JIZZAX DAVLAT PEDAGOGIKA INSTITUTIDA O’TKAZILGAN KONFERENTSIYALAR

O’zbekiston Respublikasi Oliy va o’rta maxsus ta’lim vazirligi, O’zbekiston Respublikasi  Fanlar akademiyasi, O’zbekiston Respublikasi Prezidenti huzuridagi  Davlat boshqaruvi  akademiyasi, O’zbekiston Respublikasi Vazirlar Mahkamasi qoshidagi Fan va texnologiyalarni rivojlantirishni muvofiqlashtirish qo’mitasi, O’zbekiston Respublikasi Prezidentining “Iste’dod” jamg’armasi hamda “Kamolot” yoshlar -ijtimoiy harakati hamkorligida “XXI asr-intellektual avlod asri” shiori ostida rejalashtirilgan yosh olim va talabalarning hududiy (Jizzax va Sirdaryo viloyatlari miqyosida) ilmiy-amaliy konferentsiyasi joriy yilning 23-24 may kunlari Jizzax davlat pedagogika instituti bazasida o’tkazildi.

         Anjumanning maqsadi:

O’zbekiston Respublikasida fan va texnologiyalar modernizatsiyasi borasida amalga oshirilayotgan tub islohotlar samaradorligini oshirish, mamlakatimiz taraqqiyotini ta’minlashga yoshlarni keng jalb etish, ularning iqtidori, ilmiy salohiyati va shijoatidan unumli foydalanish hamda zamonaviy texnika va texnologiya, axborot-kommunikatsion madaniyatini puxta o’zlashtirgan, murakkab va keng ko’lamli vazifalarni hal etishga qodir bo’lgan bilimli, yetuk yosh olimlarni tarbiyalashga ko’maklashish, ular o’rtasida hamkorlik muhitini rivojlantirish, ilmiy faoliyatini qo’llab-quvvatlash va rag’batlantirish.

Hududiy  anjumanda quyidagi sho’’balar bo’yicha ish olib borildi:

1-sho’’ba: Ijtimoiy-gumanitar fanlar.

2- sho’’ba: Tabiiy fanlar.

3- sho’’ba: Aniq fanlar.

4- sho’’ba: Texnika fanlari.

Anjuman yakunida Ishchi guruh tomonidan hududiy ilmiy-amaliy anjumanda sho’’balar bo’yicha 1,2,3 o’rinni egallagan ishtirokchilar aniqlab olindi (g’oliblar to’g’risidagi ma’lumotlar ilova qilinadi). Ular qimmatbaho sovg’alar, faxriy yorliqlar bilan rag’batlantirildi va 2014 yil Buxoro davlat universitetida o’tkaziladigan  “XXI asr-intellektual avlod asri” shiori ostidagi Respublika ilmiy-amaliy anjumanida ishtirok etish uchun tavsiya qilindi. Anjuman materiallari to’plam shaklida chop etildi.

Ko'rishlar soni(68)