Xalqaro

2008 yil 30 may kuni A.Qodiriy nomli Jizzax davlat pedagogika institutida Xindiston-O’zbekiston aloqalari tadbiri doirasida ilmiy seminar bo’lib o’tdi. O’tkazilgan seminarda Xindistonning O’zbekistondagi elchixonasi siyosiy masalalar bo’yicha kotibi janob Devalning ma’ruzalari tinglandi. Shundan so’ng Xindiston-O’zbekiston hamkorlik aloqalari to’g’risida Jahon iqtisodiyoti va diplomatiya universiteti “Hindiston bilimlari” kafedrasi doktori Jeotsna Bakshi ma’ruza qilib o’tdi.
Jizzax davlat pedagogika instituti bilan chet el xamkorlari o’rtasida professor-o’qituvchilar talabalar almashinuvi yo’lga qo’yilgan. Ukrainaning T.Shevchenko nomidagi Chernigov va P.Ticheni nomidagi davlat pedagogika universitetlari o’rtasida professor-o’qituvchilar va talabalar almashuvi bo’yicha hamkorlik shartnomalari tuzilgan.
Birlashgan yadro tadqiqotlari instituti (Rossiya, Dubna shahri) bilan mustahkam aloqa o’rnatilgan. Bugungi kunda institutimiz xodimi Qaxramon BYaTI (Rossiya, Dubna shaxri)da shartnoma asosida faoliyat yuritmoqda. (jadvalda kursatilgan)
Institutda tahsil olayotgan xorijiy talaba, stajyor, aspirant, doktorant xamda faoliyat ko’rsatayotgan professor-o’qituvchilar yo’q.
Turli xalqaro fondlar va tashkilotlar haqida ma’lumotlar to’planib, ular bilan barcha fakultet va kafedralar xabardor etilib kerakli xujjatlar bilan ta’minlanib borilmoqda.
2008 yil 7-14 iyul kunlari Jizzax davlat pedagogika institutiga birgalikdagi o’zaro hamkorlik shartnomasiga asosan Birlashgan Yadro Tadqiqotlari instituti olimlaridan Plexanov Yevgeniy xamda Afanasyev Sergeylar tashrif buyurishdi. Birgalikda olib borilayotgan hamda kelgusida qilinadigan ishlar rejalashtirib olindi. Jizzax davlat pedagogika instituti fizika-astronomiya yo’nalishi talabalarini Birlashgan Yadro Tadqiqotlari institutida magistiraturani davom ettirish masalalari kelishib olindi.
Ushbu safarlardan maqsad, chet el ta’lim muassasalari va tashkilotlari professor-o’qituvchilarini institut ta’lim jarayoniga jalb etish, xorijiy davlatlar va jamg’armalar bilan institut aloqalarini yaxshilash, loyiha, dasturlar bo’yicha xamkorlikda ishlar olib borish xamda institutga chet el investisiyalarini jalb qilish bo’yicha xalqaro tashkilotlar bilan hamkorlik shartnomalarini tuzish.
Professor-o’qituvchilar, doktorantlar, aspirantlar va talabalar uchun turli xil grantlar haqidagi malumotlar bazasi to’planib oliy ta’lim muassasalariga yuborilib turilsa yanada yaxshiroq bo’lardi.

Ko'rishlar soni(572)