Jizzax davlat pedagogika instituti majlislar zalida Zulfiya tavalludining 102 yilligi munosabati bilan “Baxtim shul, o‘zbekning Zulfiyasiman” mavzusida adabiy-badiiy tadbir bo`lib o`tdi

Tadbirni institut ma’naviy-ma’rifiy ishlar prorektori F.Ahmedov kirish so‘zi bilan ochib berdi. O‘zbek xalqining sevimli shoirasi, taniqli jamoat arbobi Zulfiya Isroilova ijodiy kamolotida o‘zbek va rus klassiklari, xalq og‘zaki ijodiyoti va jahon adabiyoti an’analarining roli benihoya ko‘p ekanligi ijodkorni ilhomlantiradi.

Manaviy

Shoira Zulfiya tavalludiga 102 yil to‘ldi. Bu qutlug‘ sanani yurtimizning barcha go‘shalarida keng nishonlashga tayyorgarlik ko‘rilayotir. Zero, shoiraning hayoti va ijodini o‘rganish yuksak ma’naviyatni shakllantirishning muhim omilidir. Shoiraning adabiy merosi bizga bir umrlik ma’naviy xazina deb bilaman.



Manaviy 3 Mamlakatimizda Zulfiya yodi abadiy saqlanib qolishi uchun juda ko‘p ishlar amalga oshirilgan va hozirgi kunga qadar davom etmoqda. Jumladan, yurtimizda Zulfiya nomidagi Davlat mukofotini ta’sis etilganligi fikrimizning dalilidir. Shoira xotirasi qalbimizda mangu muhrlanib qolishiga astoydil ishonch bildiraman. Uning asarlarini sevib mutolaa qilib kelayotgan yosh avlod vakillari o‘zbek xalqining naqadar yuksak ma’naviyatli ekanligini, ajdodlar merosi oltinga teng xazina ekanligini tushunib yetadi, deb, so‘zini yakunladi.

Manaviy 8

Shundan so‘ng, O‘zbek tili va adabiyoti fakulteti uchinchi bosqich talabasi Dilrabo Xolbekova “Zulfiya hayoti, ijodi va lirikasi” mavzusidagi ma’ruzasi bilan so‘zga chiqdi. U o‘z ma’ruzasida O‘zbekistonda Zulfiya ijodining ham barcha ijodkorlar singari mustaqillikdan so‘ng o‘zining xolis bahosini topdi. Zero, O‘zbek shoirasi 1915 yilning 1 martida Toshkentda tug‘ilgan.

Manaviy 2 O‘rta maktabdan so‘ng pedagogika institutida va aspiranturada ta’lim olgan. Hind mavzuidagi she’rlari uchun Javoharla’l Neru nomidagi xalqaro mukofotga, tinchlik va do‘stlikni tarannum etuvchi asarlari hamda taraqqiyparvar Osiyo va Afrika yozuvchilari harakatidagi faol ishtiroki uchun esa xalqaro «Nilufar» mukofotiga sazovor bo‘lgan. Zulfiya 17 yoshida nashr etilgan «Hayot varaqlari» (1932) nomli birinchi she’rlar to‘plami bilan Oydin, Muzayyana Alaviya, Xosiyat Tillaxonovalar safiga kirib keldi. Shoira «She’rlar» va «Qizlar qo‘shig‘i» (1938) kabi poetik asarlarini ona Vatan va uning dala, cho‘llarida mehnat qilayotgan paxtakorlar, traktorchi qizlarning qaynoq hayotlariga bag‘ishlaydi. Ayni chog‘da, mazkur to‘plamlardagi she’rlari shoiraning mahorat sirlarini egallayotgan davrini xarakterlovchi asarlar sifatida ham muhim edi. Urush davrida «Uni Farhod derdilar» (1943), «Hijron kunlarida» (1944) kabi to‘plamlarining nashr etilishi Zulfiyaning‘ peshqadam shoirlar qatoriga dadil kirib kelayotganligidan dalolat berdi deb, aytib o‘tdi.

Manaviy 4

– Dunyoda shunday ulug‘ zotlar yashaydiki, ularning ulug‘ligini ularning qoldirgan merosi orqali anglaymiz, anglaganimizning sababi ularning iste’dodi kishini hayratda qoldiradi – deydi Jizzax davlat pedagogika instituti Tarix fakul’teti professori Faniya Axmedshina. – Shu o‘rinda, Zulfiya siymosiga nazar tashlaydigan bo‘lsak, haqiqatdan ham dunyo tarixida ko‘rinadigan ayollardan desak mubolag‘a bo‘lmaydi.

Manaviy 5

Tadbirda Jizzax shahar hokimligi xotin-qizlar qo‘mitasi bosh mutaxassisi Fotimia Mamasiddiqova, Zulfiya nomidagi Davlat mukofoti sohibasi Iroda Matmurodovalar so‘zga chiqdi. Xususan, F.Mamasiddiqova o‘z nutqida shahar yoshlari, ayniqsa, Jizzax Davlat pedagogika instituti talaba-qizlari o‘zlarining yorqin iste’dodlari bilan alohida ajralib turadi. Zero, Zulfiya nomidagi Davlat mukofoti tanlovining shahar bosqichida, turli tanlovlar va tadbirlarda faol ishtirok etib kelmoqdalar.

Manaviy 7

Ma’ruza chiqishlardan so‘ng, tadbirning asosiy qismi boshlandi. Bunda Zulfiya ijodiga bag‘ishlangan slaydlar, videoroliklar, O‘zbek tili va adabiyoti fakulteti talabalari tomonidan mushoiralar, Musiqiy ta’lim yo‘nalishi talabalari tomonidan kuy-qo‘shiqlarning namoyish etilishi ishtirokchilarda katta taassurot qoldirdi.

Manaviy 6