatilgan bandlarni bajarish bo‘yicha mas’ullar tayinlandi.

konf3

Respublika ilmiy-amaliy konferensiyaning dasturi ishlab chiqildi va tasdiqlandi hamda dasturga muvofiq quyidagi ishlarni amalga oshirish belgilab olindi:

ilmiy-amaliy konferensiyaning axborot xatini tayyorlash va uni respublikamizning barcha oliy o‘quv yurtlari elektron manziliga jo‘natish;konf2

anjumanning taklifnomasini tayyorlash va uning elektron nusxasini konferensiya qatnashchilari elektron manzillariga jo‘natish;

ilmiy-amaliy konferensiyaning veb saytini yaratish, ular xaqidagi ma’lumotlarni konferensiya qatnashchilariga taqdim etish;

konferensiya ishtirokchilarining ro‘yxatini tuzish va kelib-ketish dasturlarini ishlab chiqish;konf

anjumanda ishtirok etish istagini bildirgan olimlar ro‘yxati tuzib chiqish va ularni joylashtirish.

Konferensiyani o‘tkazishda 5 ta sho‘‘ba bo‘yicha ish olib borilishi ko‘zda tutilgan hamda maqolalarni rasmiylashtirish tartib-qoidalari axborot xatida ko‘rsatib o‘tilgan. Konferensiya yuborilgan maqolalar elektron pochta orqali qabul qilinib, ularning har biri tahrir qilindi va sho‘‘balarga kiritildi.

Konferensiya sho‘‘balarining har biriga boshlanish vaqti, o‘tkazilish joyi, raisi va kotibi belgilandi. Shuningdek, konferensiya yalpi majlisida ma’ruzachilarning vaqti va ma’ruza mavzulari belgilandi. Konferensiyaning axborot xatida ko‘rsatilgan muddatgacha kelib tushgan maqolalar har biri sho‘‘balarga kiritilib bo‘lgandan so‘ng bosmaxonada sahifalandi va shu asosda taklifnoma dasturi barcha respublika oliy o‘quv yurtlarining elektron manzil orqali yuborildi.

Konferensiyaga yuborilgan maqolalar jami 146 ta tashkil etgan bo‘lib, ilmiy maqolalar to‘plami Jizzax davlat pedagogika instituti Kengashi yig‘ilishining 2017 yil 31 martdagi nashrga tavsiya etish to‘g‘risidagi № 5-sonli qaroriga asosan chop etish uchun 2017 yil 17 aprelda bosmaxonaga berildi. Ilmiy to‘plam jami 336 betdan iborat bo‘lib, 21,0 shartli bosma taboqda va adadi 100 nusxada “RAYXONA XONDAMIRBEK” MChJ matbaa bo‘limida chop etildi.

Konferensiyaga O‘zMU, SamDU, TDPU, QarshiDU, TermizDU, FarDU, NamDU, GulDU, BuxDU, QQDU, Nukus DPI, NavDPI, Qo‘qon DPI va Jizzax DPI, shuningdek, Buxoro, Navoiy, Surxondaryo, Sirdaryo, Jizzax VPQTMOIlaridan  jami 146 ta ilmiy maqolalar kelib tushdi.

Konferensiyaga O‘zbekiston milliy universiteti, Samarqand davlat universiteti, Qarshi davlat universiteti, Termiz davlat universiteti, Toshkent davlat pedagogika universiteti singari respublikamizning nufuzli oliy o‘quv yurtlari, shuningdek, institutimizning taniqli professor-o‘qituvchilari tashrif buyurishdi.

Konferensiyani institut rektori nomidan institut ilmiy ishlar prorektori dots. M.Sultonov kirish so‘zi bilan ochib berdi va anjumanning yalpi majlisiga raislik qildi. Shuningdek, konferensiya ishtirokchilarini O‘zbekiston geografiya jamiyati raisi O‘zMU professori F.Hikmatov, JizzaxDPI Tabiiy fanlar fakulteti dekani dots. U.Xudanov, kafedra professori v/b. Q.Hakimovlar tabriklashdi.

