A. Qodiriy nomli JDPI Maktabgacha va boshlang‘ich ta’lim fakultetida atoqli adib va davlat arbobi Sh.Rashidov tavalludining 100 yilligiga bag‘ishlab o‘tkazilgan “Xalqidek ulug‘ inson” mavzusida tadbir bo‘lib o‘tdi

Tadbirni Institut MM ishlar bo‘yicha prorektor dos. F.Axmedov kirish so‘zi bilan ochib berar ekan xalqimizning otashqalb farzandi Sh.Rashidov tavalludining institutimizning har bir fakultetlarida keng nishonlanayotganligi va u insonga nisbatan qaratilayotgan katta e’tibor to‘g‘risida to‘xtalib, yaqin o‘tmishimizdagi murakkab davrlarda Sh.Rashidovning respublikamizni qariyb chorak asr davomida boshqarishi albatta oson bo‘lmaganligini, bu tarix haqiqatlarini bugun, ayniqsa yosh avlodga eslatish-anglatish juda muhim ahamiyatga ega ekanligi to‘g‘risida to‘xtalib o‘tdi. Shu munosabat bilan bugun Maktabgacha va boshlang‘ich ta’lim fakultetida ham keng nishonlanayotganligini to‘g‘risida alohida takidlab o‘tdi.

 

So‘ngra Jizzax ovozi gazetasi bosh muharriri A.Inomov so‘zga chiqib Sh.Rashidovning qilgan ishlari, xalqi uchun jonkuyar va fidoiy inson bo‘lganligini aytib, so‘nggi paytlarda gazetalarda ham u kishining hayoti, faoliyati va ijodi to‘g‘risida ham ko‘plab ma’lumotlar va maqolalar chiqayotganligini, bu ma’lumotlarni yoshlar qanchalik ko‘p o‘qib o‘rganishsa maqsadga muvofiq bo‘lishligi to‘g‘risida to‘xtalib o‘tdi.

Shundan so‘ng Fakultet MM ishlar bo‘yicha dekan o‘rinbosari H.Sodiqov, Sh.Rashidov muzeyi ilmiy xodimi Sh.Ibragimova, fakultet yoshlar ittifoqi kengashi raisi S.Saydaxmatovlar ham so‘zga chiqishib O‘zbekiston Prezidenti Shavkat Mirziyoev 2017-yilning 27-mart kuni «Atoqli davlat arbobi va yozuvchi Sharof Rashidov tavalludining 100 yilligini nishonlash to‘g‘risida»gi qarorga imzo chekganligi bejizga emasligi, Hujjatda respublikani juda murakkab va og‘ir yillarda boshqarib, mamlakat taraqqiyoti yo‘lida fidokorona xizmat qilgan, ijtimoiy va ijodiy faoliyati bilan milliy adabiyot va madaniyat rivojiga katta hissa qo‘shgan atoqli davlat arbobi, taniqli yozuvchi Sharof Rashidovning yorqin xotirasini ulug‘lash hamda tavalludining100 yilligini munosib nishonlash maqsadida qabul qilinganligini avvalroq Oliy Majlisi Senatining qaroriga muvofiq Jizzax viloyati Jizzax tumaniga Sharof Rashidov nomi berilganligi, Jizzax viloyati Sharof Rashidov tumanida davlat arbobi va yozuvchi xotirasiga bag‘ishlangan yodgorlik majmuasi barpo etilayotganligini va haykali o‘rnatilayotganligini, Jizzax shahrida uning memorial uy-muzeyi tashkil etilib, muzey hududi obodonlashtirish ishlari borayotganligi ham bejizga emas ekanligi to‘g‘risida alohida to‘xtalib o‘tishdi.

Shuningdek Noyabr oyining birinchi o‘n kunligida Jizzax va Toshkent shaharlarida Sharof Rashidov tavalludining 100 yilligiga bag‘ishlangan xotira kechasi o‘tkazilishi haqida ham aytib o‘tishdi.