Чингиз Айматовнинг “Асрга татигулик кун” романининг ўрганилиши юзасидан давра суҳбати ташкил этилди

Жорий йилнинг 12 апрель куни Жиззах давлат педагогика институти ахборот- ресурс маркази ҳамда Математика факультети ҳамкорлигида “Менинг севимли ўнта китобим” акциясига киритилган Чингиз Айматовнинг “Асрга татигулик кун” романининг ўрганилиши юзасидан давра суҳбати ташкил этилди. Давра суҳбати ахборот- ресурс марказининг мажлислар залида бўлиб ўтди.

Давра суҳбатини институт ахборот –ресурс маркази бўлим бошлиғи М. Ҳайитова очиб берди ва “ Менинг севимли ўнта китобим” маданий- маърифий танловининг Низоми ҳамда танлов шартлари билан таништирди.

Шундан сўнг, АРМ кутубхоначиси С. Исроилова “ Менинг севимли ўнта китобим” маданий- маърифий танловига қўйилган бадиий адабиётларга қисқача шарҳ берди.a4 Давра суҳбатини Математика факультети маънавий- маърифий ишлар бўйича декан ўринбосари З. Ҳайдарова давом эттириб, Ч. Айматовнинг ҳаёти ва ижодига тўхталди. Унинг “Асрга татигулик кун”романи Нобель мукофотига сазовор бўлганлиги, жаҳон адабиёти дурдоналари туркумига киритилганлигини алоҳида таъкидлади.

Шу факультетнинг 3- босқич талабаси Ш.Ғайбуллаев Ч. Айматовнинг ҳаёти ва ижоди тўғрисидаги фикрларни рус тилида баён қилди. Иштирокчиларга “Асрга татигулик кун” романи асосида тайёрланган видеолавҳа намойиш этилди. Факультетнинг 3- босқич талабаси И. Самариддинов асарнинг бугунги кундаги тарбиявий аҳамияти ҳақида маъруза қилди.

Суҳбат давомида бошловчи Г. Абдуллаева томонидан иштирокчи талабаларнинг асар сюжетларига бўлган муносабатлари юзасидан саволлар берилди. Савол –жавоблар мунозарасида талабалардан Б.Адилов. С. Қаюмова, М. Ҳамраева, Г. Қаюмова, З. Махмудовалар фаол иштирок этиб, асар қаҳрамонларига ўз муносабатларини билдирдилар..

Давра суҳбатини АРМ бўлим бошлиғи М.Ҳайитова якунлаб,”Менинг севимли ўнта китобим” маданий- маърифий танловидан кўзланган мақсад, талаба-ёшларда китобхонликни янада ривожлантириш, уларнинг маънавий дунёсини кенгайтириш, бадиий адабиётларнинг инсон ҳаётидаги ўрни ва ролини тушунтиришдан иборат эканлигини таъкидлаб, мазкур танловда математика факультети талабалари совринли ўринларни эгаллашларига ишонч билдирди ва тадбирда фаол иштирок этган талабаларни мақтов ёрлиқлари билан тақдирлади.

a4