Yalpi majlisda O‘zbekiston Geografiya jamiyati raisi, g.f.d. prof. F.Hikmatov, Samarqand DU professorlari A.A.Abdulqosimov, S.B.Abbasov, Toshkent DPU geografiya kafedrasi mudiri, dotsent N.R.Alimqulov, O‘zMU dotsenti M.Mirakmalov, SamDU doktoranti Q.Yarashev, QarshiDU doktoranti M.Fayzullayev, kafedra mudiri dots. O.Muxamedovlar o‘z ma’ruzalari bilan ishtirok etishdi.

Konferensiya ishi tushlikdan keyin soat 1400-1700 gacha sho‘‘balarda davom ettirildi. I sho‘‘ba – 242-xonada Tabiiy geografiyaning asosiy muammolari bo‘yicha ish olib bordi. Sho‘‘baga g.f.d. professor A.A.Abdulqosimov raislik qildi va tabiiy geografiyaning asosiy muammolari bo‘yicha ishtirokchilarning ma’ruzalari tinglandi.

II sho‘‘ba – 539-xonada iqtisodiy va ijtimoiy geografiya yo‘nalishi bo‘yicha ish olib bordi. Sho‘‘baga raislik qiluvchi O‘zMU professori g.f.d. N.Komilova ma’lum sababga ko‘ra kela olmaganligi uchun kafedra mudiri O.Muxamedov raislik qildi hamda sho‘‘ba bo‘yicha ishtirokchilarning ma’ruzalari tinglandi.

III sho‘‘ba – 549-xonada quruqlik gidrologiyasi, topografiya, kartografiya va kadastr yo‘nalishi bo‘yicha faoliyat ko‘rsatdi. Sho‘‘baga O‘zbekiston Geografiya jamiyati raisi, g.f.d., prof. F.Xikmatov raislik qildi va sho‘‘ba bo‘yicha ishtirokchilarining ma’ruzalari tinglandi.

IV sho‘‘ba – 531-xonada toponimika va geografiya ta’limining dolzarb muammolari yo‘nalish bo‘yicha g.f.n., prof. K.Xakimov raisligida konferensiya qatnashchilari  o‘z ma’ruzalari bilan ishtirok etishdi.

V sho‘‘ba –  530-xonada Geoekologiya va atrof-muhitni muhofaza qilish muammolari yo‘nalishi bo‘yicha ish olib borildi.  Sho‘‘baga raislik qiluvchi SamDU professori g.f.d. L.Alibekov ma’lum sababga ko‘ra kela olmaganligi uchun SamDU professori g.f.d. S.B.Abbasov raislik qildi hamda sho‘‘ba bo‘yicha ishtirokchilarning ma’ruzalari tinglandi.

Konferensiya ishi yuzasidan quyidagi takliflar kiritildi:

  • geografiyaning mintaqaviy muammolari bo‘yicha konferensiya ishtirokchilari tomonidan kiritilgan barcha takliflar axborot uchun qabul qilinsin;
  • geografiya ta’limi o‘quv jarayoniga xalqaro ta’lim standartlariga asoslangan ilg‘or pedagogik texnologiyalar, o‘quv dasturlari va o‘quv uslubiy materiallarni keng joriy qilish;
  • respublika oliy o‘quv yurtlarida geografiya ta’limini yanada rivojlantirish va talabalarning tabiiy bilimlarini kengaytirish maqsadida o‘quv rejadagi “Ekologiya va tabiatni muhofaza qilish” kursini geograf mutaxassislar tomonidan o‘qitilishi;
  • o‘quv pedagogik faoliyatga, master klasslar o‘tkazishga respublikamizning yetakchi oliy o‘quv yurtlaridan yuqori malakali mutaxassislar va olimlarni jalb qilish;
  • kafedraning yosh o‘qituvchi va ilmiy xodimlarining ilmiy tadqiqot ishlari bilan samarali shug‘ullanishlari uchun maqsadli doktorantura, stajirovka va  malaka oshirishini tashkil qilish;