Chet tillar

Chet tillar fakulteti dekani

chettili dekan

Mamatov Abdugafur Eshonkulovich

Faoliyati: 2016 yil :
Telefon: 8(372) 226-51-46
Faks:8(372) 226-59-94
Email:———-


Xorijiy tillar fakulteti institut ochilgan 1974 yildan buyon faoliyat ko’rsatib kelmoqda.1978 yildan boshlab “Rus tili va adabiyoti ”fakulteti sifatida faoliyat ko’rsatgan, 1998 yilda “Xorijiy tillar” fakulteti deb nomlangan . Dastlab fakultetda “Rus tili va adabiyoti ” mutaxassisligi bo’yicha oliy ma’lumotli mutaxassislar tayyorlangan . 1995 yildan ingliz tili yo’nalishi bo’yicha ham bakalavrlar tayyorlana boshlandi. Fakultetda ta’lim olgan mutaxassislar hozirgi kunda MDH mamlakatlarida, AQSh, Isroil, Islandiya, Avstraliya, Fransiya kabi davlatlarda yashab ishlamoqda.

Har yili fakultetga 65 ta grant, 135 ta shartnoma asosida talabalar qabul qilinib, bugungi kunda 750 dan ortiq talaba tahsil olmoqda.

Fakultetga 1997 yildan 2007 yilgacha dos. Pirnazarov Umirboy Pirnazarovich rahbarlik qilgan. 2007 yildan 2013-yilgacha  fakultetni pedagogika fanlari nomzodi, dots. Nurmanov Abdinazar Tashbayevich boshqarib keldi.

2013 yildan fakultetni P.F.N Dotsent Odilov B, 2014-yildan Tugalov Tursunqul Igamberdiyevich, 2014 – yil sentyabr oyidan Isarov Oman Risalievich boshqarib kelmoqda.
Hozir fakultet institutning eng yirik fakultetlaridan biri bo’lib, bugungi kunda 5 ta kafedra faoliyat ko’rsatmoqda.
1. «Rus tili va adabiyoti kafedrasi » kafedra mudiri filologiya fanlari nomzodi, dos. Xodjimetova Dilorom Jo’rayevna.
2. «Ingliz tili va adabiyoti kafedrasi» kafedra mudiri Karimova D.
3. «Xorijiy tillarni o’qitish uslubiyati kafedrasi» kafedra mudiri filologiya fanlari nomzodi dos. Kim Oleg Alekseevich
4. «Tabiiy fanlaroro chet tili» kafedra mudiri Quvvatov M.
5. «Ijtimoiy fanlaroro chet tili» kafedirasi mudiri Norbekov F

Fakultetda hozirgi kunda 3 nafar fan doktori, 10 ta fan nomzodi, dosentlar faoliyat ko’rsatmoqda. Fakultetni bitirib “bakalavr” darajasini olgan talabalardan o’ndan ko’prog’i Respublikamizning yetakchi oliy o’quv yurtlarining maqsadli magistraturalarida o’qishni davom ettirayotgan bo’lsa, 2 nafari aspiranturada ilmiy tadqiqot ishlarini olib borishmoqda. Professor- o’qituvchilardan 2 nafari doktorlik, 10 nafari nomzodlik dissertatsiyalari ustida ish olib borishmoqda. 2008-yilda ingliz tili va adabiyoti kafedrasi o’qituvchisi Isarov Omon nomzodlik dissertatsiyasini himoya qilib, filologiya fanlari nomzodi ilmiy darajasini qo’lga kiritdi. Fakultetning Ismatova Natasha, Norbekov Farxod, Jo’rayev Ilxom, Jabborov Sherzod, Eshonqulov Hamroqul, Sayipova Shoxida kabi o’qituvchilari nomzodlik dissertasiyalarini yakunlash ustida ish olib bormoqda. Oxirgi 5 yil davomida iqtidorli talabalarimizdan Jo’rayeva Manzura, Rasulov Ulug’bek O’zbekiston Respublikasi Prezidenti stipendiyasi sovrindori, Rasulova Gulshan, Shamsiyeva Olima, Toshmatova Zuxralar, 2008 yilda Yaxshiyeva Zulfizar,Rasulova Gavxar, 2009 yilda Xusanova Ozoda A.Navoiy nomli Davlat stipendiyasi sovrindorlari bo’lish sharafiga erishdilar. Hozirgi kunda ularning ko’pchiligi tanlagan mavzulari bo’yicha ilmiy-tadqiqod ishlarini olib borishmoqda va imtiyoz bilan magistraturada o’qishayapti.Oxirigi yillarda fakultetda ma’naviy-axloqiy tarbiya ishlari samaradorligini oshirish, barkamol avlod tarbiyasini yanada yuksaltirish borasida ham ijobiy ishlar amalga oshirilmoqda. Yuksak ma’naviyatli shaxsni shakllantirishga qaratilgan dastur asosida olib borilayotgan tarbiyaviy ishlar ijobiy samarasini bermoqda.

