«Barkamol avlod-2017″ga qizg’in tayyorgarlik ko’rilmoqda

Jizzaxda “Barkamol avlod – 2017” musobaqalariga qizg’in tayyorgarlik ko’rilmoqda. Musobaqalar o’tadigan asosiy inshootlarda qurilish-tamirlash ishlari yakunlanmoqda, ishtirokchilar uchun yotoqxona va oshxonalar hozirlanayotir.

Birinchi Prezidentimiz tashabbusi bilan umumtalim maktablari, kasb-hunar kollejlari, oliy o’quv yurtlari talabalari o’rtasida o’tkazib kelinayotgan uch bosqichli sport musobaqalari qatorida “Barkamol avlod” o’yinlari alohida ahamiyatga ega. Ushbu ananaviy musobaqa yoshlarni jismonan va manan etuk insonlar etib ulg’aytirish bilan birga, ularda jamoa bo’lib harakat qilish, g’alabaga intilish ishtiyoqini kuchaytirishga xizmat qilmoqda.

“Barkamol avlod” musobaqalarining birinchisi ham 2001 yilda Jizzax viloyatida o’tgan va unda sportning 8 turi bo’yicha 1 ming 540 o’quvchi ishtirok etgan edi. Jizzax “Barkamol avlod – 2017” musobaqasining mamlakat bosqichiga yana mezbonlik qilmoqda. Musobaqada Qoraqalpog’iston Respublikasi, viloyatlar va Toshkent shahridan 17 sport turi bo’yicha 2 mingga yaqin yosh sportchi ishtirok etishi kutilmoqda.

“Barkamol avlod – 2017” musobaqalari Jizzax olimpiya zaxiralari kolleji, Jizzax politexnika instituti, ushbu institut qoshidagi akademik licey sport zallarida, futbol maydonlari, sport inshootlarida o’tkaziladi.

Sportning gandbol, stol tennisi, voleybol, taekvondo, dzyudo, erkin kurash, yunon-rum kurashi, badminton, tennis, og’ir atletika turlari bo’yicha musobaqalar o’tkaziladigan Jizzax olimpiya zaxiralari kolleji katta sport zalida, suzish basseynida, gimnastika zali va oshxonasida qurilish-tamirlash ishlari yakuniga etmoqda.

Jizzax davlat pedagogika institutining talabalar turar joyi “Barkamol avlod – 2017” musobaqalari ishtirokchilari uchun xizmat qiladi va tayyorgarlik ishlari jadal suratlarda olib borilmoqda. Quyida siz tayyorgarlik jarayonidan fotolavhalarni ko’rishingiz mumkin

photo_2017-05-13_12-13-54
photo_2017-05-13_12-13-51
photo_2017-05-13_12-10-19
photo_2017-05-13_12-10-13
photo_2017-05-13_12-10-03
photo_2017-05-13_12-10-00

photo_2017-05-13_12-24-45 photo_2017-05-13_12-24-43