Chet tillar fakul’teti ingliz tili va adabiyoti yo’nalishi talabalari bilan “ Talaba yoshlar o’rtasida huquqbuzarlik va jinoyatchilikni oldini olish borasida tushuntirish targ’ibot ishlarini olib borish ” mavzusida tadbir o`tkazildi

Kun tartibida keltirilgan birinchi masala yuzasidan ma’naviy –ma’rifiy  ishlar bo’yicha dekan o’rinbosari A.Rustamov so’zga chiqib, Jizzax shahar IIB, Voyaga yetmaganlar bilan ishlash bo’limidan tashrif buyurgan katta inspektor kapitan Xolmirzayeva Sayyora Ubaydullayevnani yig’ilganlarga tanishtirdi va tadbirni ochib berdi. chet1

A.Rustamov o’z nutqida bu illatlarning o’ta salbiy oqibatlari xususida so’z yuritdi va bu illatlarni oldini olishda fakul’tetda olib borilayotgan ishlar borasida to’xtalib o’tdi.

Jizzax viloyat, Jizzax shahar IIB, Voyaga yetmaganlar o’rtasida nazoratsizlik va huquqbuzarliklar profilaktikasi katta inspektori kapitan Xolmirzayeva Sayyora Ubaydullayevna  so’zga chiqib nafaqat talabalar, balki barcha yoshlar o’rtasida avj olib borayotgan huquqbuzarliklar to’g’risida tushuncha berib o’tdi. Yoshlarning o’tish davridagi o’zgarishlari va yosh xususiyatlari haqida ma’lumot va hayotiy misollar keltirib, talabalarni ogohlikka chorladi. Texnologiya asri davrida turli xil zamonaviy texnikalardan o’rinli va unumli foydalanish lozimligini ta’kidladi. Ushbu huquqbuzarliklarning  oqibatlari va bu borada olib borilayotgan amaliy ishlar xususida atroflicha ma’lumot berdi.

208 –guruh murabbiyi F.Norbekov  o’z nutqida yoshlar  tarbiyasi hamma zamonlarda ham dolzarb hisoblangani, ammo internet zamonida ulg’ayayotgan yigit- qizlar tarbiyasiga alohida yondoshuvni talab etishi, telekanallar soninining ko’payishi, internetning qo’l telafonigacha kirib kelishi bolalarcha hayrat tuyg’usini so’ndirib qo’yayotgani, yoshlarda g’arbga taqlidni kuchayib borayotgani o’qituvchi va murabbiylarni o’z vazifalariga yanada ma’suliyatlarini oshirishlari lozimligini taqazo qilishini ta’kidladi.

Guruh murabbiylari N. Isanova, R.Norbekova, D Siddiqova, N Bo’riyeva, M Umarqulovalar yoshlar hayotidan  hayotiy misollar va  dalillar keltirib, ichkilikbozlik, chekuvchilik, giyohvandlik va jinoyatchilik kabi illatlarning oldini olishda ta’lim va tarbiya jarayoniga alohida e’tibor berishning ahamiyati, avvalo ota-onalar va o’qituvchi – murabbiylarning o’rni beqiyosligi, oliy ta’lim muassasi bilan  ota-onalar  o’rtasidagi aloqani yanada mustahkamlash lozimligini  ta’kidlab o’tdilar.208 – guruh talabasi Jafarova Iroda, 108-110, 205-206-208 –guruh talabalari No’monjonov Otabek, Shunqorova Sh, Ravshanov Nurmuxammad va yana bir qancha talabalar o’z fikr mulohazalarini bildirdilar hamda talabalar mutaxassis va o’qituvchilardan o’zlarini qiziqtirgan savollariga javob oldilar.