8-mart “Xalqaro xotin-qizlar kuni”ga bag‘ishlab, Jizzax davlat pedagogika instituti madaniyat saroyida o‘tkaziladigan “Aziz va muqaddassan ayol!” nomli bayram tadbiri bo`lib o`tdi

Tadbirni institut rektori prof. A.Xolbekov kirish so‘zi bilan ochib berdi. Bahorning ilk kunlarida xotin-qizlar bayramining nishonlanishida ham ajib bir ramziy ma’no borga o‘xshaydi. Zero, bahor ham, ayol ham go‘zallik, nafosat ifodasidir. Shu kunlarda butun mamlakatimiz bo‘ylab 8 mart – Xotin-qizlar kuni umumxalq bayrami sifatida keng nishonlanmoqda. 

7

Mamlakatimizda inson manfaatlarini ta’minlash, ayollarning turmush sharoitlarini yaxshilash, salomatligini mustahkamlash, qobiliyat va intilishlarini ro‘yobga chiqarish borasida amalga oshirilayotgan keng ko‘lamli ishlar yuksak samaralar berayotganini ta’kidladi. 8Birinchi Prezidentimizning 2004 yil 25 mayda qabul qilingan «O‘zbekiston Xotin-qizlar qo‘mitasi faoliyatini qo‘llab-quvvatlash borasidagi qo‘shimcha chora-tadbirlar to‘g‘risida»gi farmoni ushbu tuzilma ishini takomillashtirish, ayollar hayotidagi rolini oshirish, mahallalardagi ma’naviy muhitni mustahkamlash, sog‘lom oilalarni shakllantirishda muhim omil bo‘ldi. 2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasida xotin-qizlarning ijtimoiy-siyosiy faolligini oshirish, davlat va jamiyat boshqaruvidagi o‘rnini kuchaytirish, xotin-qizlar, kasb-hunar kollejlari bitiruvchi qizlarining bandligini ta’minlash, ularni tadbirkorlik faoliyatiga keng jalb etish, oila asoslarini yanada mustahkamlash bo‘yicha kompleks chora-tadbirlar belgilangan. “Xalq bilan muloqot va inson manfaatlari yili” Davlat dasturida ham xotin-qizlar masalasiga alohida e’tibor qaratilgan. Zero, ayol tabiatning mo‘jizasi, uningsiz biz erkaklar hayotimiznir aslo tasavvur eta olmaymiz.

10

Shu ma’noda, ushbu tadbirda o‘tirgan barcha xotin-qizlarning mehnatini har tomonlama ibrat qilib ko‘rsatish mumkin. O‘z nutqi davomida rektor o‘zining “bahor” she’rini o‘qib eshittirib, Ayol shunday nafis xilqatki, uning ta’rifiga so‘z ojizlik qiladi. Ayol bu, eng avvalo, onalarimiz, opa-singillarimiz, vafodor yorimiz, hamkasblarimiz, umuman olganda, jamiyatning negizi hisoblanmish oilaning asosi, desak mubolag‘a bo‘lmaydi.

11Ularsiz hayotni bir tasavvur qilib ko‘ring… Aziz ayollarsiz bizga samoda porlagan quyoshu Oyning ne keragi bor? Ularni, tom ma’noda, hayotimizning mazmuni deya e’tirof etsak ham kam. Shunday nozik siymosida bir olam dardni ko‘tarib yuradigan bardoshli, matonatli ayollarimizga nisbatan bejizga bir qo‘lida beshikni, bir qo‘lida dunyoni tebratadi, deya ta’rif berilmaydi. – Hayotimizda turli-tuman sanalarni bayram sifatida keng nishonlaymiz. Shular qatorida ko‘ngillarimizga go‘zallik va xursandchilik, fayzu tarovat olib keladigan 8 mart bayrami alohida o‘rin tutadi. Biz bilan bir safda faoliyat ko‘rsatishayotgan ayol ustozlar, professorlar, olimalarimizning o‘rni beqiyosdir. Hech kimga sir emas, ayol zoti haqida, uning qanday tengsiz latofat va nafosat sohibasi ekani, ezgulik va fidoyilik ramzi, xonadonlarimizning fayzu farishtasi ekani haqida tariximizda ne-ne ulug‘ mutafakkirlar, shoir va allomalar qancha-qancha dil so‘zlarini bayon etganlar.

12Bu haqda gapirganda, avvalo, buyuk Alisher Navoiy bobomizning “Jannat onalarning oyog‘i ostidadir” degan mazmundagi hikmatli so‘zlarini yana bir bor eslaymiz va mehribon, muqaddas Ona siymosi oldida barchamiz bosh egib ta’zim qilamiz. institutimizda ham olima ayollar, yosh iste’dod sohibasi sanalmish talaba qizlarimizning o‘rni alohida. Ular respublika va xalqaro tanlovlarda institutimizning sharafini himoya qilayotgan talaba-qizlarimiz erishayotgan yutuqlaridan haqli ravishda faxrlanamiz. So‘zimning yakuni sifatida barcha xotin-qizlarga baxt-saodat, omad, mazmunli hayot tilayman deb, so‘zini yakunladi.

            Shuningdek, adabiyot, san’at, fan, ta’lim, madaniyat, sport va jamoat sohalarida erishgan alohida xizmatlari uchun o‘qituvchi ayollar, institut xotin-qizlariga faxriy yorliqlarni tantanali ravishda topshirdi.

– Ushbu bayram tadbiriga yig‘ilgan, institutimiz xotin-qizlari yuzida mamnuniyat ifodasini ko‘rish mumkin, – dedi boshlovchilar o‘z nutqida.

Shundan so‘ng, tadbirning asosiy qismi boshlandi. 8-mart “Xalqaro xotin-qizlar kuni”ga bag‘ishlab bag‘ishlangan videoroliklar, musiqiy ta’lim yo‘nalishi talabalari tomonidan kuy-qo‘shiqlar, 1-sonli bolalar musiqa va san’at maktabi o‘qituvchi va o‘quvchilarning chiqishlari barchaga bahoriy kayfiyat baxsh etdi.