“Biz sog‘lom turmush tarzi tarafdorimiz!”

Joriy yilning  24 aprel   kuni   institut axborot –resurs markazida «Axborot-kutubxona haftaligi» doirasida Tabiiy fanlar  fakultetining Biologiya  o‘qitish metodikasi kafedrasi bilan hamkorlikda “Biz sog‘lom turmush tarzi tarafdorimiz!”  mavzusida tadbir tashkil etildi. Tadbirda fakultetning professor-o‘qituvchilari va 301-302 -guruh talabalari hamda axborot-resurs markazi xodimlari ishtirok etdilar. Tadbirni ARM yetakchi mutaxassisi S. Isroilova  kirish so‘zi bilan  ochib berdi:

sog

“O‘zbekiston Respublikasi Prezidentining 2017 yil 12 yanvardagi  “Kitob mahsulotlarini chop etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targ‘ibot qilish masalalari bo‘yicha komissiya tuzish to‘g‘risida”gi F-4789-sonli farmoyishi ijrosini ta’minlash maqsadida  markazimizda axborot- kutubxona haftaligi doirasida «Har bir kitobxondan bir kitob» hadya tadbiri  o‘tkazishni rejalashtirdik . Bunday tadbirlarni tashkil etishdan maqsad talaba-yoshlarda kitobxonlik madaniyatini oshirish, ularning ma’naviy dunyosini boyitishdan iboratdir”.sog2

 Shundan so‘ng,  Biologiya  o‘qitish metodikasi kafedrasi mudiri D. Imomova  Oliy va o‘rta maxsus ta’lim vazirligining “Yoshlar o‘rtasida kitob mutolaasi va kitobxonlik madaniyatini yuksaltirish, ularning sifatli kitob mahsulotlariga bo‘lgan talabini qondirish to‘g‘risida”  2017 yil 27 fevralda qabul qilingan 11-sonli qo‘shma qarori ijrosini  ta’minlash yuzasidan fakultetda olib borilgan ishlar to‘g‘risida fikr yuritdi. Shuningdek, kafedra o‘qituvchisi  N. Hamrayeva  mazkur qarorda ko‘tarilgan masala bugungi kunning dolzarb vazifasi ekanligini ta’kidladi.

So‘ngra, fakultetning 3-bosqich talabasi O. Toshpo‘latov “ Alkogolizm- sog‘lom  turmush kushandasidir” mavzusida ma’ruza qildi: U o‘z ma’ruzasida “ Alkogolizm insonning  ongiga , hulqiga, ma’naviyatiga, dunyoqarashiga salbiy  ta’sir ko‘rsatadi” deb ta’kidladi.

            3- bosqich talabasi I. Ochilov “Oila va salomatlik” mavzusida ma’ruza qilib, quyidagilarni aytib o‘tdi: “Oila jamiyatning asosini tashkil etadi. U kishilik jamiyatida insoniy oriyat va nomusni anglash, shu tuyg‘ularni idrok etishning  hosilasidir. Oila qancha mustahkam bo‘lsa, jamiyat ham shuncha mustahkam bo‘ladi. Vatan erki va  istiqlolning poydevori, oilaning  mustahkamligi  ijtimoiy- iqtisodiy omillargagina emas balki, ma’naviy omillarga ham chambarchas bog‘liqdir”.

Tadbirda axborot-resurs markazi xodimlari tomonidan tayyorlangan ”Biz sog‘lom turmush tarzi tarafdorimiz!” mavzusidagi adabiyotlar ko‘rgazmasini     ARM xodimasi U. Normatova   ishtirokchilarga qisqacha sharhlab berdi.

Tadbirni axborot- resurs markazi xodimasi D.Axmadjonova    yakunlab, talaba-yoshlarni kitob mutolaasiga chaqirdi.