“Geografiya va geografiya ta’limidagi muammolar” mavzusidagi Respublika ilmiy-amaliy konferensiyasi 2018 yil 13-14 aprel kunlari bo‘lib o‘tadi

O‘zbekiston Respublikasi Oliy va o‘rta maxsus ta’lim vazirligi

Abdulla Qodiriy nomidagi Jizzax davlat pedagogika instituti

 

AXBOROT XATI

2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha xarakatlar strategiyasining uchinchi bo‘limiga mos tarzda belgilangan Faol tadbirkorlik, innovatsion g‘oyalar va texnologiyalarni qo‘llab- quvvatlash 2018 yili dasturiga binoan Jizzax davlat pedagogika instituti tomonidan Respublika ilmiy-amaliy konferensiya tashkil tashkil etilmoqda.

       “Geografiya va geografiya ta’limidagi muammolar” mavzusidagi Respublika ilmiy-amaliy konferensiyasi 2018 yil 13-14 aprel kunlari bo‘lib o‘tadi.

Konferensiya quyidagi sho‘balar bo‘yicha faoliyat olib boradi:

 

  1. Tabiiy geografiya, landshaftlar geofizikasi va geokimyosi
  2. Iqtisodiy va ijtimoiy geografiya
  3. Quruqlik gidrologiyasi, suv resurslari va gidrokimyo
  4. Topografiya, kartografiya va kadastr
  5. Toponimikaning dolzarb muammolari
  6. Atrof-muhitni muhofaza qilish va tabiiy resurslardan oqilona foydalanish
  7. Geografiya ta’limida innovatsion texnologiyalardan foydalanish

 

Mualliflar uchun ma’lumotlar:

 Konferensiyaga taqdim etilayotgan maqolalar matni o‘zbek, rus yoki ingliz tillarida yozilgan bo‘lib, 3-5 bet hajmda bo‘lgan holda qabul qilinadi. Matn Microsoft Word dasturida (Times New Roman, 14 shrift, 1,5 interval) tayyorlanib, tashkiliy qo‘mitaga yuboriladi.

Maqola va tezislarda keltirilgan ma’lumotlarning to‘g‘riligi, aniqligi va stilistik xatolarga shaxsan mualliflar javobgardirlar. Magistrantlar va iqtidorli talabalarning tezislari ilmiy rahbarlar tavsiyasi asosida qabul qilinadi.

Matn standart A4 formatda yuqoridan 2,5 sm, pastdan 2,0 sm, chapdan 3,0 sm va o‘ngdan 1,5 sm xoshiya qoldirib yoziladi. Xat boshi 1,25 sm o‘lchamda avtomatik tarzda qo‘yiladi.

Konferensiya materiallari ilmiy to‘plam shaklida ishtirokchilar mablag‘lari hisobiga chop etilishi munosabati bilan har bir bet uchun 10 000 (o‘n ming) so‘m miqdorida oldindan badal xaqi to‘lanadi.

Konferensiyada ishtirok etish uchun maqolalarni yuqoridagi talablarga muvofiq tayyorlab, 2018 yil 7-aprelgacha tashkiliy qo‘mitaga yuborishingizni so‘raymiz.

Maqola va tezislar quyidagi namuna bo‘yicha rasmiylashtirilishi shart:

Jizzax viloyati aholi soni o‘sishining dinamik o‘zgarishlari

Muxamedov O.L., Zaynutdinova D.K.

Abdulla Qodiriy nomidagi Jizzax davlat pedagogika instituti

Matn. Matn. Matn (Soliev A., 2014). ….Matn.

Adabiyotlar:

1.      Soliev A. O‘zbekiston geografiyasi.-T.: Universitet, 2014.-412b.

 

Talab darajasida tayyorlanmagan maqolalar konferensiya to‘plamiga kiritilmaydi va mualliflarga qaytarilmaydi.

Mualliflar faylni o‘zlarining ismi-sharifi bilan nomlashlari lozim.

Manzil:130100, Jizzax shahri, Sh.Rashidov shoh ko‘chasi, Jizzax davlat pedagogika instituti, Geografiya o‘qitish metodikasi kafedrasi.

Tel: (+99893) 343-69-74, (+99893) 303-56-78.  E-mail: zafartoshboyev76@gmail.com