Ajdodlarga munosib avlod bo‘laylik

Ajdodlarga munosib avlod bo‘laylik

Joriy yilning 4 aprel kuni Jizzax davlat pedagogika instituti axborot- resurs markazi va Maktabgacha ta’lim fakulteti  hamkorligida Sohibqiron Amir Temur tavalludining 683 yilligiga bag‘ishlangan “Ajdodlarga munosib avlod bo‘laylik” mavzusida ma’naviy-ma’rifiy tadbir tashkil etildi. Tadbir Jizzax Arxetektura va qurilish KXXda bo‘lib o‘tdi.

Tadbirni Maktabgacha ta’lim fakulteti dekani  N. Qushvaqtov kirish so‘zi bilan ochib berdi : “ O‘zbekiston mustaqillikka erishgach, Amir Temur shaxsi, uning tarixdagi o‘rni va rolini haqqoniy baholash  tiklandi, uning muborak nomi yana xalqimiz timsoliga aylandi”.

            Shundan so‘ng, 307- guruh murabbiyi A. Qayumov “Yoshlarda jasorat va matonatni tarbiyalash omillari”mavzusidagi ma’ruza qildi. So‘ngra, Tarix fakulteti 4-kurs talabasi,  Navoiy nomidagi davlat stipendiyasi sovrindori J. Sangirov “Amir Temur –o‘zbek xalqining faxri va iftixori” mavzusida, institut ARM xodimi S. Isroilova “Kitobxonlik –ma’naviyat belgisi” mavzusida chiqish qildilar. Shuningdek, ARM bo‘lim boshlig‘i M. Hayitova mavzuga doir “Sohibqiron ruhi barhayot” nomli adabiyotlar ko‘rgazmasini ishtirokchilarga qisqacha sharhlab berdi.

            Shundan so‘ng, 307-guruh talabalari tomonidan tayyorlangan sahna ko‘rinishlari namoyish etildi. Tadbirni fakultet Yoshlar bilan ishlash bo‘yicha dekan o‘rinbosari T. Haqqulov “Ajdodlarga munosib avlod bo‘laylik” degan da’vat bilan yakunlab, ishtirokchilarga minnatdorchilik bildirdi.

WP Facebook Auto Publish Powered By : XYZScripts.com