2016-yil Sog’lom ona va bola yili

«Sog`lom ona va bola yili» Davlat dasturini ishlab chiqish va amalga oshirishning tashkiliy chora tadbirlari tug`risida

Xalkimizning asriy an’analarini hisobga olib, «Ona va bola sog’lom bo’lsa, oila baxtli, oila baxtli bo’lsa, jamiyat mustaxkam bo’ladi» degan hayotbaxsh kadriyat va olijanob g’oya jamiyatda chukurrok anglab etilishiga va karor topishiga yunaltirilgan keng chora-tadbirlar kompleksini amalga oshirish bo’yicha olib borilayotgan ishlarning darajasini yanada yuksaltirish, oilani, onalik va bolalikni muhofaza qilish tizimini yanada takomillashtirish, jamiyatda onalarga alohida hurmat-ehtirom muhitini shakllantirish, sog’lom va barkamol avlodni tarbiyalash, oilaning mustahkam, sog’lom va ahil bo’lishida mahalliy davlat hokimiyati organlari va jamoat tashkilotlarining hamkorligini kuchaytirish maqsadida, shuningdek 2016 yil O’zbekiston Respublikasida «Sog’lom ona va bola yili» deb e’lon qilinganligi munosabati bilan:
1.«Sog’lom ona va bola yili» Davlat dasturini ishlab chiqish va amalga oshirish bo’yicha Respublika komissiyasi ilovaga* muvofiq tarkibda tashkil etilsin.
2.Respublika komissiyasi (Sh. Mirziyoev):
manfaatdor vazirliklar va idoralar, Qorakalpog’iston Respublikasi Vazirlar Kengashi, viloyatlar va Toshkent shahri hokimliklari bilan birgalikda, fuqarolarning o’zini o’zi boshqarish organlarini, boshqa jamoat va noxukumat tashkilotlarini keng jalb etgan holda bir oy muddatda «Sog’lom ona va bola yili» Davlat dasturining loyihasini ishlab chiqsin va tasdiqlash uchun kiritsin;
«Sog’lom ona va bola yili» Davlat dasturining asosiy yunalishlarini chuqurrok ishlab chiqish uchun ishchi guruhlar tashkil etsin va ularga res- publikaning etakchi mutaxassislari va olimlarini, keng jamoatchilik va- killarini jalb etsin.
3.«Sog’lom ona va bola yili» Davlat dasturi loyihasini ishlab chiqishda, sog’lom va barkamol avlodni shakllantirish, xotin-qizlarning turmush sharoiti va darajasini har tomonlama yaxshilash yuzasidan olib borilayotgan keng ko’lamli ishlarni yanada mantiqiy davom ettirish maqsadida, quyidagi ustuvor vazifalarni amalga oshirishga alohida e’tibor qaratilsin:
oilani, onalik va bolalikni muxofaza qilish, ayollar manfaatlarini ximoya qilish, sog’lom bolani tarbiyalashda ularning rolini oshirish, kuchli, barqaror va ravnaq topayotgan davlatning negizi sifatida oila institutini mustahkamlashga yo’naltirilgan qonunchilik va normativ-huquqiy bazani yanada takomillashtirish;
olis va chekka qishloq tumanlarida yashayotgan axoli, ayniqsa ayollar uchun zarur ijtimoiy, maishiy va tibbiy nuktai nazardan zarur sharoitlar yaratish, qishloq joylarda namunaviy loyixalar asosidagi zamonaviy uy-joylar, ijtimoiy infratuzilma ob’ektlarini barpo etish, qishloq axolisini toza ichimlik suv, tabiiy gaz bilan ta’minlash, xizmatlar ko’rsatish va servis darajasini yuksaltirish borasidagi ishlarni izchil davom ettirish;
tibbiyot muassasalarining, jumladan perinatal va skrining markazlarning moddiy-texnika bazasini va qadrlar salohiyatini yanada mustahkamlash, oilaviy poliklinikalar va qishloq vrachlik punktlarining ish samaradorligini oshirish, patronaj tibbiyot hamshiralarining sonini ko’paytirishni ta’minlash, akusher-ginekologlar va bolalar shifokorlari malakasini oshirish;
nikohga kirayotgan shahslarning nikohdan oldin to’lik tibbiy ko’rikdan o’tishini ta’minlash uchun tibbiyot hodimlarining mas’uliyatini kuchaytirish, shu asosda tug’ma va irsiy kasalliklar sonini kamaytirish hamda ushbu maqsadlarda poliklinikalarni zamonaviy tashxis uskunalari bilan jihozlash, ko’rsatilayotgan tibbiy xizmatlar sifatini oshirish, mustahkam oila qurish va sog’lom farzand tug’ilishi uchun nikohdan oldin tibbiy ko’rikdan o’tishning muhimligini aholi keng qatlamlari ongiga singdirgan holda katta tushuntirish ishlarini olib borish;