2009 yilda fakultetda iqtidorli talabalar ilmiy-ijodiy markazi tashkil etildi. Markazning asosiy faoliyati fakultetda tahsil olayotgan iqtidorli yoshlarni izlab topish, ular to’g’risida ma’lumotlar bankini yaratish, 2-kursdan boshlab ularni maqsadli ilmiy-tadqiqot ishlariga jalb qilish, ularga ilmiy rahbarlar birkitish, ilmiy-ijodiy ishlari natijalarini chop etishga ko’maklashish kabi muhim vazifalarni amalga oshirish bilan bog’liq.

Markazga filologiya fanlari doktori, professor Pardayeva Zulfiya Jo’rayevna rahbarlik qilmoqda.

Talabalar bo’sh vaqtini mazmunli tashkil etish maqsadida kafedralar qoshida “Lingvist”, “Pegas”, “Ingliz tilida so’zlashishni o’rganamiz” kabi fan va boshqa sport to’garaklari faoliyat ko’rsatmoqda. Fakultetda ilmiy-tadqiqot ishlari samaradorligini oshirish, innovasion, amaliy va fundamental ilmiy-tadqiqot ishlarini amalga oshirish maqsadida “Xorijiy filologiya: til, adabiyot va ta’limning dolzarb muammolari” ilmiy-uslubiy seminar doimiy faoliyat olib bormoqda. Seminarga iqtidorli talabalar, aspirantlar, stajyor-tadqiqotchilar, fan nomzodlari va fan doktorlari jalb qilingan.

2010 – Barkamol avlod yili munosabati bilan fakultetda o’quv va tarbiyaviy ishlar samaradorligini oshirish, moddiy –texnika bazani mustahkamlash, o’quv jarayonida zamonaviy axborot va pedagogik texnologiyalarni keng joriy etish bo’yicha tadbirlar rejasi ishlab chiqildi va amalga oshirilmoqda. Zamonaviy kompyuterlar bilan jihozlangan va internet tarmog’iga ulangan. Kompyuter sinfi, doimiy ravishda yangi adabiyotlar bilan boyitib borilayotgan kutubxona, lingofon kabinetlari talabalarni eng zamonaviy axborot bilan ta’minlashda, rus va ingliz tillarini mukammal egallashlarida yaqindan xizmat qilib kelmoqda.

Fakultet professor -o’qituvchilari har yili Samarqand DChTI da, Toshkent DJTU da malakasini oshirib kelmoqda. Fakultetning ingliz tili va adabiyoti kafedrasi katta o’qituvchilari Abdazov Toshpo’lat va Mamatqulov Xoshim 2002 yilda AQSh Davlat Departamentining «Ta’lim sohasidagi hamkorlik» dasturi asosida Respublikamizda tashkil qilingan konkursda g’olib chiqishib, AQShda malakalarini oshirib kelishdi. 2006 yil Abdazov Sobir, Darvishova Gulchehra, Anorboyev Akmallar «Iste’dod» grantini yutib, 2007 yil may oyida Malayziya davlatida “Yangi pedagogik texnologiyalar” bo’yicha o’z malakalarini oshirib qaytishdi. 2008 yilda «Iste’dod» granti sovrindorlari Abdazov Toshpo’lat, Yusupova Nora, Pardayev Shavkatlar Xitoy Xalq Respublikasida “Yangi pedagogik texnologiyalar” bo’yicha malaka oshirdilar.

O’zbekiston Respublikasi Oliy va o’rta maxsus ta’lim vazirligi va Britaniya Kengashi o’rtasida imzolangan memorandumga muvofiq fakultetda ingliz tiliga oid o’quv dasturlarni xalqaro standartlar darajasiga yetkazish bo’yicha loyiha amalga oshirila boshlandi. 2009-2010 o’quv yilidan boshlab 1-bosqich talabalaridan tashkil topgan eksperimental guruh tashkil etildi. Ushbu guruh ingliz tili va uni o’qitish metodikasi bo’yicha yangi o’quv dasturi asosida o’qitila boshlandi.

Ko'rishlar soni(176)