axolining tibbiy madaniyatini oshirish, sanitariya va gigiena, homilador ayollarning sog’lig’ini saqlash va psihofiziologik ahvolini yaxshilash, yosh onalar va bolalarni tegishli tarzda parvarish qilish sohasidagi ishlarni kuchaytirish, ularning ovqatlanish ratsioni sifati va kaloriyasi yaxshilanishini ta’minlash;
yoshlar orasida jismoniy tarbiya va sportni keng ommalashtirish, yoshlarni, ayniqsa qishloq joylarda qizlarni sport bilan muntazam shug’ullanishga jalb etish, yangi sport ob’ektlarini qurish, ishlab turganlarining moddiy-texnika bazasini mustahkamlash, ularni zamonaviy sport uskuna­lari va anjomlari bilan jihozlash, yuqori malakali trener qadrlar va murabbiylar bilan ta’minlash;
mamlakatimizda tinchlik, osoyishtalik va farovonlikni yanada mustahkamlashning muhim sharti sifatida oilalarda sog’lom ma’naviy muhitni, xususan, o’zaro hurmat-ehtirom, er-xotin o’rtasida, ota-onalar bilan farzandlar, qaynona-kelin o’rtasida, qo’ni-qo’shnilar o’rtasida mehr-oqibat ruxini yaratish;
kiz bolalarni — bulajak onalarni — jismonan sog’lom va intellek­tual rivojlangan tarzda shakllantirish, ularning akademik litseylar va kasb-xunar kollejlarida albatta ta’lim olishini, zamonaviy bilimlar va
kasb-xunarlarga ega bo’lishlarini ta’minlash, ularning xayotda munosib o’rinni egallashlarida, kelajakda sog’lom va mustahkam oila qurishlarida asosiy shart xisoblanmish mustahkam xayotiy pozitsiyani va mustaqil fikrlashni shakllantirish;
sog’lom bolani shakllantirishda ta’lim tizimining rolini kuchaytirish, maktabgacha ta’lim muassasalari tarmog’ini yanada rivojlantirish, boshlang’ich ta’limning yuqori sifatini ta’minlab, ilg’or pedagogika va axborot-kommunikatsiya texnologiyalarini amaliyotga keng joriy etgan holda bolalarni maktabga tayyorlash darajasini tubdan oshirish, sog’lom turmush tarzini keng targ’ib qilish tadbirlarini amalga oshirish;
kasb-xunar kollejlari bitiruvchilarining, avvalo qizlarning ish bi­lan bandligini ta’minlash chora-tadbirlarini amalga oshirish, o’z biznesini yo’lga qo’yish ishtiyoqidagi yoshlarga imtiyozli qreditlar, yosh oilalarga uyjoy sotib olish va qurish uchun ipoteka kreditlari, uzoq muddat foydalaniladigan tovarlar harid qilish uchun iste’mol kreditlari ajratish ishlarini yanada kengaytirish;
dasturiy chora-tadbirlarni amalga oshirish bilan borliq masalalarni hal etishda maxalliy hokimiyat organlari bilan fuqarolarning o’zini o’zi boshqarish organlari, hotin-qizlar va yoshlar birlashmalari, faxriylar tashkilotlari o’rtasidagi hamkorlikni yanada mustaxkamlash, bu ishlarga jamiyatda hurmat va obro’-e’tiborga sazovor bo’lgan keksa avlod vakillarini keng jalb etish;
ommaviy ahborot vositalari, shu jumladan elektron ahborot vositalarining va Internet tarmog’ining imkoniyatlaridan faol foydalangan holda «Sog’lom ona va bola yili» Davlat dasturining maqsadlari va vazifalari hamda Dasturning amalga oshirilishi tug’risida keng ahborot-tushuntirish ishlarini tashkil etish.
4.Qoraqalpog’iston Respublikasida, viloyatlar va Toshkent shahrida Qorakalpog’iston Respublikasi Vazirlar Kengashi Raisi, viloyatlar va Toshkent shaxri hokimlari rahbarligida «Sog’lom ona va bola yili» Davlat dasturining aniq tadbirlarini ishlab chiqish va amalga oshirish, ularni Respublika komissiyasiga taqdim etish bo’yicha hududiy komissiyalar tuzilsin.
5.Mazkur farmoyishning ijrosini nazorat qilish O’zbekistan Respub- likasining Bosh vaziri Sh. Mirziyoev zimmasiga yuklansin.

O’zbekiston Respublikasi                                                                 
         Prezidenti                                                  I.KARIMOV

Ko'rishlar soni(81)